Ɣok awäc looi, mɛɛmku, ku yeku thou wɛ̈t cïï kɔc tueŋ, Adam ku Eva, löŋ ë Nhialic dhoŋkɔ̈u. a Ku mannë ɣok aa nɔŋ ŋɔ̈th. Yekoba acï ɣo yiëk kuer bïï yen ɣo bɛ̈i bei aciɛɛn awäc ku thuɔɔu ë dhɔ̈l ë Wënde, Yecu Këritho. Aye Baibol piɔ̈ɔ̈ce ë kuer thonde, Yecu acï kɔc wɛ̈ɛ̈rbei. Wëërbei ee kë cï tääu piny bïï raan wɛ̈ɛ̈rbei ë këracic. Kë cïï Yecu tääu piny ee pïïrden ë mɛnh ë raan cïn kë dak ye guöp. (Kuen Mathayo 20:28) Wään cïï Yecu ye lɔc bï pïïrden pinynɔm athɛɛr gaam, acï dhɔ̈l bën liep thok buk kë wään cïï yïï Adam ke Eva muɔ̈ɔ̈r bɛn yök. Yecu aya acï nyuɔɔth të nhiɛɛr keek ɣok thïn ke Yekoba. Piööc kënë abï yïn kuɔny ba alɛɛcdu cɔl adït ë wɛ̈t cïï Yecu thou.

1. Ye këdï lëu bïï ɣok kuɔɔny yök ë thon ë Yecu yic yeköölë?

Wɛ̈t ee ɣok kɔc nɔŋ gup awäc, ɣok aa käjuëc cie Yekoba ë miɛɛt puɔ̈u looi. Ka yen, tɛ̈ cïï ɣok piɔ̈ɔ̈th riääk apɛi wɛ̈t awäny cuk looi ku theekku Yekoba ë kuer Yecu Këritho bï ɣok päl awuöckuɔ ku yeku them apɛi buk awäny kënë cïï be beeric, ke ɣok aabï nɔŋ mänh thiɔ̈kic apɛi ke Nhialic. (1 Jɔn 2:1) Aye Baibol lueel: “Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic.”​—1 Petero 3:18.

2. Ë kööl tueŋ bï bën, ye kepiɛɛth ŋö buk yök ë thon Yecu yic?

Yekoba acï Yecu tuööc ë pinynɔm wɛ̈t bïï yen pïïrden ë mɛnh ë raan cïn kë dak thïn bën gaam ku “bï raan ye gam [Yecu] cïï bɛ määr, raan ëbɛ̈n, ku bï dɛ pïïr athɛɛr.” (Jɔn 3:16) Ɣok aa mit piɔ̈ɔ̈th apɛi ë wɛ̈t kë cïï Yecu looi, Yekoba abï kërɛɛc cï bën ë wɛ̈t cïï Adam löŋde dhoŋkɔ̈u nyaai ëbën. Ku kënë ee nyuɔɔth tɛ̈ nyooth ɣok gääm ë biäk ë pïïr cïï Yecu gaamic, ke ɣok aabï nɔŋ dhaman buk pïïr ke ɣo mit piɔ̈ɔ̈th athɛɛr ë paraditho yic ë pinynɔm!​—Yithaya 65:21-23.

 YÄP DÏT

3. Thon ë Yecu acï ɣok wɛ̈ɛ̈rbei awäc ku thuɔɔu yic

1. Adam ee mony ë cïn kë dak ye guöp cï löŋ ë Nhialic dhoŋkɔ̈u ku tɛ̈ɛ̈u mɛnh raan ë kuer awäc ku thuɔɔu yic

2. Yecu ee mony cïn kë dak ye guöp cï Nhialic theek ku tɛ̈ɛ̈u mɛnh ë raan ë kuer cïnic awäc ku yäth kɔc tɛ̈n pïïr athɛɛr

4. Thon ë Yecu alëu bï raan ëbën kuɔny

 5. Wëërbei ee miɔ̈c ë Yekoba tënë yïn

Mäthke Yekoba aa wëërbei tïŋ ke ye miɔ̈c tënë keek. Cït man, kuen Galatai 2:20, ku jälkë thiëc kënë jäämic:

• Ye këdï cïï dutuc Paulo ye nyuɔɔth nɔn ee yen wëërbei tïŋ ke ye miɔ̈c tënë yen?

Wään cïï Adam awäc looi, yen ku mïthke ëbën aa cï keek bën tɛ̈m thou. Ku Yekoba acï Wënde bɛ̈n tuööc ë pinynɔm bï bën thou buk bɛ pïïr athɛɛr.

Ke yï kuen ee cök kä, thɔ̈ɔ̈ŋic të cïï Yekoba ye bën yök thïn ye puɔ̈u wään guum ë Wënde. Kuen Jɔn 19:1-7, 16-18, ku jälkë thiëc kënë jäämic:

• Ye yök këdï yï puɔ̈u ë biäk kë cïï Yekoba ku Yecu luöi yïn?

 JAM CIEKIC

Thon ë Yecu acï Yekoba puɔ̈l bï awuöckuɔ pälpiny, ku yiëk ɣok dhaman buk bɛ pïïr athɛɛr.

Bëër Yic

• Ye wɛ̈tŋö ë thou Yecu?

• Ye dhɔ̈l no ë thöŋ ë pïïr cïï Yecu gaam kek pïïr cïï Adam muɔ̈ɔ̈r?

• Ye këdï lëu bïï thon ë Yecu yïn kuɔny?