Thuɔɔu arɛɛmdït apɛi ku riäŋ ë puɔ̈u bɛ̈i. Ee yen wɛ̈t ye Baibol thuɔɔu cɔɔl raan ater. (1 Korinthoi 15:26) Ë Piööc 27 yic, aca piɔ̈ɔ̈c nɔn nadɛ̈ ke Yekoba abï raan ater kënë tiaam. Ku yeŋö bï rot looi tënë kɔc cï dac thou thɛɛr? Në ye piööc kënë yic, yïn abï käjuëc ŋic ë biäk këpiɛɛth däŋ cïï Yekoba thɔn​—abï kɔc juëc apɛi jɔt bïk bɛ pïïr athɛɛr keke mit piɔ̈ɔ̈th. Abï keek jɔt ë thuɔɔu yic! Lëu bï ë kënë rot looi? Bï ke jɔt ë thuɔɔu yic bïk pïïr paannhial awu pinynɔm ë tënë?

1. Yeŋö wïc Yekoba bï luöi kɔc kuɔn nhiaarku keek cï thou?

Awïc Yekoba apɛi ye puɔ̈u bï kɔc cï thou cɔk abɛ pïïr. Mony ë nɔŋ gäm cɔl Jop ee cï gam ë piɔ̈nde ëbën nɔn nadɛ̈ ke Nhialic acïï nɔm bï kaŋ määr ë yen tɛ̈ le yen thou. Ee cï lɛ̈k Nhialic: “Yïn bï cööt, ku yïn bä gam [ë raŋic].”​—Kuen Jop 14:13-15.

2. Yeku ŋic këdï nɔn nadɛ̈ ke kɔc cï thou aabï röt jɔt ë thuɔɔu yic?

Wään tɔ̈u Yecu ë pinynɔm, ee cïï Nhialic yiëk riɛl bï kɔc ya jɔt ë thuɔɔu yic. Yecu acï nyaan nɔŋ run ka 12 ku jɔl ya dhɔ̈ŋ ë tïŋ cïï monyde thou jɔt ë thuɔɔu yic. (Mak 5:41, 42; Luk 7:12-15) Na wën, ke mäth ë Yecu cɔl Ladhɔrou ke Thou. Na cɔk anɔn ë cïï Ladhɔrou thou ku nɔŋ nïn käŋuan ë raŋic, acïï Yecu bën jɔt ë thuɔɔu yic. Wään cïï yen lɔ̈ŋ tënë Nhialic, go Yecu cɔ̈ɔ̈t ë rɔ̈ldït ë raŋ nɔm ku lueel: “Ladhɔrou, bä bei!” Go Ladhɔrou “bɛ̈n bei yen raan wën cï thou”​—ë raŋic! (Jɔn 11:43, 44) Thɔ̈ɔ̈ŋic tɛ̈ cïï kɔcke paan yïï Ladhɔrou ku mäthke piɔ̈ɔ̈th bën mit thïn!

3. Ye ŋɔ̈th no tɔ̈u ke kɔckun nhiaar keek cï thou?

Aye Baibol thɔn: “Nɔn bï jönërot ë kɔc cï thou nu [tɔ̈u].” (Luɔi de Tuuc 24:15) Kɔc wään ë ke cïï Yecu ke jɔt ë thuɔɔu yic akëc lɔ paannhial. (Jɔn 3:13) Aake mit piɔ̈ɔ̈th bï ke jɔt ë thuɔɔu yic ë pinynɔm ë tënë. Ee yen tɛ̈de aya, Yecu abï kɔc juëc apɛi jɔt ë thuɔɔu yic bïk pïïr keke mit piɔ̈ɔ̈th ë paraditho yic ë pinynɔm ë tënë. Ee cï lueel “kɔc tɔ̈u ë rɛ̈ŋiic ëbën”​—agut cï kɔc cïï kɔc ke nïïm määr ku aa ŋic Nhialic keek​—aabï keek jɔt ë thuɔɔu yic.​—Jɔn 5:28, 29.

 YÄP DÏT

4. Ee cïï Yecu nyuɔɔth nɔn lëu yen en bï kɔc jɔt ë thuɔɔu yic

Piɔ̈ɔ̈cë käjuëc ë biäk kë cïï Yecu luöi mäthde Ladhɔrou. Kuen Jɔn 11:14, 38-44, ku jälkë thiëc kä jäämiic:

• Yeku ŋic këdï yic pacɔ̈k nɔn ë cïï Ladhɔrou thou? ​—Tiŋ cöök 39.

• Tɛ̈n ë cïï Ladhɔrou lɔ paannhial, nadɛ̈ ye takic ke lëu bïï Yecu bɛ lɔ bɛ̈ïbei paannhial bï bën pïir ë pinynɔm ë tënë?

Puɔl ë BIDEO.

5. Kɔc juëc aabï keek jɔt ë thuɔɔu yic!

Kuen Diɛt 37:29, ku jälkë thiëc kënë jäämic:

• Ye tɛ̈no bïï kɔc juëc bï keek jɔt ë thuɔɔu yic pïïr thïn?

Yecu abï kɔc juëc apɛi jɔt ë thuɔɔu yic agut cï kɔc cie Yekoba ë door. Kuen Luɔi de Tuuc 24:15, ku jälkë thiëc kënë jäämic:

• Yeŋa nhiar ba tïŋ ke cï jɔt ë thuɔɔu yic?

• Ye këdï cïï ŋɔ̈th ë jɔ̈n rɔ̈t kɔc ke dhiëth Phelicity duut ku deet ke piɔ̈ɔ̈th?

 JAM CIEKIC

Aye Baibol thɔn nɔn nadɛ̈ ke kɔc juëc apɛi cï thou aabï ke jɔt ë thuɔɔu yic. Aawïc Yekoba keek bïk bɛ pïïr, ku acï Yecu yiën riɛl bï keek jɔt ë thuɔɔu yic.

Bëër Yic

• Ye Yekoba ku Yecu yök këdï ë ke piɔ̈ɔ̈th wɛ̈t bïï keek kɔc cï thou jɔt ë thuɔɔu yic?

• Ye tɛ̈no lëu bïï kɔc juëc bï keek jɔt ë thuɔɔu yic pïïr thïn​—ye paannhial awu pinynɔm ë tënë? Ye wɛ̈tŋö ye yïn ye lueel këya?

• Yeŋö yï puɔ̈l ba gam nɔn bïï kɔckun nhiaar keek bɛ pïïr?