PIÖÖC 37
Kë ye Baibol Lueel ë Biäk Luɔi ku Wëu
Nadɛ̈ ca rot kɔn yök ke yï diɛɛr ë biäk ë luɔi awu wëu? Alëu bï yic riɛl buk nyïïn ya tïït ë käkuɔn kɔɔrku keek ku gɛ̈mku Yekoba duɔ̈ɔ̈r piɛth ke yen. Baibol ee ɣok lɛ̈k kueer piɛɛth lëu bï ɣo kony.
1. Yeŋö ye Baibol lueel ë biäk ë luɔi?
Nhailic awïc ɣook buk piɔ̈ɔ̈th ya miɛt ë londa yic. Aye Baibol lueel “Acïn këpiɛth duëër raan looi . . . ku yök miɛtëpiɔ̈u në luɔɔidïtde yic.” (Wɛ̈ɛ̈t cï Määtic 2:24) Yekoba ee raan ë luui arëët. Të kïït ɣook en buk ya luui arëët, ka yeku miɛɛt puɔ̈u ku yeku piɔ̈ɔ̈th miɛt aya.
Luɔi ee kë thiekic apɛi. Ku acukku lëu buk kɔn puɔ̈l bï yic thiek apɛi abï duɔ̈ɔ̈rdan ye ɣok Yekoba door wɔ̈ɔ̈r. (Jɔn 6:27) Acï thɔn të ye ɣook ye tääu tueŋ, ka bï nyin ya tïït ë käkuɔn yeku keek kɔɔr ë köölthok ëbën.
2. Buk wëu ya tïŋ këdï?
Cɔk anɔn ye Baibol ye gam nɔn ye “wëu kɔc gël,” ee ɣok thɔn nïïm aya nɔn nadɛ̈ wëëth yetök acie miɛt puɔ̈u ë bɛ̈i. (Wɛ̈ɛ̈t cï Määtic 7:12) Ka yen, ɣook ye keek dɛɛt piɔ̈ɔ̈th cuk wëu bï ya nhiaar ku buk ‘piɔ̈ɔ̈th miɛt në ka tɔ̈u ke ɣook.’ (Ɣeberuu 13:5) Të ye ɣook piɔ̈ɔ̈th kuɛth ë käkuɔn tɔ̈u ke ɣok, ke ɣok aa röt gël ë riäŋ ë puɔ̈u ë bɛ̈nbei ë kɔ̈ɔ̈r ë käjuëc yiic. Ke ɣok cïï bï naŋ käny juëc. (Kɛ̈ŋ 22:7) Ku ɣok bï poth ë kärɛɛc ë bɛ̈nbei ë gumäric ku jɔl ya kuɛɛr rɛɛc ye kɔc ke dac bäny.
3. Ye këdï lëu bïï wëu ŋiɛc ya luöi ë kueer piɛth?
Yekoba ee Nhialic ë kɔc miɔɔc, ku ayeku kiëët të ye ɣok “adhuɛ̈ŋ ee kɔc dap miɔɔc.” (1 Timotheo 6:18) Ɣok lëu buk wëukuɔ ŋiëc ya luöi të ye ɣook akutnɔm kuɔny ku kɔc ŋɔ̈ŋ, ku yic pacɔ̈k kɔckuɔn cï gam. Kë ye Yekoba nhiaar apɛi, acie këdïït cuk gaam, ee wɛ̈t gɛɛm ɣook en ë piɔ̈nda ëbën. Të ye ɣok miɔ̈ɔ̈c ë piɔ̈ɔ̈thkuɔ ëbën, ke ɣook aabï piɔ̈ɔ̈th miɛt ku mïïtku Yekoba puɔ̈u aya.—Kuen Luɔi de Tuuc 20:35.
YÄP DÏT
Tïŋ këpiɛɛth ë bɛ̈nbei thïn të ye ɣook luɔi ŋiɛc tääu tëde ku yeku piɔ̈ɔ̈th kuɛth ë käkuɔn tɔ̈u ke ɣook.
4. Ye Yekoba lɛcnɔm ë kueerdun yïn londu luɔɔi thïn
Mänhda ke Yekoba alëu bï ɣok kuɔny buk ŋiɛc ya luui. Puɔl ë BIDEO, ku jälkë thiëc bɔ̈ jäämiic.
-
Ë bideo yic, yeŋö yï gɔ̈i ë bïak të ye Jathon ŋiɛc luui thïn tëden ë luɔi?
-
Yeŋö cïï Jathon looi bï luɔi tääu tëde?
Kuen Kolothai 3:23, 24, ku jälkë thiëc kënë jäämic:
-
Ye wɛ̈tŋö ye të ye ɣook luɔi tïŋ thïn ya kë thiekic?
Luɔi ee kë thiekic apɛi. Ku acukku kɔn puɔ̈l bï yic thiek arëët abï duɔ̈ɔ̈rdan ye ɣook Yekoba door wɔ̈ɔ̈r
5. Kuɛth ë puɔ̈u ee ɣok kony
Kɔc juëc ayekë them bïk wëu juëc apɛi kueet. Ku Baibol ee ɣook dɛɛt piɔ̈ɔ̈th ë kueer däŋ peei. Kuen 1 Timotheo 6:6-8, ku jälkë thiëc kënë jäämic:
-
Yeŋö ye Baibol ɣo dɛɛt piɔ̈ɔ̈th buk looi?
Cɔk anɔn nɔŋ ɣook kä liik, ke ɣok lëu buk piɔ̈ɔ̈th miɛt. Puɔl ë BIDEO, ku jälkë thiëc bɔ̈ jäämic.
-
Cɔk anɔn cïn keek nïïm wëu juëc, yeŋö cï kɔcke bɛ̈ɛ̈ikä gäm miɛt puɔ̈u?
Ku na nɔŋku nïïm käjuëc ku ŋot ke ɣo kɔr kɔ̈k? Yecu aacï rɛ̈ɛ̈c ye kënë thɔ̈ɔ̈ŋ. Kuen Luk 12:15-21, ku jälkë thiëc kënë jäämic:
-
Yeŋö ca piɔ̈ɔ̈c ë kääŋ ë Yecu yic?—Tïŋ cöökthiin 15.
Kuen ku thɔ̈ɔ̈ŋ Kɛ̈ŋ 10:22 ku 1 Timotheo 6:10. Ku jälkë thiëc kä jäämiic:
-
Yeŋö ye takic ke ye kë thiekic apɛi? Ye ba nɔŋ määth we Yekoba awu ye ba nɔŋ wëu juëc? Ye wɛ̈tŋö?
-
Ye kärɛɛc kou ë bɛ̈nbei thïn të kɛt yïn ë wëu cök?
6. Yekoba abï nyin ya tïït ë käkuɔn wïcku keek
Kärɛc ke luɔi ku wëu aa lëu bïk kë gäämda them tënë Yekoba. Puɔl ë BIDEO ku tïŋ të lëu bïï ɣook lɔ tueŋ ke käk ë gäämda them, ku jälkë thiëc bɔ̈ jäämiic.
-
Ë bideo yic, ye käriliic kou ke cïï wänmääth ke yök?
-
Yeŋö cï bën looi ago käriliic kä guum?
Kuen Mathayo 6:25-34, ku jälkë thiëc kënë jäämic:
-
Yeŋö cïï Yekoba thɔn bï looi tënë kɔc ye tääu tueŋ?
AYE KƆC KƆ̈K LUEEL: “Ɣɛn lëu ba luui arëët aguɔ paandiɛ̈ kuɔny. Ɣɛn cïï lëu ba ya lɔ amɛtmɛɛt akutnɔmiic ë yithbuɔ thok ëbën.”
-
Ye cöök ë Baibol no yï kuɔny ba gam nɔn tɛ̈ɛ̈u ye yïn duɔ̈ɔ̈r ë Yekoba tääu tueŋ ee këpiɛɛth lëu ba looi?
JAM CIEKIC
Luɔi ku wëu apiɛth, ku acuk lëu buk keek puɔ̈l bïk ɣo gël ë duɔ̈ɔ̈rdan ye ɣook Yekoba dooric.
Bëër Yic
-
Yeŋö lëu bï yïn kuɔny ba luɔi ŋiɛc ya tïŋ?
-
Ye këdï ye kuɛth ë puɔ̈u yïn kuɔny?
-
Ye këdï lëu bïï yïn gäämdu nyuɔɔth tënë thɔ̈n ë Yekoba nɔn bïï yen kɔcke ya gäm käken kɔɔrkë keek?
YƆ̈P WËL JUËC KƆ̈K
Tïŋ ku ba deetic nɔn ye Baibol wëu nyuɔɔth kë ye jɔk.
Piɔ̈ɔ̈cë ye miɔ̈c yïndï ë Nhialic miɛɛt puɔ̈u.
“Yeŋö ye Baibol Lueel ë Biäk ë Miɔ̈c?” (Awereŋ tɔ̈u ë Netic)
Nadɛ̈ cïn kërɛɛc tɔ̈u ë gumääric?
“Kë ye Baibol Lueel ë Biäk ë Gumäär” (Awake!, Pɛɛi ë Diäk 2015)
Tïŋ kën ë cï raan ye pol ë gumäär ku ye ɣöön dhoŋ thook puɔ̈l bï pïïrde waaric.
“Ɣɛn aa Nhiaar Wëër Ajɔ̈ŋkɔ̈ɔ̈r” (The Watchtower, Pɛɛi ë Thiëër ku Tök 1, 2011)
