Mäth thiääkiic ke ɣok apɛi aa miɛt ë piɔ̈nda juakic ë thɛɛ piɛth, ku ritkë ɣo piɔ̈ɔ̈th ë thɛɛ rɛc yiic. Ku Baibol ee ɣo thɔn nïïm nɔn nadɛ̈ ke cie raan ëbën yen lëu bï ya mäth piɛth. Ke ye këdï lëu bïï yïn mäth piɛth kuany? Tïŋ thiëc bɔ̈ kä.

1. Ye këdï lëu bïï mäthkun ye ke kuany pïïrdu waaric?

Ɣok aa röt waar buk thöŋ ke kɔc ë dhamandït nɔ̈k ke ɣok. Kënë alëu bï piath awu bï rɛc​—ku kënë ee yic cɔk anɔn ye ɣok dhaman nɔ̈k ke ɣo rɛ̈ɛ̈r ëtök awu yeku rɔ̈m ke keek ë netic. Cït man ye Baibol ye lueel, “raan ë cath ke kɔc ŋic käŋ abï käŋ ŋic, ku raan ë cath ke kɔc kuc käŋ [kɔc wën cïï Yekoba nhiar] abï kärɛc ya yök.” (Kɛ̈ŋ 13:20) NWT. Mäth nhiar Yekoba ku yekë door aa lëu bïk yï kuɔny ba thiɔ̈k ke yen ku yekë yï kuɔny ba ŋiɛc ya kuany käpiɛɛth ba keek looi. Ku mäth thiɔ̈kiic ke ɣok cïï tɔ̈u akutnɔmic aa lëu bïk ɣo mɛɛc wei tënë Yekoba. Ku ee yen wɛ̈t cïï yen ɣok ye gɔ̈i wɛ̈t ee Baibol ɣok dɛɛt piɔ̈ɔ̈th buk ŋiɛc ya kuany ë mäth piɛth! Tɛ̈ ye mäthkua kɔc nhiar Nhialic, ke ɣok aa röt kuɔny ë kamkua. Ke ɣok aa “lɔ tueŋ ke ɣo deet ɣopiɔ̈ɔ̈th ku yeku röt kuɔny ë kamkua.”​—1 Thethalonikei 5:11.

2. Yeŋö lëu bïï kueer ee yïn mäthku kuany thïn luöi Yekoba?

Yekoba ee mäthke ŋiɛc kuany. “Ade aŋäth [määth] kekë kɔc piɛthpiɔ̈ɔ̈th.” (Kɛ̈ŋ 3:32) Lëu bïï Yekoba yök këdï ë ye puɔ̈u tɛ̈ kuëny ɣok ë mäth cïï ye nhiar? Ka lëu bï yen riöök puɔ̈u apɛi! (Kuen Jakop 4:4.) Ke wääc kek kënë, Yekoba abï puɔ̈u miɛt ku lɔc ɣok ke ɣo ye mäthke tɛ̈ ye ɣok jai buk cïï cath ke kɔc rɛc ku thiëkku röt yen ku kɔc nhiar yen.​—Diɛt 15:1-4.

 YÄP DÏT

4. Kɔc cïï thöŋ ke ɣok aa lëu bïk ya mäthkuan piɛth

Baibol ee jam ë biäk ë yïï Debit ku Jonathan, röör karou thɛɛr ë pan ë Yithrɛɛl. Aa ke nɔŋ run wääc ku pïïr wääc; Ku keek aake nɔŋ mänh dik apɛi. Kuen 1 Thamwɛl 18:1, ku jälkë thiëc kënë jäämic:

• Ye wɛ̈tŋö cïï mäthkua bïï ya bën ë kɔc riëëc ke ɣok yiic awu kɔc nɔŋ kä thöŋ ke kä tɔ̈u ke ɣok?

Kuen Romai 1:11, 12, ku jälkë thiëc kënë jäämic:

• Ye këdï ye mäth nhiaar Yekoba ke piɔ̈ɔ̈th dɛɛt ë kamken?

Ë bideo cï nyuɔth kënë yic, tïŋ tɛ̈ cïï wänmääth thiin tök mäthde yök ë ɣɔ̈n wën cïï ke ŋɔ̈th yiic. Puɔl ë BIDEO, ku jälkë thiëc bɔ̈ jäämiic.

• Ë bideo yic, ye wɛ̈tŋö ye kɔc ke dhiëth Akil diɛɛr ë biäk ë mäthke ë thukulic?

• Ye käŋö ë ke nhiɛɛr Akil keek tënë mäthken tueŋ?

• Ye këdï cïï yen köknyinde bën tiaam?

 5. Tɛ̈ bïï yïn mänh piɛth luɔɔi thïn

 JAM CIEKIC

Tɛ̈ ye ɣok mäthkua ŋiɛc kuany, ke ɣok aa Yekoba miɛɛt puɔ̈u ku yökku käpiɛth aya.

Bëër Yic

• Ye wɛ̈tŋö ye Yekoba diɛɛr ë biäk mäth yeku ke kuany?

• Ye mänh yïndï lëu bïï ɣok ya jai?

• Ye këdï lëu bïï yïn mänh rilic looi ke kɔc piɛth?