PIÖÖC 26

Ye Wɛ̈tŋö ye Kärɛc Röt Looi ku ye Mɛɛmdït Apɛi Tɔ̈u?

PLAY

“Ye Wɛ̈tŋö?” ee thiëc ë bën ë raan nɔm tɛ̈ nɔŋ yen kërɛɛc cï rɔt looi tënë yen. Ɣok aa mitpiɔ̈ɔ̈th apɛi ë wɛ̈t ye Baibol thiëc kënë ŋiɛc dhuknɔm!

1. Ye këdï cïï Cetän rɛ̈ɛ̈c jɔɔk cöök ë pinynɔm?

Cetän Jɔŋdït Rac acï gät tënë Nhialic. Cetän ee wïc bï nɔŋ kɔc mɛc keek, ee yen cïï yen kɔc tueŋ bɛ̈n rac nïïm, Adam ku Eva, bïk gät ke yen. Cetän ee loi ë kënë kuer cïï yen lueth lɛ̈k Eva. (Cäk 3:1-5) Ee cï looi bï tak nɔn cïï Yekoba këpiɛth pëën tënë yen. Aa ye lueel nɔn bïï kɔc piɔ̈ɔ̈th miɛt apɛi tɛ̈ cïï keek Nhialic thek. Cetän acï luenh tueŋ lueel wɛ̈t cïï yen ye lɛ̈k Eva yïn cïï bï thou. Ke yen, ye Baibol Cetän cɔɔl “alueeth ku ye wun lueth.”—Jɔn 8:44.

2. Yeŋö cïï Adam ke Eva kuany bïk looi?

Yekoba ee cï Adam ku Eva gäm këriëëc ëbën. Ee cï lueel bïk ya cam ë tiim tɔ̈u domic ëbën ku ye tim tök yen cïkkë cam. (Cäk 2:15-17) Ku yen acïk bën lɔc bïk tim kënë caam. Go Eva mɛnh ë “tim tet ku ciɛm.” Nawën ke “jɔl monyde cam ayadäŋ.” (Cäk 3:6) Keek kedhie aacï löŋ ë Nhialic dhoŋ kɔ̈u. Wɛ̈t ë cïn yen kë dak tënë yïï Adam ke Eva, ee puɔlic tënë keek bïk këpiɛth ya looi. Ku wɛ̈t cïï keek löŋ ë Nhialic dhoŋ kɔ̈u ke ŋickë, aacä awäc bën looi ku jiɛikë ë kuumde. Ku ë tɛ̈ktɛ̈k den kënë acï mɛɛmdït bën bɛ̈i tënë keek.—Cäk 3:16-19.

3. Ye këdï cïï tɛ̈ktɛ̈k yïï Adam ku Eva ɣok rac?

Wään cïï yïï Adam ku Eva awäc looi, aacï gup bën dak, ku aacï rɛ̈ɛ̈c bën yiëk mïthken ëbën. Ë biäk Adam, aye Baibol lueel: “Kërac aa bɔ̈ ë pinynɔm në raan tök, ku bɔ̈ thuɔɔu kërac cöök, ago thuɔɔu jɔ lööny ë kɔc gup kedhie, luɔi cï kɔc käŋ wööc kedhie.”—Romai 5:12.

Ɣok aa mam ë wɛ̈t käjuëc. Thɛɛ kɔ̈k ɣok aalëu buk mam ë wɛ̈t tɛ̈ktɛ̈k rɛɛc cuk kuany. Ku thɛɛ kɔ̈k ɣok aalëu buk mam ë wɛ̈t tɛ̈ktɛ̈k rɛɛc cïï kɔc kɔ̈k kuany. Ku thɛɛ kɔ̈k aya ɣok aalëu buk mam ë wɛ̈t tɛ̈u ɣok piny rac ku dhaman rac yic.—Kuen Wɛ̈ɛ̈t cï Määtic 9:11, NWT.

YÄP DÏT

Tïŋ wɛ̈t cie yen ë Nhialic yen kärɛc ku mɛɛm looi ë pinynɔm yeköölë ku të ye yen ye yök thïn ye puɔ̈u tɛ̈ mɛm ɣok.

4. Raan ë mɛɛm bɛ̈i tënë ɣook

Aye kɔc juëc gam nɔn yen Nhialic yen mac pinynɔm ëbën. Ye kënë yic? Puɔl ë BIDEO.

BIDEO: Yeŋa Yen Mac Pinynɔm? (1:24)

Kuen Jakop 1:13 ku 1 Jɔn 5:19, ku jälkë thiëc kënë jäämic:

Nadɛ̈ ye Nhialic yen mɛɛm ku kärɛc bɛ̈i?

5. Tïŋ kä cï bɛ̈n bei thïn ë kuum ë Cetän yic

Puɔl ë BIDEO.

BIDEO: Ye Wɛ̈tŋö ye Nhialic Mɛɛm Puɔ̈l bï lɔ Tueŋ?—Baŋ Bideo (3:07)

Kuen Cäk 3:1-6, ku jälkë thiëc kä jäämiic:

Ye luenh ŋö cïï Cetän lueel?—Tïŋ cökthii 4 ku 5.
Ye këdï cïï Cetän ye lueel nɔn nadɛ̈ ke Yekoba anɔŋ këpiɛɛth ë pëën tënë mɛnh ë raan?
Cït man ye Cetän ye tak, nadɛ̈ ke mɛnh ë raan awïc Yekoba bï ke mac tɛ̈ wïc keek miɛt ë puɔ̈u?

Kuen Wɛ̈ɛ̈t cï Määtic 8:9, ku jälkë thiëc kënë jäämic:

Wɛ̈t cie yen ë Yekoba yen mac ë piny kënë, yeŋö cï rɔt bën looi?

Adam ku Eva aake cïï gup dak ku aa ke rɛ̈ɛ̈r ë Paraditho yic ë pinynɔm. Ku keek aacï bën piiŋ tënë Cetän ku gɛ̈tkë tënë Yekoba
Wään cïï keek gät, pinynɔm acï bën thiäŋ ka awäc, mɛɛm, ku thuɔɔu
Yekoba aba awäc, mɛɛm, ku thuɔɔu nyaai. Ke cït man wään tueŋ, mɛnh ë raan abï bɛ ciën kë dak ë ye guöp ku abï rëër ë Paraditho yic ë pinynɔm ë tënë

6. Yekoba ee nyin tïït ë biäk ë mɛɛmda

Nadɛ̈ cie Nhialic nyin ë tïït ë mɛɛmda? Tïŋ kë cïï Melik Debit ku dutuc Petero gɔ̈t. Kuen Diɛt 31:7 ku 1 Petero 5:7, ku jälkë thiëc kënë jäämic:

Ye yök këdï ë yïpuɔ̈u nɔn nadɛ̈ ke Yekoba ee mɛɛmda tïŋ ku ee nyin tïit ë ɣok?

7. Nhialic abï mɛɛm ë mɛnh ë raan nyaai ëbën

Kuen Yithaya 65:17 ku Nyuuth 21:3, 4, ku jälkë thiëc kënë jäämic:

Ye wɛ̈tŋö yen yï duut puɔ̈u ba ŋic nɔn nadɛ̈ ke Yekoba abï kärɛɛc cï rɔ̈t luöi mɛnh ë raan nyaai ëbën?

Nadɛ̈ ŋic?

Wään lueel Cetän luenh tueŋ, ee cï Yekoba jääm guöp. Ka yen, ee cï rïn piɛɛth ke Yekoba rac ku jɔl ya kuer piɛɛthden ee yen kuum. Tɛ̈ le Yekoba mɛɛm mɛnh ë raan nyaai ë kööl bɔ̈, ka bï rïnke lɔɔk tënë kärɛɛc cïï Cetän ke luɛɛl ye guöp. Ë dhɔ̈l däŋ, abï jä nyuɔɔth nɔn nadɛ̈ ke kuumde acïn kë thöŋ ke yen. Lɔ̈k bïï rinke Yekoba lɔɔk ë kärɛɛc cï ke luɛɛl ye guöp ee töŋ kä thiekic apɛi ë pinynɔm ëbën.—Mathayo 6:9, 10.

AYE KƆC KƆ̈K LUEEL: “Mɛɛm ee kën ë ciɛk Nhialic ke ɣok.”

Yeŋö lëu ba lueel?

JAM CIEKIC

Cetän Jɔŋdït Rac ku kɔc tueŋ wään karou aa keek bïï kërac ë pinynɔm ëbën. Yekoba ee nyin tïït arëët ë biäk ë mɛɛmda ku abï guɔ nyaai ë dhaman thiɔ̈ɔ̈k bï bën.