PIÖÖC 36
Yakë Piɔ̈ɔ̈th Ɣɛɛr ë Këriëëc Ëbën Yic
Raan ëbën awïc mäth ɣer piɔ̈ɔ̈th. Yekoba awïc mäthke bïk piɔ̈ɔ̈th ɣɛɛr aya. Ku kënë acïï yic puɔl ë pinynɔm rëër kɔc juëc ke col piɔ̈ɔ̈th. Ye käpiɛɛth ŋö yeku keek yök tɛ̈ ye ɣok piɔ̈ɔ̈th ɣɛɛr ë këriëëc ëbën yic?
1. Ye kë töŋ thiekic no ye ɣok piɔ̈ɔ̈th ɣɛɛr?
Na yeku piɔ̈ɔ̈th ɣɛɛr ke kɔc kɔ̈k, ka yeku nyuöth Yekoba nɔn nhiɛɛr ɣok yen ku yeku theek. Tïŋ: Yekoba aŋic këriëëc ëbën yeku tak ku loiku. (Ɣeberuu 4:13) Aye tïŋ tɛ̈ cïï ɣok ye kuany buk piɔ̈ɔ̈th ɣɛɛr, ku aye nhiaar apɛi. Aye Wɛ̈tde lueel: “luɔi mɛɛn ë Bɛ̈nydït [Yekoba] kɔc ee karɛc looi, ku ade aŋäth kekë kɔc piɛthpiɔ̈ɔ̈th.”—Kɛ̈ŋ 3:32.
2. Ye dhɔ̈l kou bïï ɣok ke piɔ̈ɔ̈th ya ɣɛɛr ë köölthok ëbën ë pïïrda yic?
Aye Yekoba lueel “yak röt jääm në yith.” (Dhekaria 8:16, 17) Yeŋö ye kënë lueel? Na cɔk anɔn ë jiɛɛm ɣok ke kɔc baai paanda, kɔc lui ke ɣok, wɛ̈tmäthkuɔ ku nyïïrakäckuɔ, awu kɔcdït akuma, ke ɣok aacï lëu buk lueth ya lueel awu wël lëu bï kɔc muɔ̈ɔ̈r. Kɔc ɣer piɔ̈ɔ̈th aacie cuëër tënë kɔc kɔ̈k awu yekë ke guɛ̈ɛ̈l nyïïn. (Kuen Kɛ̈ŋ 24:28 ku Epethiei 4:28.) Ku keek aa juëër wïc akuma tënë keek tääu piny. (Romai 13:5-7) Në ye käkë yiic, ku dhɔ̈l kɔ̈k “ke ɣok aa rëër ke ɣo ɣer piɔ̈ɔ̈th ë këriëëc ëbën yic.”—Ɣeberuu 13:18.
3. Ye käpiɛɛth kou yeku ke yök ë ɣɛɛr ë puɔ̈u yic?
Tɛ̈ ye kɔc ɣo ŋic ke ɣo ɣer piɔ̈ɔ̈th, ke kɔc kɔ̈k aabï ɣok ya gam. Ɣok aa ciɛɛŋ piɛɛth, cït ciɛɛŋ baai bɛ̈i akutnɔmic. Ɣok ë rëër ke ɣo nɔŋ piɔ̈n ɣer. Ɣɛɛr ë piɔ̈nda alëu bï ‘piööc de Nhialic Duluɛ̈ŋda ya dhëëŋ,’ ku alëu bï kɔc tɔ̈u aɣer cɔl abɔ̈ ë duɔ̈ɔ̈r yicic.—Tito 2:10, LËK JÖT.
YÄP DÏT
Tïŋ kë ye ɣɛɛr ë puɔ̈u luöi yïn ku Yekoba, ku piɔ̈ɔ̈c tɛ̈ bïï yïn puɔ̈u ya ɣɛɛr thïn ë këriëëc ëbën yic ë pïïric.
4. Ɣɛɛr ë puɔ̈u ee Yekoba miɛɛt puɔ̈u
Kuen Diɛt 44:21 ku Malakai 3:16, ku jälkë thiëc kä jäämiic:
-
Ye wɛ̈tŋö ee yïn ye tak ke rac ba gam nɔn nadɛ̈ ke yic alëu bï thiaan?
-
Ye takic ke ye Yekoba yök këdï ë ye puɔ̈u tɛ̈ kuɛny ɣok yen buk yic ya lueel, cɔk anɔn ril yen yic buk looi këya?
Tɛ̈ ye mïth jam ë yith, ka kɔc ke dhiëth keek miɛɛt piɔ̈ɔ̈th. Tɛ̈ ye ɣok jam ë yith, ke ɣok aa Yekoba miɛɛt puɔ̈u
5. Ye luui ke yï ɣer puɔ̈u ë thaathok ëbën
Aye kɔc juëc gam nɔn nadɛ̈ ke ɣɛɛr ë puɔ̈u acïnic pɛlnɔm. Ku tïŋ kë lëu bïï ɣok piɔ̈ɔ̈th ya ɣɛɛr ë thaathok ëbën. Puɔl ë BIDEO.
Kuen Ɣeberuu 13:18, ku jäämkë yic tɛ̈ lëu bïï ɣok piɔ̈ɔ̈th ya ɣɛɛr thïn . . .
-
ke kɔcke paanda.
-
tɛ̈n ë luɔi awu thukulic.
-
ë ɣɔ̈n kɔ̈k yiic.
6. Ɣɛɛr ë puɔ̈u aye ɣok käpiɛth yök thïn
Ɣɛɛr ë puɔ̈u alëu bï naŋ käriliic tɔ̈u thïn. Ku na cɔk yic riɛl, ka cïn kueer thöŋ ke yen. Kuen Diɛt 34:12-16, ku jälkë thiëc kënë jäämic:
-
Ye këdï ye ɣɛɛr ë puɔ̈u pïïrdu cɔ̈k piny?
-
Röör ku diäär cï thiëëk ɣer piɔ̈ɔ̈th aa thiëŋden cɔ̈k piny
-
Kɔc ë luui ke ɣer piɔ̈ɔ̈th aye kɔc ë ke luöi ke gam
-
Kɔc ë baai ɣer piɔ̈ɔ̈th aaye kɔcdït akuma ke gam keke ye kɔc piɛth
AYE KƆC KƆ̈K LUEEL: “Lueeth kɔ̈k aa kor apɛi acïn kë lëu bïk looi.”
-
Ye wɛ̈tŋö ye yïn gam nɔn nadɛ̈ ke Yekoba aman lueth ëbën?
JAM CIEKIC
Yekoba awïc mäthke ëbën bïk piɔ̈ɔ̈th ya ɣɛɛr ë këriëëc ëbën yekë lueel ku loikë yic.
Bëër Yic
-
Ye kuɛɛr kɔ̈k kou bïï raan ke puɔ̈u ya ɣɛɛr thïn?
-
Ye wɛ̈tŋö ye yïn tak ke rac nɔn nadɛ̈ ke yic alëu bï thiaan?
-
Ye wɛ̈tŋö yïn en wïc ba puɔ̈u ya ɣɛɛr ë thaathok ëbën?
YƆ̈P WËL JUËC KƆ̈K
Ye këdï lëu bïï kɔc ke dhiëth mïth mïthken piɔ̈ɔ̈c bïk piɔ̈ɔ̈th ya ɣɛɛr?
Ye käpiɛɛth ŋö bɛ̈nbei thïn tɛ̈ cïï ɣok wëlkuɔ ye waariic?
Tïŋ nɔn dhil ɣok ajuëër ya tääu piny cɔk anɔn ye kɔc ke kuöc luöi.
“Ajuëër—Dhil Lëu ba Keek Tääu Piny?” (The Watchtower, Pɛɛi ë Dhoŋuan 1, 2011)
Yeŋö ë cï mony ë col puɔ̈u kony bï pïïrde geeric ku gɔl bï ya rëër ke ɣer puɔ̈u?
