Wäär ciɛk Yekoba ɣok, ee cï ɣo yiën miɔ̈c dik apɛi​—riɛl buk ya jam. Nadɛ̈ ye diɛɛr ë biäk tɛ̈ ye ɣok miɔ̈c kënë luöi thïn? Ee diɛɛr! (Kuen Jakop 1:26.) Ke ye këdï lëu bïï ɣok riɛldan ë jam ya luöi bïï ɣok Yekoba ya miɛɛt puɔ̈u?

1. Ye këdï bïï ɣok miɔ̈c ë jam ya luöi?

Aye Baibol lɛ̈k ɣok “yakë wepuɔ̈th dɛɛt, ku kuɔnykë röt kamkun, cïmën looi wek ye ëmën.” (1 Thethalonikei 5:11) LËKYAM. Lëu ba yïnɔm tak ë kɔc kɔ̈k wïc deet ë puɔ̈u? Yeŋö lëu ba looi ba keek kuɔny bïk piɔ̈ɔ̈th ya miɛt? Cɔl aŋickë nɔn ye yïn diɛɛr ë keek. Tɛkdäŋ alëu ba lɛ̈k keek kë nhiaar tënë keek. Lëu ba yïnɔm tak ë cöök töŋ ë Baibol lëu bï raan ŋic dɛɛt puɔ̈u? Anɔŋ cök juëc lëu bïï yïn ke kuany thïn. Muk yïnɔm, aya, tɛ̈ ye yïn wëlku luɛɛl thïn anɔŋ kë lëu bïk luöi kɔc kɔ̈k cïmën tɛ̈ ye yïn wëlku luɔ̈ɔ̈i thïn. Ka yen ye them ë thaathok ëbën ba ya jam amääth ke yï lir puɔ̈u.​—Kɛ̈ŋ 15:1.

2. Ye jam yïndï dhilku puɔ̈l?

Aye Baibol lueel: “Ë cïn jam nhiɛɛny ee bɛ̈n bei ë wethook.” (Kuen Epethiei 4:29) Ku kënë aye nyuɔɔth buk cïï ye jam ë jam rac awu buk kɔc kɔ̈k ya jääm gup kä wën lëu bï ke rac piɔ̈ɔ̈th. Ɣok cï dhil lëu buk kɔc ya lom ku rɛcku ke rin.​—Kuen Kɛ̈ŋ 16:28.

3. Yeŋö lëu bï ɣo kuɔny buk aa jam kä lëu bïk kɔc kɔ̈k dɛɛt piɔ̈ɔ̈th?

Kä ye ɣok ke jam ë köölthok ëbën aa kë tɔ̈u ɣopiɔ̈ɔ̈th ku ɣonïïm nyuɔɔth. (Luk 6:45) Ka yen awïcku buk röt piɔ̈ɔ̈c buk ɣonïïm ya tääu ë jam ë käpiɛth yiic​—kä wën piɛth, kä lacar, kä nhiɛɛr raan ëbën keek, ku kä ye raan ëbën ke leec. (Pilipoi 4:8) Ku buk ɣonïïm tääu ë käk kä yiic, ke ɣok aa dhil käkuan ye ɣok ke pol ku mäthkua ŋiɛc aa kuany. (Kɛ̈ŋ 13:20) Alëu bï ɣo kuɔny aya tɛ̈ ye ɣok kaŋ tak ke ɣo këc guɔ jam. Ŋic kë bïï wëlku luöi kɔc kɔ̈k. Aye Baibol lueel: “Deeny de wël kënë cätiic atök ke thook cït tɛ̈m de tɔŋ moth, ku wël lueel në pɛlënɔm acïtkï wɛ̈ɛ̈l ee pial ë guöp bɛ̈ɛ̈i.”​—Kɛ̈ŋ 12:18.

 YÄP DÏT

4. Ye yï thok tiit ë jam rac

Dhaman däŋ, ɣok aa jam ë wël cïï piɛth lëu bïï ɣok ke röt ya gɔ̈k. (Jakop 3:2) Kuen Galatai 5:22, 23, ku jälkë thiëc kä jäämiic:

• Ye kïït kou ë kïït kä yiic lëu bïï yïn ke lɔ̈ŋ tënë Yekoba bï yï kony ba yï liep ya duut tɛ̈ jiɛɛm yïn? Ye këdï lëu bïï kïïtkä yïn kuɔny?

Kuen 1 Korinthoi 15:33, ku jälkë thiëc kënë jäämic:

• Ye këdï ye mäthkun ca keek kuany ku käkun ye yïn ke pol tɛ̈dun ye yïn jiɛɛm thïn waaric?

Kuen Wɛ̈ɛ̈t cï Määtic 3:1, 7, ku jälkë thiëc kënë jäämic:

• Ye nɛn lëu bïï yïn ya biɛt [mim] awu ye tïït ë dhaman piɛɛth bïï yïn jäl jam?

 5. Ye jam ë wël piɛth ë rinke kɔc kɔ̈k

6. Ye puɔ̈u liɛɛr tɛ̈ jiɛɛm yïn ke kɔc ë paanduön

 JAM CIEKIC

Wël aa nɔŋ riɛl. Ɣok aa wïc buk ɣonïïm kaŋ aa tak apɛi ë kë buk lueel, ye nɛn bïï ɣok ye lueel, ku tɛ̈ bïï ɣok ye luɛɛl thïn.

Bëër Yic

• Ye dhɔ̈l kɔ̈k kou lëu bïï yïn ke jam luöi bïï yïn kɔc kɔ̈k ya kuɔny?

• Ye jam yïndï kɔɔr ba puɔ̈l?

• Yeŋö lëu bï ɣo kuɔny buk piɔ̈ɔ̈th ya liɛɛr ku bï jamda kɔc kɔ̈k ya dɛɛt piɔ̈ɔ̈th?