Ë ciɛɛŋ ë bɛ̈ɛ̈i kɔ̈k yiic, aye kɔc gam nɔn nadɛ̈ ke raan acïï lëu bï puɔ̈u miɛt tɛ̈ këc yen thiëëk. Ku yen, acie kɔc cï thiëëk ëbën keek piɔ̈ɔ̈th miɛt ku acie kɔc këc thiëëk ëbën keek cie piɔ̈ɔ̈th ë miɛt. Ku yic akïn, Baibol ee jam nɔn bï raan rëër ke këc thiëëk awu bï raan thiëëk këke ye miɔ̈c tënë Nhialic.

1. Ye käpiɛɛth ŋö ye raan ke yök të këc yen thiëëk?

Aye Baibol lueel: “Raan ë tiiŋde thiaak acï këpiɛth looi, ku raan cïï thiëk, ka cï këpiɛth looi arëët.” (1 Korinthoi 7:32, 33, 38.) Ye dhɔ̈l kou lëu bïï raan këc thiëëk “këpiɛth looi arëët”? Kërithanoi këc thiëëk aacie diɛɛr ë kä bïk ke luöi kɔcken cïï keek ke röt thiaak. Ka yen, aa nɔŋ nɔm lääudït apɛi. Cït man, kɔc kɔ̈k ë ke yiic aa lëu bïk londen ë piööc juak nyin ë kuɛɛr dik apɛi, cït man aa lëu bïk lɔ ë bɛ̈ɛ̈i kɔ̈k koor ë piööc ke thïn bïk kɔc lɔ lɛ̈k ë wël piɛth. Ku kë tɔ̈u tueŋ apɛi, aa nɔŋ dhamandït apɛi bïk röt thiäk Yekoba.

2. Ye käpiɛɛth ŋö ë bɛ̈n bei thïn tɛ̈ cïï yïn thiëŋdu gätpiny akuma nɔm awu kɔcdït ke baai?

Thiëëk, ke thöŋ ke bï raan rëër ke këc thiëëk, anɔŋic käpiɛɛth dhuëëŋ aya. Aye Baibol lueel “rou aŋuɛ̈nkï në tök.” (Wɛ̈ɛ̈t cï Määtic 4:9) Kënë ee yic tënë Kërithanoi ë lööŋke Baibol ë kɔc kuɔny ë pïïric tääu ë thiëŋden yic. Kɔc cï röt thiaak ku gɛ̈tkë thiëŋden piny akuma nɔm awu kɔcdït ë baai nïïm aa röt nyuöth nhiëër, athɛɛk, ku yekë röt luöi käpiɛth. Ku wɛ̈t ye kënë, aa rëër keke cie diɛɛr apɛi bïk cïï thöŋ ke kɔc wën rɛ̈ɛ̈r ëtök keke këc röt thiaak. Ku thiëëk ee ya tɛ̈ piɛɛth wën lëu bïï mïth ŋiɛc bɛ̈i nhial thïn apiɛth.

3. Ye Yekoba thiëëk tïŋ këdï?

Wäär cïï Yekoba thiëŋ tueŋ looi, ee cï lueel: “Yen abï moc wun aa puɔ̈l ku pɛ̈l man, ku mɛ̈t ke tiiŋde, agokï aa guöp tök keek kaarou.” (Cäk 2:24) Yekoba awïc moc ku tik bïk röt ya nhiaar ku rëërkë ëtök tɛ̈ ŋoot keek ke pïïr. Aye puɔ̈l bï thiëëk teem kɔ̈u tɛ̈ cïï raan töŋ ë keek tiiŋ ë raan däŋ awu mony ë raan däŋ kɔɔr. Tɛ̈ cïï kë cït ë kënë rot looi, Yekoba ee raan cïn guɔ̈p awäc puɔ̈l bï kuany nɔn bïï yen thiëëk teem kɔ̈u awu cïï bï teem kɔ̈u. a (Mathayo 19:9) Yekoba acie thiëŋ ë diäär juëc ye gam tënë Kërithanoi.​—1 Timotheo 3:2.

 YÄP DÏT

5. Ŋic raandun bïï week röt thiaak kuany

Kuɛ̈ny ë raandun bïï week röt thiaak ee töŋ kä thiekiic apɛi ë kä ye ke kuanyiic ëbën ba ke looi. Kuen Mathayo 19:4-6, 9, ku jälkë thiëc kënë jäämic:

• Ye wɛ̈tŋö cïï Kërithano ye wïc bï guɔ ya kɛɛc ë thiëëkic?

Baibol alëu bï yïn kuɔny ba ŋic yen kë nhiaar ba tïŋ tënë ë raan bïï week röt thiaak. Ku kë töŋ thiekic apɛi, kɔɔr raan nhiaar Yekoba bï ya yen thiak. b Kuen 1 Korinthoi 7:39 ku 2 Korinthoi 6:14. Ku jälkë thiëc kä jäämiic:

• Ye wɛ̈tŋö dhil ɣok ya thiëëk ë Kërithano däŋ?

• Ye takic ke lëu bïï Yekoba yök këdï ye puɔ̈u tɛ̈ thiɛɛk yïn raan cïï ye nhiaar?

 6. Ye thiëëk tïŋ tɛ̈ cït tɛ̈ ye Yekoba tiëŋ en

Ë dhaman thɛɛr ë Yithrɛɛl, kɔc kɔ̈k aake ye diäärken puɔ̈l ë käthii piɔliic. Kuen Malakai 2:13, 14, 16, ku jälkë thiëc kënë jäämic:

• Ye wɛ̈tŋö ye Yekoba tɛ̈m ë thiëëk kɔ̈u ë kë cie yic maan?

Puɔl ë BIDEO, ku jälkë thiëc bɔ̈ jäämic.

• Na ca raan këc gam thiaak, ke yeŋö lëu ba looi bï thiëŋdun lɔ tueŋ?

7. Tääu lööŋke Yekoba alɔŋ thiëëk ë thiëŋdun yic

 JAM CIEKIC

Bï raan thiëëk ku bï raan rëër ke këc thiëëk aa miɔ̈c tënë Yekoba kedhie. Keek ëbën aa lëu bïk raan puɔ̈l bï puɔ̈u la yum ku mit puɔ̈u tɛ̈ ye keek ke looi ë kueer ë Yekoba.

Bëër Yic

• Ye këdï lëu bïï raan dhamanden këc yen thiëëk ŋiɛc ya luöi?

• Ye wɛ̈tŋö ye Baibol ye lueel ba ya thiëëk ë raan cï gam?

• Ye kë töŋ no ë Baibolic lëu bïï raan tiiŋde awu monyde puɔ̈l?