PIÖÖC 20
Të ye Akutnɔm Guiɛɛr Thïn
Yekoba ee Nhialic aguiɛɛr. (1 Korinthoi 14:33) Ka yen ayeku ŋɔ̈ɔ̈th ke kɔcke aa bï röt ya guiir aya. Ye këdï ye akutnɔm ë Kërithanoi guiir? Ye këdï lëu bïï ɣok ye kuɔny bï lɔ tueŋ ke tiëm?
1. Yeŋa yen wat akutnɔm nɔm?
“Kërtho (ee yen ë) nɔm de ɣön ë Nhialic.” (Epethiei 5:23) Ke tɔ̈u paannhial, ee nyin tïït ë loi looi ke kɔcke Yekoba ë pinynɔm ëbën. Yecu acä “aluaŋ nɔŋ gääm ku ŋic käŋ kuany”—akut thiin ë röördït cï ŋuɛ̈ɛ̈n wën ye cɔɔl Akut ë röördït wat akutdït nɔm. (Kuen Mathayo 24:45-47.) Cït man dutuuc thɛɛr ku röördït ke Jeruthalɛm, Akut ë röördït wat akutdït nɔm aa kutnïïm nyuööth ë pinynɔm ëbën. (Luɔi de Tuuc 15:2) Ku röördït kä acie bäny ka kutnɔmda. Aa Yekoba kɔɔr ku wɛ̈tde bï keek nyuööth, ku aa Yecu piŋ thok ku gamkë mänyde.
2. Yeŋö luɔi ë röördït?
Röördït aa Kërithanoi cï ŋuɛ̈ɛ̈n ë piööc ë cök ke Baibol ku aa kɔcke Yekoba biɔ̈ɔ̈k bïk ke kony ku deetkë keek piɔ̈ɔ̈th. Aa cie keek ë riɔp ë wɛ̈t ye lon yekë looi kënë. Keek, aa luui cït man cïï Baibol ye lueel “Wek aacïï Nhialic wïc bäk luɔi kënë looi ke cït luɔi cï we mac thïn. Duɔ̈kkë luɔi kony wek kɔc cï gam ye looi rin ariöp ë rot. Luɔ̈ɔ̈ikë rin wïc wek ye bäk ke kony.” (1 Petero 5:1, 2, LËK YAM) Röördït aa ye keek kuɔny ë kɔc ë röördït kuɔny, kɔc lëu bïk ya röördït aya, të cïï dhaman lɔ.
Akut ë röördït wat akutdït nɔm aa röördït kɔ̈k kuany bïk ya kɔc aa akutnïïm caath. Aa akutnïïm juëc neem bïk ke nyuööth ku deetkë keek piɔ̈ɔ̈th. Aa röördït ku kɔc röördït kuɔny kuany, kɔc cï ciɛɛŋ ë cökke Baibol dhiɛl lëu ë luɔi.—1 Timotheo 3:1-10, 12; Tito 1:5-9.
3. Yeŋö ë luɔi de raan töŋ ë Ciëëtke Yekoba?
Raan ëbën akutnɔmic “aa rinke Bɛ̈nydït (Yekoba) leec” të luui keek amɛtmɛɛt ka kutnïïm yiic ëbën ku mɛtkë röt ë lon ë piööcic cï tän ë riɛlden.—Kuen Diɛt 148:12, 13.
YÄP DÏT
Piɔ̈ɔ̈cë Yecu ye bɛ̈ny yïndï, ku të cïï röördït ciɛɛŋde kiɛ̈ɛ̈t thïn, ku të lëu bïï ɣook ɣo cin mat buk luui ëbën ke Yecu ku röördït.
4. Yecu ee bɛ̈ny kɔc dɛɛt piɔ̈ɔ̈th
Yecu acï ɣok gäm cöt piɛth. Kuen Mathayo 11:28-30, ku jälkë thiëc kënë jäämic:
-
Ye Yecu kɔɔr buk bäänyde ya tïŋ këdï?
Ye këdï ye röördït ciɛɛŋde Yecu kiɛ̈ɛ̈t? Puɔl ë BIDEO.
Aye Baibol piɔ̈ɔ̈c apiɛth të lëu bïï röördït londen ya luɔi thïn.
Kuen Yithaya 32:2 ku 1 Petero 5:1-3, ku jälkë thiëc bɔ̈ jäämiic:
-
Ye kuer ye röördït Yecu kiɛ̈ɛ̈t bïk kɔc ya dɛɛt piɔ̈ɔ̈th yök këdï yï puɔ̈u?
-
Ye kuɛɛr kɔ̈k kou lëu bïï röördït ciɛɛŋde Yecu kiɛ̈ɛ̈t?
5. Röördït aa piööc ë kuer ë ciɛɛŋden
Ye Yecu kɔɔr bï röördït londen ya tïŋ këdï? Puɔl ë BIDEO.
Yecu acï kuer gaam bïï kɔc wat akutnïïm nïïm ya biɔɔthic. Kuen Mathayo 23:8-12, ku jälkë thiëc kënë jäämic:
-
Yeŋö yï gɔ̈i ë kaam kuer cïï Baibol gaam bïï röördït ya biɔɔthic kekë ca tïŋ tɛ̈n ë bäny ke duɔ̈ɔ̈r kɔ̈k?
-
Röördït aa nyiin tïït ë röt ku kɔcke bëëiken ë käk wëi yiic agokï rëër keke ril
-
Röördït aa nyiin tïït ë raan ëbën akutnɔmic
-
Röördït aa lɔ lëk ë köölthok ëbën
-
Röördït aa kɔc piɔ̈ɔ̈ce. Keek aya aa kɔc kuɔny ë nyiɛɛi acuɔl ku loi looi kɔ̈k
6. Ɣook aa lëu buk ɣo cin mat ke röördït
Baibol ee ɣook gäm kë thiekic apɛi buk ɣo cin mat ke röördït. Kuen Ɣeberuu 13:17, ku jälkë thiëc kä jäämiic:
-
Nadɛ̈ ye gam ke ye yic wɛ̈t ye Baibol ɣok dɛɛt piɔ̈ɔ̈th buk röördït ya theek ku biɔɔthku ke cök? Ye wɛ̈tŋö, awu ye wɛ̈tŋö cien yen?
Kuen Luk 16:10, ku jälkë thiëc kënë jäämic:
-
Ye wɛ̈tŋö piɛɛth en buk ɣo cin ya mat ke röördït ë këriëëc ëbën yic agut kä thii piɔliic aya?
AYE KƆC KƆ̈K LUEEL: “Acïï wïc ba tɔ̈u akutnɔm ë duɔ̈ɔ̈r cï guiiric.”
-
Ye käpiɛɛth ŋö ye keek takiic lëu bïï raan ke yök të cïï yen rot mät kɔc kɔ̈k bïk Nhialic door akutnɔmic?
JAM CIEKIC
Yecu ee yen wat akutnɔm nɔm. Ɣook aa piɔ̈ɔ̈th miɛt buk ɣo cin mat ku luuiku ke röördït wɛ̈t ye keek ɣok dɛɛt piɔ̈ɔ̈th ku piööckë ɣook ë ciɛɛŋden.
Bëër Yic
-
Yeŋa yen wat akutnɔm nɔm?
-
Ye këdï ye röördït akutnɔm kuɔny?
-
Yeŋö lon ë raan tök ë kɔc ë Yekoba door ëbën?
YƆ̈P WËL JUËC KƆ̈K
Tïŋ yinydïït ye nyuɔɔth nɔn nhiɛɛr Akut ë röördït wat akutdït nɔm ku röördït kɔ̈k Kërithanoi ye köölë.
Piɔ̈ɔ̈cë biäk ë lon ye kɔc ka kutnïïm caath looi.
Piɔ̈ɔ̈cë biäk ë lon ë diäär akutnɔmic.
Tïŋ të ye röördït luui arëët bïk kɔcken cï gam ya dɛɛt piɔ̈ɔ̈th.
