Aacïï Yecu piɔ̈ɔ̈c nɔn nadɛ̈ ke kɔcken ye biɔɔth cöök aacïï röt bï ya ‘mat ë käk ë pinynɔmiic.’ (Jɔn 15:19) Ku kënë anɔŋ bïk ya rëër ke cïï röt mɛt ë käk ë pinyɔmiic​—ku cïï kë röt ye mat ë thiɛɛthat yiic ku tɔŋ tɔɔŋ. Yic pacɔ̈k, acïï yic piɔl ba ya rëër ke yï cïï rot mɛt ë käk ë pinyɔmiic. Ɣok aa lëu bï ke ya bui gup ë wɛ̈t ye kënë. Ye këdï lëu bïï ɣook rëër ke ɣo cie röt ë mat ë käk ë pinynɔmiic ku mukku gäämda yic tënë Yekoba Nhialic?

1. Ye Kërithanoi yic akuumatke mɛnh ë raan tïŋ këdï?

Kërithanoi aaye akuma theek. Ayeku looi cït man cïï Yecu ye lueel buk “Kaithar yiɛ̈n ka ke”​—ku ee nɔn, bïï ɣook lööŋke baai ya theek, cït man löŋ ye kɔɔr buk ajuëër ya tääu piny. (Mak 12:17) Aye Baibol nyuɔɔth nɔn nadɛ̈ akumat ke mɛnh ë raan akuum ë wɛ̈t cïï Yekoba keek puɔ̈l bïk kuum. (Romai 13:1) Ka yeku ŋic nɔn nadɛ̈ akumat ke mɛnh ë raan, riɛlden, akoor. Ɣook aa Nhialic ŋɔ̈ɔ̈th ku akumadïtden paannhial yen abï kä dhal mɛnh ë raan ëbën cɔ̈k piny.

2. Ye këdï lëu bïï ɣook ye nyuɔɔth nɔn nadɛ̈ ɣok cie röt ë mat ë käk ë pinynɔmiic?

Ke ɣo cït Yecu, ɣok cie röt ë mat ë käk ë thiɛɛtha yic. Wään cïï kɔc ye tïŋ ke Yecu cï kädït ke gäi looi gokï them bïk dɔm bïk looi ke ye Meliŋden ë pinynɔm, go kat bï rot mɛɛc wei tënë keek. (Jɔn 6:15) Ye wɛ̈tŋö ye yen kat? Ee wɛ̈t, acï jä bën lueel, “Ciɛɛŋdï [Bäänydiɛ̈] acie kë de pinyë nɔm.” (Jɔn 18:36) Ke ɣo ye dutuucke Yecu, ayeku nyuɔɔth nɔn cïï ɣok röt ë mat ë käk ë pinynɔmiic ë kuɛɛr juëc. Cït man, ɣok cie lɔ ë tɔŋ tɔɔŋiic. (Kuen Maika 4:3.) Ɣook aa kädït ë baai nyuɔɔth theek​—cït man aläm​—ku aa cukku keek ë door. (1 Jɔn 5:21) Ku ɣo cie mat akut ë thiɛɛtha awu raan kääc ë thiɛɛtha yic. Në ye dhɔ̈lkä ku kuɛɛr kɔ̈k, ka yeku nyuɔɔth nɔn rëër ɣook ë gäämda yic tënë akuma ë Nhialic​—Bäänyde.

 YÄP DÏT

3. Kërithanoi yic aacie röt ë mat ë käk ë pinynɔmiic

Yecu ku kɔcken ye biɔɔth cöök aacï ɣook nyuöth dhöl buk ya biɔɔthic. Kuen Romai 13:1, 5-7 ku 1 Petero 2:13, 14. Ku, Puɔl ë BIDEO ku jälkë thiëc bɔ̈ jäämiic.

• Ye wɛ̈tŋö ye ɣook akumat ke pinynɔm theek?

• Ye kuɛɛr kou ye ɣok ye nyuɔɔth nɔn ye ɣok ke theek?

Ë dhaman ë tɔŋ, bɛ̈ɛ̈i kɔ̈k aa jam cïï kë röt ë mat tɔŋic, ku keek aa kɔc thäär ë kɛ̈mken kuɔny kedhie. Yeŋö wɛ̈tde yic bï raan rot cïï mɛt ë käk ë pinynɔmiic? Kuen Jɔn 17:16. Ku, puɔl ë BIDEO ku jälkë thiëc bɔ̈ jäämic.

• Yeŋö wɛ̈tde yic bï raan rot cïï mɛt ë käk ë pinynɔmiic?

Ku na ye akumat ke pinynɔm ɣok thiëëc ë kë lëu bï löŋ ë Nhialic dhoŋkɔ̈u buk looi? Kuen Luɔi de Tuuc 5:28, 29. Ku, puɔl ë BIDEO ku jälkë thiëc bɔ̈ jäämiic.

• Na wääc löŋ ë mɛnh ë raan ke löŋ ë Nhialic, ke ye löŋ ŋa buk theek?

• Lëu bï nɔŋ kä tak keek cïï Kërithanoi yic akumat ke mɛnh ë raan bï ya theek?

 4. Duɔ̈k rot ë mat ë käk ë pinynɔmiic ë tɛ̈ktɛ̈kdu yic ku käkun ye ke looi yiic ëbën

Kuen 1 Jɔn 5:21. Ku, puɔl ë BIDEO ku jälkë thiëc bɔ̈ jäämiic.

• Ë bideo yic, ye wɛ̈tŋö ë kuɛny Ayenge yen bï rot cïï mɛt akutnɔm ë thiɛɛtha awu mɛt rot ë lon ë käk ee paanë yiic cït man, athɛɛk aläm?

• Nadɛ̈ ye takic ke cï ŋiɛc kuany?

Ye ɣɔ̈n kɔ̈k kou lëu bïk ɣo them buk röt mat ë käk ë pinynɔmiic? Puɔl ë BIDEO, ku jälkë thiëc bɔ̈ jäämiic.

• Ye këdï lëu bïï ɣook rëër ke ɣok cie röt ë mat ë käk ë pinynɔmiic të bïï yen ë kä ye kɔc ke pol ë pinynɔm ëbën?

• Ye këdï lëu bïï ɣook rëër ke ɣok cie röt ë mat ë käk ë pinynɔmiic cɔk anɔn cïï kë cïï bänyke pinynɔm kuany pïïrda waaric?

• Ye këdï lëu bïï wël yeke caal ë netic awu kɔc ë cath ke ɣook tëŋthok dan ye ɣok jai buk röt cïï mɛt ë käk ë pinynɔmiic waaric?

 JAM CIEKIC

Kërithanoi aa luui apɛi bïk röt cïï mɛt ë thiɛɛtha yic ë tɛ̈ktɛ̈kden yic, wëlken yiic, ku loi looiken yiic.

Bëër Yic

• Yeŋö wïc akumat ke pinynɔm tënë ɣook?

• Ye wɛ̈tŋö ye ɣook rëër ke ɣok cie röt ë mat ë käk ke thiɛɛthat yiic?

• Ye ɣɔ̈n kou lëu bïk ɣo them buk röt mat ë käk ke pinynɔmiic?