PIÖÖC 21
Ye Këdï ye Wël Piɛɛth ke Bääny de Nhialic Luɛɛl?
Ë kuer ë bäänyde, Yekoba abï kä jɔ̈ɔ̈r mɛnh ë raan ëbën nyaai ë dhaman ciekic. Thoŋ kënë apiɛth apɛi ka wïcku buk lɛ̈k kɔc kɔ̈k. Yecu akɔɔr kɔcken ye biɔɔth cöök bïk wël kä rɔm ke raan ëbën! (Mathayo 28:19, 20) Ye këdï cïï Ciëëtke Yekoba löŋ cïï Yecu lueel dhuknɔm?
1. Ye këdï cïï Mathayo 24:14 rot tiɛŋ tëde ye köölë?
Aa cïï Yecu lueel: “Ku wëlpiɛthkë wël ke Ciɛɛŋ [Bääny ë Nhialic] abï ke guiëër kɔc ke piny nɔm ëbɛ̈n.” (Mathayo 24:14) Ciëëtke Yekoba aa mit piɔ̈ɔ̈th bïk rɔm ye londïït thiekic kënë yic. Ɣook aa kɔc lɛ̈k wël piɛth ë pinynɔm ëbën ë thook juëc wär 1,000! Londïït kënë awïc kɔc juëc ku aguiɛɛrdït apɛi. Acï lëu bï looi ke kuɔɔny de Yekoba liu thïn.
2. Yeŋö ye kɔɔr tënë ɣook buk kɔc lɔ lɛ̈k?
Ɣook aa kɔc lɛ̈k ë kuat të cïï ɣok kɔc yök thïn ëbën. Cït man Kërithanoi tueŋ wään, ɣok aa kɔc lɛ̈k ë “ɣööt yiic ëbɛ̈n.” (Luɔi de Tuuc 5:42) Ku kuer ë lëk kënë ee ɣok cɔl ayök kɔc juëc apɛi ë bɛ̈ɛ̈iken yiic ë ruɔ̈ɔ̈n thok ëbën. Ku wɛ̈t ye kɔc liu baai ë dhaman däŋ, ɣok aa kɔc lɛ̈k aya ë ɣɔ̈n juëc kɔ̈k cïï kɔc ke nïïm mat thïn. Ɣok aa rëër ke ɣo cï röt guiir ë thaa thok ëbën ke ɣok bï kɔc lëk ë bïakde Yekoba ku luɔide.
3. Yeŋa yen lëu bï wël piɛɛth kä lɔ luɛɛl aɣeer?
Kërithanoi yic ëbën aa keek lëu bïk wël piɛɛthkä lɔ rɔm ke kɔc kɔ̈k. Ɣook aa londan kënë lööm ke thiekic apɛi. Ɣook aa piööc ë riɛlda ëbën ë wɛ̈tŋö aŋicku pïïr ë kɔc juëc atɔ̈u ë riääkic. (Kuen 1 Timotheo 4:16) Ɣook aa cie keek ë riɔp ë wɛ̈t ye lon kënë, acïï Baibol lueel: “Acäk lööm të cïn ariɔp, yakä gaam të cïn ariɔp.” (Mathayo 10:7, 8, LEKJOT) Acie raan ëbën yen wɛ̈tda gam. Ku ɣook aa ŋoot ke lɔ tueŋ wɛ̈tŋö piööc kënë ee baŋ ë duɔ̈ɔ̈rda ku ee Yekoba miɛɛt puɔ̈u.
YÄP DÏT
Piɔ̈ɔ̈cë käjuëc ë biäk ë riɛl ye Ciëëtke Yekoba tääu ë lon ë piööcic ë pinynɔm ëbën, ku tïŋ të ye Yekoba ɣook kuɔny thïn.
Piööc ë pinynɔm ëbën: (A) Kothta Rika, (B) United States, (C) Benin, (D) Thailand, (E) Yap, (F) Sweden
4. Ɣook aa luui apɛi buk raan ëbën dööt
Ciëëtke Yekoba aa riɛldït tääu ë lon ë piööc ë wël piɛthiic tënë kɔc kedhie ë pinynɔm ëbën. Puɔl ë BIDEO, ku jälkë thiëc bɔ̈ jäämic.
-
Yeŋö yï gɔ̈i ë biäk ë riɛl ye Ciëëtke Yekoba tääu ë lon ë piööcic?
Kuen Mathayo 22:39 ku Romai 10:13-15, ku jälkë thiëc kä jäämiic:
-
Ye këdï ye londan ë piööc ye nyuɔɔth nɔn nhiɛɛr ɣok kɔc rɛ̈ɛ̈r ke ɣok?
-
Ye Yekoba kɔc ye wël piɛth luɛɛl tïŋ këdï?—Tïŋ cöök 15.
5. Ɣook aa kɔc ë luui ëtök ke Nhialic
Käjuëc cï röt looi aa ye nyuɔɔth nɔn ye Yekoba ɣok nyuööth ë londa yic. Cït man, ë paan New Dhealand wänmääth Paulo acï rɔ̈m ke tik ë lon ë piööc ë bɛ̈ɛ̈i yiic akɔ̈l ciɛlic. Ye nhiäk duur kënë yic, tiiŋ kënë aacï lɔ̈ŋ tënë Nhialic ku cɔɔl ë rinke, Yekoba, ku thiëëc bï naŋ raan bɔ̈ tënë yen. “Wën cïï thɛɛ kadiäk lɔ,” acïï Paulo lueel, “Guɔ kɔ̈ɔ̈c ë ɣönde thok.”
Kuen 1 Korinthoi 3:9, ku jälkë thiëc kënë jäämic:
-
Ye këdï ye kä cï röt looi cït man ë töŋ ë paan New Dhealand ye nyuɔɔth nɔn nadɛ̈ ke Yekoba ee ɣok nyuööth ë lon ë piööcic?
Kuen Luɔi de Tuuc 1:8, ku jälkë thiëc kënë jäämic:
-
Ye wɛ̈tŋo wïc ɣok kuɔɔny tënë Yekoba agoku londan ë piööc thöl?
Nadɛ̈ ŋic?
Ë yithbuɔ thok ëbën amatdan yithbuɔ ciɛlic, ɣook yeke nyuöth të bïï ɣok kɔc ya lɔ piɔ̈ɔ̈c thïn. Na ca kɔn lɔ amat töŋ ye amɛtmɛɛt kä yiic, yeŋö ye takic ë biäk piööc ye gaam thïn?
6. Ɣook aa löŋ de Nhialic ë biäk ë piööc theek
Ë run tueŋ Kërithanoi wään, kɔc ë ke ye jai acïk them bïk kɔc ë Yecu biɔɔth cöök gɛ̈l agokï cïï be ya piööc. Kërithanoi tueŋ wään acï yiny dan ë piööc gɛ̈l kɔ̈u ë kuer cïï keek akuma thiëëc “bï ke gäm yic . . . bïï keek ya lɔ piööc ë wël piɛɛthke bääny de Nhialic.” (Pilipoi 1:7) Ku ee yen kë ye Ciëëtke Yekoba looi ye köölë. a
Kuen Luɔi de Tuuc 5:27-42, ku jälkë thiëc kënë jäämic:
RAAN DÄŊ ALËU BÏ THIËC: “Ye wɛ̈tŋö ye Ciëëtke Yekoba cath ë bɛ̈ɛ̈i yiic ëbën?”
-
Lëu ba dhuknɔm këdï?
JAM CIEKIC
Yecu acï kɔcken ye biɔɔth cöök lɛ̈k bïk wël piɛth lɔ luɛɛl ë bɛ̈ɛ̈i ke pinynɔm yiic kedhie. Yekoba ee kɔcke kony bïk lon kënë looi.
Bëër Yic
-
Ye këdï ye wël piɛth piɔ̈ɔ̈c ë pinynɔm ëbën?
-
Ye këdï ye londan ë piööc yen nyuɔɔth nɔn nhiɛɛr ɣok kɔc rɛ̈ɛ̈r ke ɣok?
-
Nadɛ̈ ye takic lon ë piööc kënë alëu bï yï miɛɛt puɔ̈u? Ye wɛ̈tŋö?
YƆ̈P WËL JUËC KƆ̈K
Tïŋ të ye Ciëëtke Yekoba piööc tënë kɔc ë bɛ̈ɛ̈idït wën cï keek guiir yiic.
Lon ë Piööc Ageen të Cïï Kɔc ke Nïïm Mat Thïn Paan ë Parith (5:11)
Ye këdï cïï Ciëëtke Yekoba lɔ piööc tënë kɔc ë ke cï kat ë bɛ̈ɛ̈iken yiic?
Kuɛth ë Käk ë Wëi Tënë Kɔc ë ke cï Kat ë Bɛ̈ɛ̈i Kɔ̈k Yiic (5:59)
Yök miɛt puɔ̈u bɛ̈nbei të cïï raan pïïrde tääu ë lon ë piööcic ë thaathok ëbën.
Piɔ̈ɔ̈cë biäk luɔ̈k piɛɛth cuk ke tiaam cï ɣok kuɔny buk londan ë piööc ë wël piɛth yäth tueŋ.
a Ee Nhialic yen cï londan ë piööc puɔ̈l bï lɔ tueŋ. Ka yen, Ciëëtke Yekoba aacïï lëu bïk thiëc tënë akumat ke pinynɔm bï ke puɔ̈l bïk wël piɛth lɔ luɛɛl.
