Nadɛ̈ cï raandun nhiaar kɔn thou? Dhaman arɛɛmdït kënë, yïn lëu ba gäi: ‘Yeŋö ë rɔt looi të cïï ɣook thou? Nadɛ̈ ke nɔŋ ŋäth lëu bïï ɣok kɔckuɔn cï thou nhiaarku keek bɛn tïŋ?’ Ye piööc kënë yic ku piööc bɔ̈ tueŋ, tïŋ adhuknïïm piɛɛth ke Baibol ë kɔc duut piɔ̈ɔ̈th.

1. Yëŋo ë rɔt looi të cïï ɣook thou?

Yecu acï thuɔɔu thɔ̈ɔ̈ŋ ke nïndït apɛi. Raan tɔ̈u ë nïndït yic acie kë loi rɔt ë ye lɔ̈ɔ̈m ë ŋic. Ye këdï thöŋ ë thuɔɔu ke nïn? Të cïï raan thou, ka cie arɛɛm ë bɛ yök ye guöp. Acie rot ë bɛ yök ke köknyin, ku acie bɛ nɔŋ nhiëër tënë mäthke ku kɔcke paanden. “Kɔc cï thou acïn kë yek ŋic,” aye Baibol lueel.​—Kuen Wɛ̈ɛ̈t cï Määtic 9:5.

2. Ye këpiɛɛth ŋö yeku yök të ŋic ɣook yic ë biäk ë thuɔɔu?

Kɔc juëc ar̈ëët aa riɔ̈ɔ̈c ë thuɔɔu​—agut kɔc cï thou aya! Ku yïn lëu bï yï duut puɔ̈u ë wɛ̈t kë ye Baibol lueel ë biäk ë thuɔɔu. Aa cïï Yecu lueel: “Yic abï we lony.” (Jɔn 8:32) Ke wääc kekë ye kɔcke duɔ̈ɔ̈r juëc lueel, acie Baibol ë piɔ̈ɔ̈c nɔn nɔŋ raan atïm ë pïïr të cïï raan thou. Ka yen, acïn raan ë bɛ mam të cïï yen thou. Ku yen aya, wɛ̈t cïn yen kë ŋic kɔc cï thou, acïn kërɛɛc lëu bïk luöi ɣook. Ka yen acukku kɔɔr buk kɔc ya waac piɔ̈ɔ̈th awu buk keek ya door, ku acukku wïc buk ya lɔ̈ŋ tënë keek.

Aye kɔc kɔ̈k lueel nɔn nadɛ̈ ka lëu bïk jam ke kɔc cï thou. Ku kënë acïï lëu bï rɔt looi. Cït man cïï ɣook ye piɔ̈ɔ̈c, kɔc cï thou “acïn kë yek ŋic.” Kɔc ye takic nɔn nadɛ̈ aa jam ke kɔcken cï thou aa jakrac kek jam ke keek wën ë rɔ̈t wel bïk ya kɔc wään cï thou. Ka ŋïny ye ɣook yic ŋic ë biäk de thuɔɔu ee ɣok gɛ̈l tënë jakrac. Yekoba ee ɣok thɔn nïïm ë biäk ye ɣok ye them buk ya jam ke kɔc cï thou ë wɛ̈tŋö aŋic rɔ̈mda ke jakrac alëu bï ɣook luöi kërac.​—Kuen Nyök de Löŋic 18:10-12.

3. Piɔ̈ɔ̈cë kën ë rɔt looi të cïï raan thou

Ë pinynɔm ëbën, kɔc juëc arëët anɔŋ gääm wääc ë biäk ë kën rɔt looi të cïï raan thou. Ku yic pacɔ̈k, acie kä cïk ke gamkä ëbën keek lëu bïk ya yiith.

• Ye käŋö ye kɔc ke gam ë biäk kɔc cï thou tëdun rëër yin thïn?

 4. Yic ë biäk ë thuɔɔu ee ɣook kuɔny

Ŋïny ë yic ë biäk ë thuɔɔu ee ɣok wɛ̈ɛ̈rbei ë riɔ̈ɔ̈c ye ɣok riɔ̈ɔ̈c ë kɔc cï thou. Kuen Wɛ̈ɛ̈t cï Määtic 9:10, ku jälkë thiëc kënë jäämic:

• Lëu bï kɔc cï thou ɣo luöi kërac?

Yiny ë Baibol ayadäŋ ee ɣok gɛ̈l tënë gääm ye lueel buk kɔc cï thou ya waac piɔ̈ɔ̈th awu yeku keek door. Kuen Yithaya 8:19 ku Nyuuth 4:11, ku jälkë thiëc kënë jäämic:

• Ye takic ke ye Yekoba yök këdï ye puɔ̈u ë biäk ë raan ë duur awu ë kɔ̈r kuɔɔny tënë kɔc cï thou?

5. Yic ë biäk ë thuɔɔu ee ɣok duut piɔ̈ɔ̈th

Kɔc juëc aacï keek piɔ̈ɔ̈c të le keek thou, ka bï mam ë wɛ̈t kärɛɛcken wään cïk keek looi. Ku ee ɣook duut piɔ̈ɔ̈th buk ŋic nɔn cïn en raan ë bɛ mam të cïï yen thou​—cɔk aa raan cï kärɛɛc juëc apɛi looi acie bɛ mam të cïï yen thou. Kuen Romai 6:7, ku jälkë thiëc kënë jäämic:

• Na cuk ŋic, cït man cïï ɣook ye kueen ë Baibolic, thou ee raan wɛ̈ɛ̈rbei, awänyde yic, nadɛ̈ ye takic ke raan cï thou alëu bï bɛn mam ë wɛ̈t awänyden thɛɛr cï looi?

Ŋïny ye ɣook Yekoba ŋic apiɛth, ee yen ye ɣok ye ŋic acïï lëu bï raan puɔ̈l bï mam të cïï yen thou. Kuen Nyöŋ de Löŋic 32:4 ku 1 Jɔn 4:8, ku jälkë thiëc kä jäämiic:

• Lëu bï Nhialic nɔŋ kït cï ke lueel ye cök kä yiic raan puɔ̈l bï yɔŋ të cïï yen thou?

• Nadɛ̈ ye yic ë biäk ë thuɔɔu yök ke ye kën ë duɔ̈t ë puɔ̈u? Ku ye wɛ̈tŋö?

 JAM CIEKIC

Të cïï raan thou, ke pïïrde acï kɔ̈ɔ̈c. Kɔc cï thou aa cie bɛ mam, ku aa cie kɔc pïr ë luöi kärɛc.

Bëër Yic

• Yeŋö ë rɔt looi të cïï ɣook thou?

• Ye këdï ye yic ë biäk ë thuɔɔu ɣook kuɔny?

• Ye këdï ye yic ë biäk thuɔɔu ɣook duut piɔ̈ɔ̈th?