PIÖÖC 31

Bääny ë Nhialic Yeŋö?

PLAY

Këdïït ye Baibol jam apɛi ë biäkde ee Bääny ë Nhialic. Yekoba abï ë Bääny kënë luöi bï kën ë wïc bï looi ë pinynɔm thöl. Bääny ë Nhialic yeŋö? Yeku ŋic këdï nɔn kuum yen ë mannë? Yeŋö cï thöl ë luɔi? Ku yeŋö bï looi ë kööl bï bën tueŋ? Piööc kënë ku piööc kɔ̈k karou bɔ̈ tueŋ aabï thiëc kä dhuknïïm.

1. Bääny ë Nhialic yeŋö, ku yeŋa bï ya Melik ë Bäänyde yic?

Bääny kënë ee Nhialic Yekoba yen ë looi yen. Ku Meliŋde, Yecu Këritho, akuum paannhial. (Mathayo 4:17; Jɔn 18:36) Aye Baibol lueel ë biäk Yecu: “Abï aa Melik . . . aɣet athɛɛr.” (Luk 1:32, 33) Ke ye Meliŋ ë Bääny ë Nhialic, Yecu abï raan ëbën kuum ë pinynɔm.

2. Yeŋa bï kuum ke Yecu?

Yecu acïï bï kuum yetök. Kɔcke “dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n, [aabï ya] meliik . . . bï piny cieŋ nɔm.” (Nyuuth 5:9, 10) Ye kɔc kädɛ̈ keek bï kuum ke Këritho? Mïn ɣɔn bïï Yecu ë pinynɔm, Kërithanoi juëc aacï ya kɔc ye buɔɔth cöök. Ku aa kɔc 144,000 aa keek bï lɔ kuum paannhial ke Yecu. (Kuen Nyuuth 14:1-4.) Kërithanoi kɔ̈k kä ëbën aabï ya kɔc mɛc Bääny ë Nhialic keek ë pinynɔm ë tënë.—Diɛt 37:29.

3. Ye këdï wɛ̈ɛ̈r ë Bääny ë Nhialic akumat ë mɛnh ë raan ëbën?

Na cɔk anɔn ye mɛnh ë raan ye them bï käpiɛth ya looi, ke keek aa cïn niïm riɛl bïï keek këden wïckë ëbën ya looi. Keek aaye kɔc kɔ̈k ke geer kɔc cïn këpiɛɛth wïckë bïk ya luöi kɔc mackë keek. Ku Raan Mac Bääny ë Nhialic, Yecu, acïn raan bï ye kaŋ geer. Nhialic acï “ciɛɛŋde [Bäänyde] looi, ciɛɛŋ cïï bï thök athɛɛr.” (Danyel 2:44) Yecu abï pinynɔm ëbën kuum ku acïï kɔc bï ya tek thook. Anɔŋ nhiëër, piath, ku lɔcök, ku abï kɔc ya piɔ̈ɔ̈c bïk rɔ̈t ŋiɛc ya ciëëŋ ë kuer piɛth—bïk rɔ̈t ya nyuöth nhiëër, piath, ku lɔcök.—Kuen Yithaya 11:9.

YÄP DÏT

Tïŋ wɛ̈t wɛ̈ɛ̈c ë Bääny ë Nhialic kek akumat ë mɛnh ë raan.

4. Akuma ril apɛi abï pinynɔm kuum ëbën

Yecu Këritho anɔŋ riɛldït apɛi ka wär bäny ke pinynɔm kɔ̈k cï kɔn kuum ëbën. Kuen Mathayo 28:18, ku jälkë thiëc kënë jäämic:

Ye këdï wɛ̈ɛ̈r ë kuum ë Yecu kuum ë mɛnh ë raan?

Akumat ke mɛnh ë raan aa rɔ̈t waar ku raan tök ee piny baŋ tök kuum. Ku na Bääny ë Nhialic? Kuen Danyel 7:14, ku jälkë thiëc kä jäämiic:

Ye wɛ̈tŋö yen këpiɛth wɛ̈t cïï Bääny ë Nhialic “bï kɔn riɔ̈ɔ̈k”?
Ye wɛ̈tŋö piɛɛth en nɔn bïï yen pinynɔm kuum ëbën?

5. Kuum ë mɛnh ë raan abï dhiɛl waar

Ye wɛ̈tŋö dhil Bääny ë Nhialic akumat ë mɛnh ë raan waar? Puɔl ë BIDEO, ku jälkë thiëc bɔ̈ jäämic.

BIDEO: Bääny ë Nhialic Yeŋö?—Baŋ Bideo (1:41)

Yeŋö cï bënbei ë kuum mɛnh ë raanic?

Kuen Wɛ̈ɛ̈t cï Määtic 8:9, ku jälkë thiëc kä jäämiic:

Nadɛ̈ ye takic Bääny ë Nhialic alëu bï akumat ë mɛnh ë raan waar ëbën? Ku ye wɛ̈tŋö?

6. Bääny ë Nhialic anɔŋ bäny ŋic kä jɔ̈ɔ̈r ɣok

Wɛ̈t cïï Meliŋda, Yecu, kaŋ pïïr ke ye raan, alëu bï “puɔ̈u ya käc ë wɛ̈t ë niöpda.” (Ɣeberuu 4:15) Raan 144,000 röör ku diäär nɔŋ gääm bï lɔ kuum ke Yecu aacïï Yekoba ke kuany ë “dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n.”—Nyuuth 5:9.

Nadɛ̈ ye yï yum puɔ̈u nɔn ŋic Yecu ku kɔc bï lɔ kuum ke yen kë wïc mɛnh ë raan bï pïïr? Ku ye wɛ̈tŋö?

Yekoba acï röör ku diäär kuany ë ɣɔ̈n wääciic bïk lɔ kuum ke Yecu

7. Bääny ë Nhialic anɔŋ lööŋ wär lööŋke mɛnh ë raan

Akumat aa lööŋ looi bïï keek kɔc mackë keek gɛ̈l ku luikë keek käpiɛth. Ke yen tëde aya Bääny ë Nhialic anɔŋ lööŋ dhil kɔc mɛc keek ya theek. Kuen 1 Korinthoi 6:9-11, ku jälkë thiëc kä jäämiic:

Ye takic ke pinynɔm abï yindï tɛ̈ ye raan ëbën lööŋke Nhialic theekiic? a
Nadɛ̈ ye gam ke ye yic nɔn wïc Yekoba kɔc mɛc akumade keek bïk lööŋke ya theek? Ku ye wɛ̈tŋö?
Yeŋö ye nyuɔɔth nɔn nadɛ̈ ke kɔc cie lööŋkä ë theek aa lëu bïk rɔ̈t waar?—Tïŋ cöökthiin 11.

Akumat ke mɛnh ë raan aa lööŋ bɛ̈ibei bïï keek kɔcken mackë keek tiit ku luikë keek käpiɛth. Bääny ë Nhialic aya anɔŋ lööŋ wär ë lööŋkä bïï yen kɔcken mɛc keek gɛ̈l ku luui keek käpiɛth

RAAN DÄŊ ALËU BÏ THIËC: “Bääny ë Nhialic yeŋö?”