PIÖÖC 34

Ye Këdï Lëu Bïï Ɣok Nhiëërda Nyuöth Yekoba?

PLAY

Nadɛ̈ ca rot yök ke yï cï thiääk we Nhialic mïn ë jɔɔk yïn piööc de Baibol cöök? Nadɛ̈ nhiaar ba lɔ tueŋ ke yï juak mänhdu yic we yen? Na yen tëde, muk ë yïnɔm nɔn ee Yekoba nhiëërdu tïŋ ke lɔ tueŋ ke juak rot ë bïäkde, abï jä lɔ ke nhiaar yïn apɛi ku ye nyin tïït ë yïn. Ye këdï lëu bïï yïn ye nyuöth yen nɔn nhiɛɛr yïn yen?

1. Ye këdï ye ɣok ye nyuöth Yekoba nɔn nhiɛɛr ɣok en?

Ɣok aa nhiëërda nyuöth Yekoba ë kueer ye ɣok yen theek. (Kuen 1 Jɔn 5:3.) Acïn raan ye thɔ̈ɔ̈c ë riɛl bï yen ya theek. Ë kueer däŋ, ee ɣo yïëk dhaman buk kuany nɔn bïï ɣok ye theek awu cukku bï theek. Ye wɛ̈tŋö? Yekoba awïc ɣok buk ‘wëët cï yiɛ̈n ɣok aa gam ë ɣopiɔ̈ɔ̈th ënɔɔnë.’ (Romai 6:17) Ë kueer däŋ, awïc yïn ba theek ku acie wɛ̈t bïï yïn ye dhiɛl ya looi, ee wɛ̈t nhiɛɛr yïn en. Baŋ ë 3 ku baŋ ë 4 athör kënë yic aacï ke guiir bïk yï kony ba nhiëërdu nyuöth Yekoba ë kueer bï yïn kën ë ye miɛɛt puɔ̈u ya looi ku jai ë käk ye rac puɔ̈u.

2. Ye wɛ̈tŋö lëu bïï yen yic riɛl buk nhiëërda ya nyuöth Yekoba?

“Kɔc piɛthpiɔ̈ɔ̈th aye nuɛɛn juëc ke yök.” (Diɛt 34:19) Ɣok ëbën ɣok aa wït ke dak ë yic ë gupkuɔ. Ɣok lëu buk käriliic ë pïïric yök aya, yaaŋ ë röt, ku jɔl aa käriliic kɔ̈k. Të cïï ɣok käriliic yök, ke yic riɛl buk kä ye Yekoba ke thiëëc tënë ɣok ya looi. Ku ee wɛ̈t ye kueer rac yic pial bï biɔɔth yic. Ku na gam ba kë ye Yekoba thiëc yïn ya looi ë piɔ̈ndu ëbën, ka ye nyuɔɔth nɔn nhiɛɛr yïn en apɛi ë piɔ̈ndu ëbën ke cïn kë thöŋ ke yen. Ku aye jäl nyuöth yen nɔn cïï yïn yen gam. Ku yen aya, abï yï gam aya. Acïï yï bï kaŋ nyäŋ wei.—Kuen Diɛt 4:3.

YÄP DÏT

Tïŋ wɛ̈t ye athɛɛkdu yic thiɛk apɛi tënë Yekoba, ku piɔ̈ɔ̈c kë lëu bï yï kony ba rëër ë gämdu yic tënë yen.

3.Kën ë cï rot looi ɣɔn thɛɛr ë yï mat thïn

Të ye buŋ ë Jop yen luɛɛl thïn, Cetän ee cï raan ëbën cäk thok ku acie Jop yetök aa ye raan ëbën wïc bï Yekoba luɔ̈i. Kuen Jop 1:1, 6–2:10, ku jälkë thiëc kä jäämiic:

Të cït të ye Cetän luɛ̈l en, ye wɛ̈tŋö ë ye Jop Yekoba theek?—Tïŋ Jop 1:9-11.
Yeŋö ë ye Cetän lueel ë bïäk ë mɛnh ë raan ëbën agut cï yïn?—Tïŋ Jop 2:4.

Kuen Jop 27:5b, ku jälkë thiëc kënë jäämic:

Ye këdï cïï Jop yen nyuɔɔth nɔn nhiɛɛr en Yekoba ë piɔ̈nde ëbën?

Jop ee cï nhiëërde nyuöth Yekoba ë wɛ̈t cïï yen rëër ë gämde yic tënë yen

Ɣok aa nhiëërda nyuöth Yekoba të rëër ɣok ë gämda yic tënë yen

4. Loi Yekoba bï puɔ̈u miɛt

Kuen Kɛ̈ŋ 27:11, ku jälkë thiëc kä jäämiic:

Ye Yekoba yök këdï ë ye puɔ̈u të ŋic yïn käŋ ku ye theek? Ku ye wɛ̈tŋö?

5. Yïn lëu ba rëër ë gämdu yic tënë Yekoba

Nhiëërda tënë Yekoba ee ɣok puɔ̈l buk ya jam ke kɔc kɔ̈k ë bïäkde. Gämda tënë yen ee ɣok puɔ̈l buk looi këya cɔk anɔn ril yenic. Puɔl ë BIDEO, ku jälkë thiëc bɔ̈ jäämiic.

BIDEO: Gël Gämdu Kɔ̈u Cɔk Anɔn Jiɛi Kɔc ë Yen (5:09)

Nadɛ̈ ye yök kerilic ba kɔc kɔ̈k lɛ̈k ë bïäkde Yekoba?
Ë bideo yic, yeŋö ë cï Graython kuɔny bï riɔ̈ɔ̈cde tiaam?

Ee yic pial buk rëër ë gämda yic tënë Yekoba të nhiɛɛr ɣok kë ye nhiaar ku manku kë ye maan. Kuen Diɛt 97:10, ku jälkë thiëc kä jäämiic:

Cït man cïï yïn ye piɔ̈ɔ̈c, ye kä kɔ̈k kou nhiɛɛr Yekoba keek? Ku ye kä kɔ̈k kou mɛɛn Yekoba keek?
Ye këdï lëu bïï yïn ye piɔ̈ɔ̈c ba këpiɛth ya nhiaar ku man kërac?