Thɔ̈ɔ̈ŋë yic tiiŋ nhiaar mɛnhde aruuk dhɔ̈ŋ thiin den nhiɛɛr kɔ̈u bï lɔ ë thukulic. Aye them arëët bï waak ku lɔɔk alɛ̈thke bïk rëër ke dik apɛi. Ku kënë ee yen cɔl arëër ke piɔl guöp ku nyuuth kɔc kɔ̈k nɔn ye kɔc ke dhiëth yen nyïïn tïït ë yen. Ee yen tëde aya, Wäädan nhiaar ɣook, Yekoba, aye kɔɔr buk ya rëër ke ɣo cïn gup acuɔl​—ë gupkuɔ ku ciɛɛŋda yic ëbën. Të rëër ɣook ke ɣo cïn gup acuɔl, ke ɣo luöi këpiɛth ku bïïku alɛɛc tënë yen.

1. Ye këdï lëu bïï ɣook rëër ke cïn gup acuɔl?

Acïï Yekoba lɛ̈k ɣook: “Yak yiic ɣɛɛr.” (1 Petero 1:16) Ɣɛɛr awu lajik athiääk ke buk ciɛ̈n acuɔl ë ɣo gup ku ciɛɛŋda yic. Ɣok lëu buk rëër ke ɣo cïn gup acuɔl të ye ɣok waak awu laak ë thaathok ëbën ku lɔkku alɛ̈thkuɔ, ku guïïrku bɛ̈ɛ̈ikuɔ yiic, ku käkuɔn ya ɣok ke cath. Ɣok lëu buk kony buk acuɔl nyaai ë Luaŋ ë Bääny ë Nhialic yic. Të ye ɣok rëër kë ɣo cïn gup acuɔl, ke ɣook alɛɛc bïï tënë Yekoba.​—2 Korinthoi 6:3, 4.

2. Ku buk rëër ke ɣok cïn gup acuɔl, ye ciɛɛŋ rɛɛc no wïcku buk puɔ̈l?

Baibol ee ɣok lɛ̈k buk “röt waak në acuɔl ëbɛ̈n acol ë guöp ku acol ë wëi.” (2 Korinthoi 7:1) Ka yen, ayeku them buk kä lëu bïk gupkuɔ awu tɛ̈ktɛ̈kda rac puɔ̈l. Tɛ̈ktɛ̈kda adhil Yekoba ya miɛɛt puɔ̈u, ke yen ë wɛ̈t ye ɣok ye them apɛi buk ya jai ë tɛ̈ktɛ̈k rac. (Diɛt 104:34) Ayeku them aya bï jamda cïï ye rɛ̈ɛ̈c.​—Kuen Kolothai 3:8.

Ye kë däŋ no lëu bï gupkuɔ awu ciɛɛŋda yiɛ̈kic acuɔl? Anɔŋ kä kɔ̈k lëu bïk gupkuɔ ɣookiic. Ka yen, ɣok jai ë kä cït man tap, nyïï ë marungu awu yïny ë koka, ku jal ya luui ye ɣook wal kuöc luöi. Të jiɛi ɣook ye käkë, ke ɣok bï naŋ pial ë guöp ku yeku athɛɛk nyuɔɔth ë biäk ë pïïr. Ayeku them aya bï ciɛɛŋda yic cïn acuɔl ë kueer ye ɣok thɔ̈r ke ciɛɛŋ rac cït man ë ruëny ë rot ku daai ë thurat ë kɔc cïn kɔ̈ɔ̈th alɛ̈th. (Diɛt 119:37; Epethiei 5:5) Alëu bï yic riɛl bï raan ë ciɛɛŋ rɛɛc kënë puɔ̈l, ku Yekoba alëu bï raan kuɔny bï ë kënë tiaam.​—Kuen Yithaya 41:13.

 YÄP DÏT

3. Bï raan guöp ciɛ̈n acuɔl aa lɛɛc bɛ̈i tënë Yekoba.

Alëuku buk deetic të ye Yekoba acuɔl tiëŋ thïn të tïŋ ɣook lööŋ ke cï keek gäm mïthke Yithrɛɛl. Kuen Bɛ̈nbei 19:10 ku 30:17-19, ku jälkë thiëc kä jäämiic:

• Yeŋö ye cök kä nyuɔɔth ë biäk të ye Yekoba acol ë guöp tiëŋ thïn?

• Ye ciɛɛŋ piɛɛth no lëu bï yïn kuɔny ba rëër ke yïn cïn guöp acuɔl?

Rëër bïï yïn rëër ke yïn cïn guöp acuɔl awïc riɛldït ku dhaman bäär. Ku alëuku buk looi ë kuat të rëër ɣok thïn ëbën awu cɔk anɔn cïn en wëu juëc tɔ̈u ke ɣook. Puɔl ë BIDEO, ku jälkë thiëc bɔ̈ jäämic.

• Ye këdï ye guiëër ë käkuɔn tɔ̈u ke ɣook bïk gup cïn acuɔl londan ë piööc cɔl athiekic?

4. Tiam ciɛɛŋ rac

Na ye math ë tap awu ye wal kuöc luöi, ka ŋic të ril en yic thïn ba ciɛɛŋ kënë tiaam. Yeŋö lëu bï yïn kuɔny? Tïŋ kërɛɛc ye ciɛɛŋ kënë luöi yïn. Kuen Mathayo 22:37-39, ku jälkë jäämic të ye tap awu kuöc luui ë wɛl . . .

• mänh ë raan ke Yekoba racic.

• kɔc rɛ̈ɛ̈r ke raan baai ku kɔc thiääk ke yen luöi kërac.

Guiir rot ba ciɛɛŋ rac tiaam. a Puɔl ë BIDEO.

Kuen Pilipoi 4:13, ku jälkë thiëc kënë jäämic:

• Ye këdï ye lɔ̈ŋ ë thaathok ëbën, kuɛ̈n ë Baibol, ku lɔ amɛtmɛɛtiic raan gäm riɛl bï ciɛɛŋ rac tiaam?

 5. Thäärë wek tɛ̈ktɛ̈k rac ku ciɛɛŋ rac

Kuen Kolothai 3:5, ku jälkë thiëc kä jäämiic:

• Yeku ŋic këdï nɔn nadɛ̈ ke daai ë thurat ë kɔc cïn kɔ̈ɔ̈th alɛ̈th, ku gɛ̈n ë wëlke bal ë telepun nyin, ku ruëny ë rot aa mɛɛn Yekoba keek?

• Nadɛ̈ ye tak ke ye yic tënë Yekoba bï ɣook ya kɔɔr bï ciɛɛŋda tɔ̈u ke cïn yic acuɔl? Ye wɛ̈tŋö?

Yök kueer bïï yïn thɔ̈ɔ̈r ke tɛ̈ktɛ̈k rac. Puɔl ë BIDEO.

Yecu acï kääŋ thɔ̈ɔ̈th bï nyuɔɔth nɔn dhil ɣook kuany buk rëër ke ɣo cïn gup acuɔl. Kuen Mathayo 5:29, 30, ku jälkë thiëc kënë jäämic:

• Cɔk anɔn kën Yecu ye lueel buk ɣogup yiëk tëtɔ̈k, ka cï nyuɔɔth nɔn wïc ɣok buk ya luui. Ye kuëny yïndï lëu bïï raan looi ago rot gël ë tɛ̈ktɛ̈k racic? b

Na ye thɔ̈ɔ̈r ba tɛ̈ktɛ̈k rac tiaam, Yekoba ee puɔ̈u miɛt tënë yïn. Kuen Diɛt 103:13, 14, ku jälkë thiëc kënë jäämic:

• Të wït yïn wek ciɛɛŋ rac, ye këdï ye cöök kënë yïn dɛɛt puɔ̈u ku ba lɔ tueŋ ke yï thäär?

 JAM CIEKIC

Ɣook aa Yekoba miɛɛt puɔ̈u të ye ɣook rëër ke ɣo cïn gup acuɔl, ë täŋda yic, ku jɔl ya ciɛɛŋda yic.

Bëër Yic

• Ye wɛ̈tŋö thiek en yic apɛi ba rëër ke yï cïn guöp acuɔl?

• Ye këdï lëu bïï yïn rëër ke yï cïn guöp acuɔl?

• Ye këdï lëu bïï tɛ̈ktɛ̈kdu ku ciɛɛŋdu rëër ke cïn yic acuɔl?