PIÖÖC 35

Tɛ̈ Bïï Yïn Ŋiɛc aa Kuɛny Thïn Käpiɛɛth ba keek Looi

PLAY

Ɣok ëbën ɣok aa nɔŋ kä lëu buk ke kuany buk ke looi. Käjuëc yeku keek kuany kä aa nɔŋ kë lëu bïk waar tënë ɣok ku mänhda ke Yekoba. Cït man, ɣok aa lëu buk kuany tɛ̈ bïï ɣok rëër thïn, tɛ̈ bïï ɣok rɔ̈t aa kuɔny ë käk ë pïïr, awu buk thiëëk. Tɛ̈ ŋic ɣok kuany, ke ɣok aa lëu buk piɔ̈ɔ̈th miɛt ku mïïtku Yekoba puɔ̈u aya.

1. Ye këdï lëu bïï yïn Baibol ŋiɛc luöi bï yïn kuɔny ba ŋiɛc ya kuany?

Ke yï këc guɔ kuany ë kë ba looi, läŋë tënë Yekoba bï yï kuɔny ku luöi Baibol bï yï kuɔny ba tïŋ tɛ̈ ye Yekoba käŋ tiëŋ thïn. (Kuen Kɛ̈ŋ 2:3-6.) Ë kuɛɛr kɔ̈k yiic, Yekoba ee ɣo lɛ̈k löŋ puɔlic bï deetic. Na ye yen tɛ̈de, ke kuëny bïï ɣok ye kuany buk theek yen löŋ kënë ee yen këpiɛɛth lëu ba kuany ba looi.

Ku na, cïn löŋ lacar, tɔ̈u ë Baibolic lëu bï yï kuɔny ba kuany kë ba looi? Ke Yekoba aŋoot ke lëu bï we ‘nyuöth kueer duëër wek lɔ thïn.’ (Yithaya 48:17) Ye këdï? Alëu bï naŋ lööŋ ë kɔc kuɔny ë pïïric lëu bïk yïn nyuööth. Lööŋke Baibol ë kɔc kuɔny ë pïïric aa yiith tueŋ ë Baibol ë tɛ̈ktɛ̈k ë Nhialic ku tɛ̈ ye yen käŋ yök thïn ë ye puɔ̈u nyuɔɔth. Ë köölthok ëbën ɣok aa piöc tɛ̈ ye Nhialic käŋ yök thïn ë ye puɔ̈u tɛ̈ kuën ɣok ë biäk kën ë cï rot looi ë Baibolic. Tɛ̈ ŋic ɣok tɛ̈ktɛ̈k ë Yekoba, ke lëu bï ɣok kuɔny buk kuany ë käk ye miɛɛt puɔ̈u.

2. Ye käŋö dhil lëu ba ke ŋic tueŋ tɛ̈ këc yïn guɔ kuany ë kë ba looi?

Aye Baibol lueel: “raan ee nɔm tiëër [ŋic käŋ] aŋic të le yen thïn.” (Kɛ̈ŋ 14:15) Kënë ee ye nyuɔɔth ke ɣo kën guɔ kuany kë buk looi, ke ɣok aa lëu buk dhaman kaŋ lööm buk ɣonïïm tak apɛi. Ke yï tak käkë yiic, ye rot thiëëc: ‘Ye cök ë Baibol kou ë jam ë wɛ̈t ee kënë? Ye këno lëu ba kuany bïï yiëk dɔ̈ɔ̈r ë puɔ̈u? Yeŋö lëu bïï këdiën ca lɔc luöi kɔc kɔ̈k? Ku kë töŋ thiekic apɛi, lëu bï Yekoba miɛɛt puɔ̈u?’—Nyöŋ de Löŋic 32:29.

Yekoba anɔŋ yic bï ɣo lɛ̈k këpiɛth ku kërac. Tɛ̈ cïï ɣok lööŋke ku lööŋ ë kɔc kuɔny ë pïïric ŋic apiɛth ku wïcku apɛi buk ke buɔɔth cök, ke ɣok aabï naŋ piɔ̈n piɛth. Puɔ̈u ee kë tɔ̈u ë ɣo yiic ë lɔŋ thïn ku ee ɣo lɛ̈k këpiɛth ku kërac. (Romai 2:14, 15) Piɔ̈n cï ŋiɛc piɔ̈ɔ̈c abï ɣok ya kuɔny buk ŋiɛc aa kuany.

YÄP DÏT

Tïŋ tɛ̈ ye lööŋke Baibol kɔc kuɔny ë pïïric ku piɔ̈n piɛth ɣok kuɔny buk ŋiɛc ya kuany.

3. Cɔl Baibol yen yï nyuööth

Ye këdï ye lööŋke Baibol kɔc kuɔny ë pïïric ɣok nyuööth tɛ̈ kuëny ɣok kë buk looi? Puɔl ë BIDEO, ku jälkë thiëc bɔ̈ jäämiic.

BIDEO: Cɔl Lööŋke Baibol Kɔc Kuɔny ë Pïïric Nyuuth Yïn (5:54)

Nɔmlääu yeŋö?
Ye wɛ̈tŋö ë yiën Yekoba ɣok nɔmlääu?
Yeŋö cï yiën ɣok bï ɣok kuɔny buk nɔmlääuda ŋiɛc ya luöi ë kueer piɛth apɛi?

Ku ba nyooth ë löŋ töŋ ë Baibol kɔc kuɔny ë pïïric tïŋ, kuen Epethiei 5:15, 16. Ku jälkë jäämic tɛ̈ bïï yïn “dhamandu ŋiɛc ya luöi thïn” tɛ̈ . . .

kuën yïn ë Baibol köölthok ëbën.
bïï yïn ya raan cï thiëëk piɛth, wën piɛth, awu nyaan piɛth.
bïï yïn ya lɔ amɛtmɛɛt ka akutnɔmiic.

4. Piɔ̈ɔ̈cë piɔ̈ndu bï ŋiɛc ya kuany

Tɛ̈ nɔŋ yen löŋ piɛɛth lacar ë biäk kë ba looi, ke yic pial ku ba kuany ë kë ba looi. Ku na cïn löŋ piɛɛth lacar? Puɔl ë BIDEO, ku jälkë thiëc bɔ̈ jäämic.

BIDEO: “Rɛ̈ɛ̈rë ke yï Ɣer Puɔ̈u” (5:13)

Ë bideo yic, ye kuɛɛr kou cïï nyankäida ke luöi ku bï piɔ̈nde piɔ̈ɔ̈c bï ya kuany ë kë bï Yekoba ya miɛɛt puɔ̈u?

Ye wɛ̈tŋö cïï ɣok lëu buk kɔc kɔ̈k thiëëc bïk ɣo kuëny kë buk looi? Kuen Ɣeberuu 5:14, ku jälkë thiëc kä jäämiic:

Aŋicku alëu bï yic pial buk kɔc kɔ̈k thiëëc bïk ɣok kuëny kä buk ke looi, ku yeŋö lëuku buk ŋic ë rɔ̈t?
Yeŋö tɔ̈u ke ɣok lëu bï ɣo kuɔny buk piɔ̈nda piɔ̈ɔ̈c buk ŋiɛc ya kuany käpiɛth?

Cït man ë map, piɔ̈nda alëu bï ɣok kuɔny buk kuany kä buk keek looi ë pïïric

5. Thek kä nhiɛɛr piɔ̈ɔ̈thke kɔc kɔ̈k keek

Kɔc wääc aa kuany kä wääc. Ye këdï lëu bïï ɣok kä nhiɛɛr piɔ̈ɔ̈thke kɔc kɔ̈k keek ya riëëu? Tïŋ ɣɔ̈n karou:

Kë tueŋ: Nyankäida nhiar bï ye nyin giit ku tɔc ye thok acï lɔ akutnɔmic tɔ̈u nyïïrakäckuɔ man bïk ke nyïïn giit ku tɔckë ke thook.

Kuen Romai 15:1 ku 1 Korinthoi 10:23, 24, ku jälkë thiëc kä jäämiic:

Cïtmën cïï cök kä ye lueel, yeŋö dhil lëu bïï nyankäi kënë kuany bï looi? Yeŋö dhil lëu ba looi tɛ̈ rëër yïn ke raan ye piɔ̈nde gël bï kë nhiɛɛr piɔ̈ndu cïï ye looi?

Kën ë rou: Aŋic wänmääth nɔn nadɛ̈ ke Baibol acie dëŋ ë mɔ̈u amääth ye pëën, ku acï kuany bï cïï ye dek ë määu. Ka yen acï caal amɛtnɔm cïï yen wɛ̈tmäthkuɔ tïŋ këke dɛ̈k ë määu.

Kuen Wɛ̈ɛ̈t cï Määtic 7:16 ku Romai 14:1, 10, ku jälkë thiëc kä jäämiic:

Cït man ye cök kä ye lueel, yeŋö lëu bïï wänmääth kënë kuany bï looi? Yeŋö lëu ba looi tɛ̈ tïŋ yïn raan däŋ ke loi kë ye piɔ̈ndu pëën ba cïï loi?

Ye kuɛɛr kou lëu bïk yï kuɔny ba ŋiɛc ya kuany?

1. Thiëc Yekoba ku bï yï kuɔny ba ŋiɛc ya kuany ë kë ba looi.—Jakop 1:5.

2. Ye yäp ë Baibolic ku athöör cï ke gätbei ë Baibolic ku ba lööŋ ë kɔc kuɔny ë pïïric yök. Yïn lëu ba Kërithanoi cï ŋuɛ̈ɛ̈n ë käk wëi yiic thiëëc bïk yï kuɔny aya.