Ee cïï Yecu piɔ̈ɔ̈c nɔn nadɛ̈ ke Kërithanoi ëbën aabï ke ya luöi baptith. (Kuen Mathayo 28:19, 20.) Ku baptith yeŋö? Ku yeŋö dhil lëu bïï raan looi ago luöi baptith?

1. Baptith yeŋö?

Wɛ̈t ye cɔɔl “baptith” aabɔ̈ ë wɛ̈t ë Greekic ë ye lueel “bï yï ruɔɔny ë pïïu yiic.” Wään luui Yecu baptith, ee cï juɔl ë wär ë Jordanic, na wën ke jɔ bɛ̈n “biic ë pïïu yiic.” (Mak 1:9, 10) Ke yen tɛ̈de aya, Kërithanoi yic aaye keek baptith, ë kuer ye ke ruɔɔny, awu jool keek ë pïïu yiic.

2. Yeŋö ye baptith nyuɔɔth?

Ku bï yï luöi baptith, aye raan nyuɔɔth nɔn nadɛ̈ ke cï pïïrde gäm Nhialic Yekoba. Ye këdï ye raan pïïrde gaam? Ke këc guɔ luöi baptith, ë lɔ̈ŋde yic yetök, aye lɛ̈k Yekoba nɔn wïc yen en bï pïïrde gäm Yen bï luöi athɛɛr. Aye thɔn bï Yekoba ya door yetök ku tɛ̈ɛ̈u kë wïc tueŋ ke ye kë thiekic apɛi ë pïïrde yic ëbën. Aye kuany ku “nyäŋ rɔt . . . ku biɔɔth [Yecu] cök” ke piööcde ku ciɛɛŋde ëbën. (Mathayo 16:24) Gɛɛm ë rot ku baptinhde ee ye cɔk puɔlic tënë yen bï nɔŋ mänh thiökic apɛi ke Yekoba ku kɔcken ye door.

3. Ye këdï lëu bïï raan lɔ tueŋ ku bï luöi baptith?

Yïn lëu ba rot guiir ë baptith kuer bïï yïn piöc ë biäk ë Yekoba ku nɔŋ gääm ril tënë yen. (Kuen Ɣeberuu 11:6.) Tɛ̈ le ŋïnydu ku gäämdu tueŋ ke jɔ dït, ke nhiëërdu tënë Yekoba abï rot juak aya. Ke cïn kë dak ë yïpuɔ̈u abä nhiaar ba ya piööc ë biäkde ku ye lööŋke theek. (2 Timotheo 4:2; 1 Jɔn 5:3) Tɛ̈ pïïr raan ë kuer “bï Bɛ̈nydït [Yekoba] ya miɛt piɔ̈u arëët,” ka bï tak bï pïïrde gäm Nhialic ku luui baptith.​—Kolothai 1:9, 10. a

 YÄP DÏT

4. Ɣok aa lëu buk piöc ë baptinh ë Yecu yic

Kuen Mathayo 3:13-17 ku ba piöc ë käjuëc ë biäk ë baptinh ë Yecu. Ku jälkë thiëc kä jäämiic:

• Nadɛ̈ Yecu ë ye mɛnh thïn koor wään luui yen baptith?

• Ye këdï ë luui yen baptith? Nadɛ̈ ë cï yoor nɔm ë pïïu abac?

Yecu ee gɔl londen cïï Nhialic gäm yen cöök wään cïï ye luöi baptith. Kuen Luk 3:21-23 ku Jɔn 6:38, ku jälkë thiëc kënë jäämic:

• Wään cïï Yecu luöi baptith, ye lon no ë cï tääu tueŋ ë pïïrde yic?

5. Baptith ee këpiɛɛth lëu bïï raan kuany bï looi

Tɛ̈ktɛ̈k ë gɛɛm rot ku bï yï luöi baptith alëu bïï raan yök ke ye rilic apɛi tueŋ. Ka yen, alëu ba lɔ tueŋ aɣet tɛ̈ bïï yïn ye gam ë yïpuɔ̈u ke ye kë thiekic. Ku ba kɔc kɔ̈k cï ye kënë looi tïŋ, puɔl ë BIDEO.

Kuen Jɔn 17:3 ku Jakop 1:5, ku jälkë thiëc kënë jäämic:

• Yeŋö lëu bï raan kuɔny bï rot guiir bï luöi baptith?

1. Ɣok aa pïïrda gäm Yekoba ë wɛ̈t ye ɣok ye lɛ̈k yen buk luöi aɣet cä athɛɛr

2. Tɛ̈ luui ɣook baptith, ka yeku nyuɔɔth tɛ̈n kɔc daai nɔn cïï ɣok pïïrda gäm Nhialic

 6. Baptith ee ye nyuɔɔth yïn bï ya raan töŋ ë paan ë Yekoba

Tɛ̈ cï ɣo luöi baptith, ke ɣok ya kɔcke paan ë Yekoba cï mat ë pinynɔm ëbën. Na cɔk anɔn ë bïï ɣok ɣɔ̈n wääciic ku ciɛɛŋ wääciic, ke ɣok ɣodhie ɣok aa rɔm gääm tök ku ɣok aa pïïr ë lööŋ thöŋ. Kuen Diɛt 25:14 ku 1 Petero 2:17, ku jälkë thiëc kënë jäämic:

• Ye këdï ye baptith pïïr ë raan ke Yekoba ku jɔl ya kɔcken ye door waaric?

 JAM CIEKIC

Ee cïï Yecu piɔ̈ɔ̈c nɔn nadɛ̈ ke Kërithanoi awïc bï ke ya luöi baptith. Ku bï raan ë kënë looi, awïc bï nɔŋ gääm ril tënë Yekoba, ku ye lööŋke theek, ku gɛ̈m rot Yen.

Bëër Yic

• Baptith yeŋö, ku ye wɛ̈tŋö thiek yen yic?

• Ye këdï ye gɛɛm ë rot ku baptith mat?

• Ye dhɔ̈l köu ye raan ke rot gaam ku luui baptith?