PIÖÖC 25
Ye Wɛ̈tŋö ë Ciɛk Nhialic Ɣook?
Aye Baibol gam nɔn nadɛ̈ ke pïïr ë mɛnh ë raan, ‘aciekic ku athiäŋic ke käriliic apɛi.’ (Jop 14:1) Ye yen wɛ̈t ë ciɛk Nhialic ɣook kënë? Na cie yen, ke ye wɛ̈tŋö ë ciɛk en ɣook? Nadɛ̈ bï kën ë ciɛk en ɣook tiɛŋ tëde? Tïŋ adhuknïïm piɛɛth ke Baibol ë kɔc duut piɔ̈ɔ̈th.
1. Ye pïïr yïndï wïc Yekoba tënë ɣook?
Yekoba akɔɔr ɣook buk naŋ pïïr dik apɛ̈i. Wään ciɛk en kɔc tueŋ, Adam ku Eva, aa ke cï keek tääu ë paraditho dhuëëŋ apɛi yic, ye cɔɔl dom ë Eden. Ku ë tɛ̈ɛ̈n, “Go Nhialic ke thieei, ku lëk keek an, ‘jakï röt dhiëëth ku kɛɛrkï, thiäŋkï pinynɔm, ku jakï cieŋ nɔm’.” (Cäk 1:28) Aa ke wïc Yekoba keek bïk naŋ mïth, ku guiirkë pinynɔm bï ya paraditho, ku yekë nyïïn tïït ë lääi. Kën ë wïc Nhialic ee bï raan ëbën rëër ke mit puɔ̈u ku piɔl guöp ku pïïr athɛɛr.
Cɔk anɔn kën käŋ röt looi ye kuer kënë, a kën ë wïc Nhialic akën rot geer. (Yithaya 46:10, 11) Aŋoot ke kɔɔr kɔc ye theek bïk pïïr athɛɛr keke piɔl gup.—Nyuuth 21:3, 4.
2. Ye këdï lëu bïï ɣook pïïr ke ɣok mit piɔ̈ɔ̈th ë mannë?
Yekoba acï ɣook cak ke ɣo nɔŋ “nhiëër ë käk ë wëi,” cït man, ye ɣook ye wïc buk ŋic ku buk ya door. (Kuen Mathayo 5:3-6.) Ee ɣook kɔɔr buk naŋ mänh thiɔ̈kic ke yen, buk “lööŋke ya looi kedhie, ku nhiaarku,” ku yeku luöi ë “piɔ̈ɔ̈th [kuɔ] ëbën.” (Nyöŋ de Löŋic 10:12; Diɛt 25:14) Të looi ɣok yen këya, ke ɣok aa lëu buk piɔ̈ɔ̈th miɛt apɛi cɔk anɔn nɔŋ en käjuëc jɔ̈ɔ̈r ɣook. Duɔ̈ɔ̈r ye ɣok Yekoba door ee pïïrda cɔk dik apɛi ku cɔl aŋicku ye wɛ̈tŋö ë ciɛk en ɣook.
YÄP DÏT
Piɔ̈ɔ̈cë biäk ë nhiëërdït cïï Yekoba nyuöth ɣook wään guiir en pinynɔm tënë ɣok ku kë ye wɛ̈tde piɔ̈c ɣook ë biäk ë wɛ̈t ë ciɛk en pïïr.
3. Anɔŋ këpiɛɛth ë ciɛk Yekoba mɛnh ë raan
Puɔl ë BIDEO, ku jälkë thiëc bɔ̈ jäämiic.
-
Ye wɛ̈tŋö ë ciɛk Nhialic pinynɔm piɛɛth dan kënë?
Kuen Wɛ̈ɛ̈t cï Määtic 3:11, ku jälkë thiëc kënë jäämic:
-
Yeŋö ye kënë piɔ̈ɔ̈c yïn ë biäkde Yekoba?
4. Kën ë wïc Yekoba bï looi akën rot waar
Kuen Diɛt 37:11, 29 ku Yithaya 55:11, ku jälkë thiëc kënë jäämic:
-
Ye këdï ye ɣook ye ŋic nɔn nadɛ̈ kën ë ciɛk Yekoba ɣook akën rot waar?
Ɣön cï riääk alëu bï bɛ looi bï piath. Ke yen tëde aya, pinynɔm, cïï mɛnh ë raan pälwei bï riääk, abïï Nhialic bɛ looi bï piath tënë kɔc wën nhiaar en
5. Duɔ̈ɔ̈r ye ɣook Yekoba door ee pïïrda looi bï dik apɛi
Të ŋic ɣook wɛ̈t ë ciɛk pïïr ka lëu bï miɛt puɔ̈u bɛ̈i tënë ɣook. Puɔl ë BIDEO, ku jälkë thiëc bɔ̈ jäämiic.
-
Ye këpiɛɛth ŋö cïï Terumi yök wään cïï yen kën ë ciɛk pïïr ŋic?
Kuen Wɛ̈ɛ̈t cï Määtic 12:13, ku jälkë thiëc kënë jäämic:
-
Ë wɛ̈t käjuëc cïï Yekoba ke luöi ɣook, yeŋö wïcku buk dhiɛl luöi yen?
RAAN DÄŊ ALËU BÏ THIËC: “Yeŋö ë ciɛk ë pïïr?”
-
Lëu ba dhuknɔm këdï?
JAM CIEKIC
Yekoba akɔɔr ɣook buk piɔ̈ɔ̈th miɛt athɛɛr ë pinynɔm ë tënë. Të door ɣook yen ë piɔ̈ɔ̈thkuɔ ëbën, ke pïïrda ee dik apɛi—agut ë mannë.
Bëër Yic
-
Ye wɛ̈tŋö ë ciɛk Yekoba Adam ku Eva?
-
Yeku ŋic këdï nɔn nadɛ̈ ke wɛ̈t ë ciɛk Nhialic raan akën rot waar?
-
Ye këdï lëu bïï yïn puɔ̈u miɛt apɛi ë pïïrdu yic?
YƆ̈P WËL JUËC KƆ̈K
Tïŋ yiny ye nyuɔɔth nɔn tɔ̈u dɔm ë Eden.
“Dom ë Eden—ye Yic Awu ye Lueth?” (The Watchtower, Pɛɛi ë Tök 1, 2011)
Piɔ̈ɔ̈cë ye wɛ̈tŋö lëu bïï ɣook ye gam nɔn nadɛ̈ ke pinynɔm abï rëër athɛɛr.
Tïŋ kë ye Baibol lueel ë biäk të bïï yïn pïïr dik apɛi yök.
Tïŋ ye këdï cïï mony ye yen thɔ̈ɔ̈ŋic nɔn cïn yen kë dak ë pïïrde yic yen bën yök nɔn nɔŋ en kë liu ë pïïrde yic.
a Ë piööc däŋ bɔ̈ yic, aba piɔ̈ɔ̈c yeŋö cï bɛ̈n wääc.