Yekoba awïc ɣok buk piɔ̈ɔ̈th aa miɛt ë pïïrda yic ku yeku yan ë miɛt ë puɔ̈u looi ë thɛɛkɔ̈k. Ku nadɛ̈ ye yiëëi juëc ku nïn ke lɔ̈ŋ ye miɛɛt puɔ̈u? Ye këdï lëu bïï ɣok nhiëërda nyuöth Yekoba ë wɛ̈t ye kënë?

1. Ye wɛ̈tŋö ye yiëëi juëc Yekoba rac puɔ̈u?

Yïn lëu ba gäi nɔn nadɛ̈ ke yiëëi juëc aliu ë Baibolic awu aabɔ̈ tënë kɔc cie Nhialic ye door. Yiëëi cït käk kä alëu bïk bɛ̈nbei ë duɔ̈ɔ̈r lueth yic. Alëu bïk yiic naŋ käk ë jak awu gääm ye lueel wëike raan aa cie thou. Yiëëi kɔ̈k aabɔ̈ bei ë gääm ye kɔc mɛɛkic awu gääm ë miɛt ë guɔ̈p. (Yithaya 65:11) Yekoba ee kɔcken ye door thɔn nïïm: “Yen bä wek bei në keyiic . . . ku duökï kënhiany ee jak.”​—(2 Korinthoi 6:17). a

2. Ye Yekoba yiëëi athɛɛkdït apɛi gäm mɛnh ë raan yök këdï ye puɔ̈u?

Yekoba ee ɣo thɔn nïïm buk cïï lööny adhum ye ɣok “kɔc ŋɔ̈ɔ̈th” yic. (Kuen Jeremia 17:5.) Nïn kɔ̈k ke lɔ̈ŋ athɛɛk gäm bäny mac baai awu apuruuk. Ku kɔc kɔ̈k aa yai looi tënë aläm ë baai awu kööl ë yök keek nɔmlääu. (1 Jɔn 5:21) Kɔc kɔ̈k aa lon ë thiɛɛtha kuɔny ciin awu akutnïïm kɔ̈k. Ye Yekoba yök këdï ye puɔ̈u tɛ̈ ye ɣok athɛɛkdït gäm raan awu akutnɔm, ku yic pacɔk akutnɔm ë luui ë kä cie mat ke kä Wïc keek?

3. Ye loi looi yïndï ë yiëëi juëc yiic ye Yekoba ke jai?

Baibol ee jai ‘dëŋdït de mɔ̈u, ku thuëëc rac, [ku] wïn ee kɔc wiɛɛt ë mɔ̈u.’ (1 Petero 4:3) Yiëëi kɔ̈k aa ciɛɛŋ rɛɛc cïï kɔc röt ë duut nyuɔɔth. Ku buk rëër ke ɣo määth ke Yekoba, akɔɔrku buk mɛc ee ciɛɛŋ rɛɛc kënë yic.

 YÄP DÏT

 5. Kuɔny kɔc kɔ̈k bïk gäämdu ya theekic

6. Yekoba awïc ɣok buk piɔ̈ɔ̈th ya miɛt

Yekoba akɔɔr ɣok buk piɔ̈ɔ̈th ya miɛt ë thɛɛkɔ̈k ke kɔcke paanda ku mäthkuɔ. Kuen Wɛ̈ɛ̈t cï Määtic 8:15, ku jälkë thiëc kënë jäämic:

• Ye këdï cïï cöök kënë ye nyuɔɔth nɔn nadɛ̈ ke Yekoba awïc ɣok buk piɔ̈ɔ̈th ya miɛt?

Yekoba awïc kɔcke bïk piɔ̈ɔ̈th ya miɛt ë thɛɛkɔ̈k ku yekë pol ë ke cath ëtök. Puɔl ë BIDEO ku ba tïŋ tɛ̈ cïï ye kënë nyuɔɔth ke ye yic amɛtmɛɛtdït kuɔn ke pinynɔmiic.

Kuen Galatai 6:10, ku jälkë thiëc kä jäämiic:

• Nadɛ̈ ye ɣo kɔɔr buk kööldït ë nïn ke lɔ̈ŋ ya looi “buk kɔc ya” miɛɛt piɔ̈ɔ̈th?

• Ye miɔ̈c yïndï lëu bï yï miɛɛt puɔ̈u​—ye nɔn ba ya miɔ̈ɔ̈c ë kööl yai awu kööldun ca lɔc ë yïpuɔ̈u?

• Ciëëtke Yekoba juëc aa miɔ̈c dik apɛi guiir bïk ke yiëk mïthken ë dhaman cïk kë ŋɔ̈ɔ̈thic. Na nɔŋ nɔm mïth, keye käpiɛɛth yïndï lëu ba ke luöi keek?

 JAM CIEKIC

Yekoba awïc ɣok buk piɔ̈ɔ̈th ya miɛt ke kɔcke paanda ku mäthkuɔ. Ku ee ɣo kɔɔr aya buk ya jai ë yiëëi cie yen ë miɛɛt puɔ̈u.

Bëër Yic

• Ye thiëc kou lëuku buk ke thiëëc buk ŋic nɔn cïï yai ë Yekoba ë miɛɛt puɔ̈u?

• Ye këdï lëu bïï ɣok kɔcke paanda ku mäthkuɔ kuɔny bïk deetic yen kë cuk kuany ë biäk ë nïn ke lɔ̈ŋ?

• Yeku ŋic këdï nɔn nadɛ̈ ke Yekoba awïc ɣok buk ya nɔŋ dhaman buk piɔ̈ɔ̈th ya miɛt ku yeku pol?