Ye yök këdï yïpuɔ̈u të cïï mäthdu yï gäm miɔ̈c dik apɛi? Ee yic, ee yï miɛɛt puɔ̈u apɛi ku nhiaar ba nyuöth mäthdu nɔn nhiɛɛr yïn ë miɔ̈c kënë. Yekoba ku Yecu aacï ɣok yiëk miɔ̈c dït apɛi kënku kaŋ yök. Yeŋö yen miɔ̈c kënë, ku ye këdï lëu bïï ɣook en nyuɔɔth nɔn mit ɣok piɔ̈ɔ̈th arëët ë wɛ̈tde?

1. Ye kuer töŋ no lëu bïï ɣok alɛɛc gaam tënë kë cïï Yekoba ku Këritho luöi ɣook?

Aye Baibol thɔn nɔn nadɛ̈ ke “raan gam en [Yecu] cïï bï määr” abï dɛ pïïr athɛɛr. (Joh. 3:16) Yeŋö wɛ̈tde yic bï raan nɔŋ gäm? Aye nyuɔɔth acie nɔn buk Yecu gam ë ɣo thook yetök. Awïc ɣook aya buk gäämda nyuɔɔth ë käkuɔn yeku ke lɔc yiic ku käkuɔn yeku ke looi. (Jakop 2:17) Të ye ɣook gäämda nyuɔɔth ë käkuɔn yeku ke lueeliic ku kä yeku keek looi, ke ɣook aa mänhda cɔl aril ke Yecu ku Wun Yekoba.​—Kuen Jɔn 14:21.

2. Yekööl ë miɛt puɔ̈u no ɣook kuɔny buk alɛɛc dhuɔ̈k Yekoba ku Yecu ë wɛ̈t kë cïk luöi ɣook?

Ë wɛ̈ɛ̈r wään kën yen guɔ thou, Yecu aacï kɔcken ye biɔɔth cöök lɛ̈k kuer däŋ bïï keek alɛɛc ya gaam ë wɛ̈t pïïrden cï gaam. Yecu aacï kööl ë miɛt puɔ̈u bɛ̈i bei ye Baibol cɔɔl “Miëth ë Thëëi,” man ŋic aya ke ye cɔɔl Tɛ̈ktɛ̈k ë Thon ë Këritho. (1 Korinthoi 11:20) Yecu ee loi ë kënë ë wɛ̈t bïï dutuucke​—ku Kërithanoi yic ëbën​—ye ya tak ë wɛ̈t cïï yen pïïrde gaam ë biäkda. Ë biäk yekööl ë miɛt puɔ̈u kënë, aa cïï Yecu lueel: “Yak kënë looi në täŋ bä wek wenïïm aa tak në yɛn.” (Luk 22:19) Të le yïn ë kööl ë tɛ̈ŋ ë thon Yecu yic, ka ba nyuɔɔth nɔn mit yïn puɔ̈u ë nhiëërdïït cïï Yekoba ku Yecu nyuöth ɣook.

 YÄP DÏT

3. Alɛɛc ee ɣook puɔ̈l buk luui

Thɔ̈ɔ̈ŋë yic raan tök acïï yïn kuɔny ke yï wïc ba mou. Nadɛ̈ lëu ba nɔm guɔ määr ë biäk këpiɛɛth cïï raan luöi yïn? Awu nɔŋ kuɛɛr ba keek them bïï yïn ke alɛɛc nyuɔɔth ë biäk këpiɛɛth cï luöi yïn?

Pïïrda ëbën atɔ̈u ë Yekoba ciin. Kuen 1 Jɔn 4:8-10, ku jälkë thiëc kä jäämiic:

• Ye wɛ̈tŋö ye pïïr cïï Yecu gaam ya miɔ̈c dik apɛi?

• Ye kë cïï Yekoba ku Yecu luöi yïn yök këdï yïpuɔ̈u?

Ye këdï lëu bïï ɣook alɛɛcda nyuöth Yekoba ku Yecu wɛ̈t kë cïk luöi ɣook? Kuen 2 Korinthoi 5:15 ku 1 Jɔn 4:11; 5:3. Të cïï yïn cök kä kueen, ke we jälkë thiëc kënë jäämic:

• Cït man cïï ɣook ye kueen ye cök kä yiic, yeŋö lëuku buk looi agoku alɛɛcda nyuɔɔth?

4. Kiɛ̈ɛ̈t ë Yecu

Kuer däŋ ye ɣook alɛɛc nyuɔɔth ee të kïït ɣok Yecu. Kuen 1 Petero 2:21, ku jälkë thiëc kënë jäämic:

• Ye kuɛɛr kou lëu bïï yïn ke cök ke Yecu kuanyiic apiɛth?

• Yeŋö rot looi ë kööl ë täŋ ë thon ë Yecu yic?

 JAM CIEKIC

Ɣook alɛɛcda nyuɔɔth tënë kë cïï Yecu luöi ɣok ë kuer ye ɣok gäämda nyuöth yen ku yeku lɔ kööl ë täŋ ë thonde yic.

Bëër Yic

• Yeŋö ë wɛ̈tde yic ba Yecu gam?

• Ye këdï ye yïn ye nhiaar ba alɛɛcdu nyuöth Yekoba ku Yecu ë wɛ̈t kë cïk luöi yïn?

• Ye wɛ̈tŋö thiek en yic arëët ba lɔ ë kööl ë Täŋ ë Thon ë Këritho yic?