PIÖÖC 47

Cä Röt Guiir bï yï Luöi Baptith?

PLAY

Yïn cï käjuëc piɔ̈ɔ̈c ë biäkde Yekoba ë piööcdun ë Baibolic. Tɛk däŋ yïn cï pïïrdu waaric ë wɛ̈t ë kë ca piɔ̈ɔ̈c. Ka yen, tɛk däŋ dhil nɔŋ kë gël yïn ba pïïrdu gäm Yekoba ku lui yïn baptith. Piööc kënë abï jam ë käriliic ë kɔc wïc bï ke luöi baptith dhal ku të bïï yïn ke tiaam thïn.

1. Ye käjuëc yïndï wïc ba ke ŋic ke yï kën guɔ luöi baptith?

Ku bï yï luöi baptith, awïc yïn ba nɔŋ “ŋïny de yic.” (1 Timotheo 2:4) Ku kënë acie ye nyuɔɔth nɔn bï yïn thiëc tɔ̈u ë Baibolic ya dhuk nïïm ëbën ke yï ŋoot ke yï kën guɔ luöi baptith. Agut cï kërithanoi cï ke luöi baptith ë dhaman bääric aa ŋot ë ke piöc. (Kolothai 1:9, 10) Ku awïc yïn ba nɔŋ ŋïny tueŋ ë kä thiekiic ë piööc de Baibol. Röördït akutnɔm aabï yï kony ba ŋic nɔn dït ë gäämdu.

2. Ye kɔ̈k kou wïc ba keek looi ke yï kën guɔ luöi baptith?

Të kën yï guɔ luöi baptith, ke yïn dhil ‘yïpiɔ̈u puk . . . ku bɛ yïpiɔ̈u wɛ̈l Nhialic.’ (Kuen Luɔi de Tuuc 3:19.) Kënë aye nyuɔɔth nɔn dhil yïn piɔ̈u dhiɛɛu wei ë kärɛɛckun wään ca keek looi ku thiëc Yekoba bï ke päl pïny tënë yïn. Yïn aya, yïn dhil jai ë ciɛɛŋ rac ku tääu yïnɔm ba pïïr ë kueer ë Nhialic miɛɛt puɔ̈u. Ku däŋ aya, aye jɔɔk ba rot mat ë loi looi akutnɔmic ë kueer bïï yïn ya lɔ amɛtmɛɛtiic ku ye lɔ piööc ke yï ye dupiöny kën guɔ luöi baptith.

3. Ye wɛ̈tŋo dhil yïn riɔ̈ɔ̈c ciï päl bï yï pëën bï yï luöi baptith?

Kɔc kɔ̈k aa riɔ̈ɔ̈c nɔn cïï keek yen bï lëu bïk kë cïk thɔn tënë Yekoba looi. Ee yic, ë thɛɛkɔ̈k yïn lëu ba wuɔ̈c, cït man cïï röör kɔ̈k ku diäär cï gam ë dhaman ë Baibol kɔn wuɔ̈c. Ku Yekoba acie kɔcken ye door ë ŋɔ̈ɔ̈th bïk käŋ ye looi të cït të wïc yen ëbën. (Kuen Diɛt 103:13, 14.) Ee puɔ̈u miɛt të ye yïn ye them apɛi ba këpiɛth looi! Ku abï yï kuɔny. Yic pacɔ̈k, Yekoba ee ɣo dɛɛt piɔ̈ɔ̈th nɔn nadɛ̈ acïn kë lëu bï “wo pääk në nhiëër ë Nhialic.”—Romai 8:38, 39.

YÄP DÏT

Tïŋ të bïï yïn käriliic ë kɔc wïc bï ke luöi baptith yök tiaam ë kueer bïï yïn Yekoba ŋic apiɛth ku gam kuɔɔnyde.

4. Ŋic Yekoba Apiɛth

Ye ŋïny yïndï ë biäkde Yekoba wïc bï tɔ̈u ke yïn ke yï kën guɔ luöi baptith? Awïc ba ŋic apiɛth ba nhiaar ku ba ya miɛɛt puɔ̈u. Puɔl ë BIDEO ku ba tïŋ të cïï kɔc ye ke piɔ̈ɔ̈c ë Baibol ë pinynɔm ëbën ye luɔɔi thïn. Ku jälkë thiëc bɔ̈ jäämic.

BIDEO: Dhöl lɔ Tënë Baptith (3:56)

Ë bideo yic, yeŋö ë cï kɔc kɔ̈k kuɔny bïk röt guiir bï ke luöi baptith?

Kuen Romai 12:2, ku jälkë kä jäämiic:

Nadɛ̈ ye puɔ̈u dak ë biäk kë ye Baibol piɔ̈ɔ̈c awu nɔn ye Ciëëtke Yekoba yic piɔ̈ɔ̈c?
Na yen tëde, ke yeŋö ba looi ë biäkde?

5. Tiam käk ë kɔc wïc bï ke luöi baptith dhal

Të cïï ɣok ye lɔc buk pïïrda gäm Yekoba ku luui ɣok baptith, ɣok ëbën ɣok ë käriliic yök. Ku ba wɛ̈t töŋ ye nyuɔɔth tïŋ, puɔl ë BIDEO, ku jälkë thiëc bɔ̈ jäämiic.

BIDEO: Nhiëërda Tënë Yekoba ee Käk Kɔc Jɔ̈ɔ̈r Tiaam (5:22)

Ë bideo yic, ye käriliic kou ë ke wïc Narangerel keek bï ke tiaam bï Yekoba luöi?
Ye këdï cïï nhiëërde tënë Yekoba ye kuɔny bï käriliic kä tiaam?

Kuen Kɛ̈ŋ 29:25 ku 2 Timotheo 1:7, ku jälkë thiëc kënë jäämic:

Yeŋö ë ɣo yiëk riɛl ë piɔ̈u buk käriliic tiaam?

6. Gam kuɔɔny ë Yekoba

Yekoba abï yï kuɔny ba miɛɛt puɔ̈u. Puɔl ë BIDEO, ku jälkë thiëc bɔ̈ jäämiic.

BIDEO: Yekoba Nhialic Abï Yïn Kuɔny (2:50)

Ë bideo yic, yeŋö ë cï raan ye piɔ̈ɔ̈c ë Baibol gël bï cïï lui ë baptith?
Yeŋö cï bën piɔ̈ɔ̈c cï ye kuɔny bï gämde cɔl aril tënë Yekoba?

Kuen Yithaya 41:10, 13, ku jälkë thiëc kënë jäämic:

Ye wɛ̈tŋö ye yïn ye gam ë piɔ̈ndu ëbën nɔn bïï yïn thɔ̈ndun ca lɛ̈k Yekoba bïï yïn pïïrdu gäm yen looi?

7. Looi alɛɛcdu bï dït ë biäk ë nhiëër ë Yekoba

Të ye yïn nhiëër nhiɛɛr ë Yekoba yïn takic ë yïpuɔ̈u, ka alɛɛcdu abï dït apɛi ku aba nhiaar ba ya luöi ë köölthok ëbën. Kuen Diɛt 40:5, ku jälkë thiëc kënë jäämic:

Ye athiɛɛi kou tënë Yekoba kek nhiaar keek apɛi?

Raan ë käk ke Nhialic tïŋ cɔl Jeremia anhiaar Yekoba ku wɛ̈tde, ku ee nhiaar lon cï gäm yen apɛi bï rinke Yekoba lɔ luɛɛl aɣeer. Ee cï lueel: “Wëlku acïk ya kë dïït ë yum de puɔ̈u tënë ɣɛn ku ɣɛn cï cɔɔl ë rinku, Yïn Yekoba Nhialic.” (Jeremia 15:16) Dhuk thiëc kä nïïm: