Të rëër ɣook ke kɔckuɔn cï gam, ke ɣook aa röt yök cït man ë Mëlik Debit: “Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!” (Diɛt 133:1) Mända aacïï bɔ̈ ë rot. Ɣook ɣodhie ayeku them buk rëër ke ɣo cï mat.

1. Yeŋö kɔc gɔ̈i tënë kɔcke Nhialic?

Na lɔr amat akutnɔmic paan däŋ, yïn lëu ba rot yök ke yï cie thoŋ ye kɔc jam ë paan ë piiŋ, ku kuɛɛr juëc yiic yïn rot yök ke yï cït kë rëër baai. Ye wɛ̈tŋö? Ee wɛ̈t ye ɣook Baibol piɔ̈ɔ̈c athör töŋ thöŋ ë pinynɔm ëbën. Ku ayeku them buk nhiëër ya nyuɔɔth ë kɛ̈mkuɔ. Ë kuat të rëër ɣook thïn ëbën, ɣook ɣodhie “aa rinke Yekoba cɔɔl, buk ya door ke ɣo cï mat.”​—Dhepania 3:9, NWT kë cï gɔ̈t ye cöök.

2. Yeŋö lëu ba looi ba mät ku dɔ̈ɔ̈r yääth tueŋ?

“Ke we nhiaar röt arëët ë [kamkuɔ̈n] ë piɔ̈n ɣeric ëwic.” (1 Petero 1:22) Ye këdï lëu bïï yïn ë wëët kënë tääu ë luɔi yic? Ë wɛ̈t cïï yïn yïnɔm bï ya tääu awɛ̈ɛ̈c ye kɔc kɔ̈k ke looi yiic, tääu yïnɔm ë kït piɛɛth tɔ̈u ke keek yiic. Ku acie wɛ̈t bïï yïn ya cath ke kɔc thöŋ kä nhiaarkë keek kepäc, them ba wɛ̈tamäthkuɔ ku nyïïrakäckuɔ bɔ̈ ë ɣɔ̈n wääciic ŋic ëbën. Ɣok aa lëu buk luui apɛi aya buk tɛ̈ktɛ̈k rɛɛc ye ɣook kɔc tek thook nyaai ë ɣopiɔ̈ɔ̈th.​—Kuen 1 Petero 2:17. a

3. Yeŋö lëu ba looi të nɔŋ en kë cï week wääc thook we Kërithano däŋ?

Ɣook ë rëër ke ɣo cï mat, ku ɣok aya ɣok lëu buk wuɔ̈c. Ë thɛɛkɔ̈k ɣok lëu buk ɣopiɔ̈ɔ̈th rac awu luiku röt kärɛc. Aye wɛ̈tde Nhialic lɛ̈k ɣook “Yak rëër apiɛth . . . yak röt pɔ̈l wapäc,’’ ku lueel aya: “acït man cï Yekoba we pɔ̈l, ke we ye röt pɔ̈l aya.” (Kuen Kolothai 3:13) Ɣook cï Yekoba rac puɔ̈u ë dhaman gäkic apɛi, ku yen aa wɛ̈ɛ̈ckuɔ pälpiny tënë ɣook. Ka yen ee ɣo ŋɔ̈ɔ̈th buk wɛ̈tamäthkuɔ ya päl awɛ̈ɛ̈cken aya. Na ca ŋic ke yï cï raan däŋ rac puɔ̈u, ke them bäk jäämic.​—Kuen Mathayo 5:23, 24. b

 YÄP DÏT

4. Tiam tëŋ ë thok

Awïcku buk wɛ̈tamäthkuɔ nhiaar ëbën. Ku ee yic riɛl apɛi buk raan cïï thöŋ ke ɣook gam. Yeŋö lëu bï ɣook kuɔny? Kuen Luɔi de Tuuc 10:34, 35, ku jälkë thiëc kä jäämiic:

• Yekoba ee kuat ë raan ëbën gam bïk ya Ciëëtke. Ye këdï ye kënë të ye yïn kɔc kɔ̈k bɔ̈ ë ɣɔ̈n wääc cï thöŋ ke të bïï yïn thïn waaric?

• Ye tëŋ ë thok yïndï tɔ̈u tëdun rëër yïn thïn wïc bïï yïn jai?

Kuen 2 Korinthoi 6:11-13, ku jälkë thiëc kënë jäämic:

• Ye tak ye këdï bïï yïn rot thiääk ke wɛ̈tamäthkuɔ ku nyïïrakäckuɔ bɔ̈ ë ɣɔ̈n wääc cï thöŋ ke të bïï yïn thïn?

5. Päl awäc piny ku duk muk ë yïpuɔ̈u ku looi dɔ̈ɔ̈r

Yekoba aa wɛ̈ɛ̈ckuɔ pälpiny cɔk anɔn cïï yen ɣook bï kaŋ ŋɔ̈ɔ̈th buk päl awäc. Kuen Diɛt 86:5, ku jälkë thiëc kä jäämiic:

• Ye këdï dït pɛ̈l awäc piny tënë Yekoba?

• Ye wɛ̈tŋö ye yïn puɔ̈u miɛt ë wɛ̈t yen awäc pälpiny?

• Ye ɣɔ̈n kou lëu bïk ye looi bï yic riɛl buk ya rëër ke kɔc kɔ̈k?

Ye këdï lëu bïï ɣok Yekoba kiɛ̈ɛ̈t ku yeku rëër ke ɣo cï mat ke wɛ̈tamäthkuɔ ku nyïïrakäckuɔ? Kuen Kɛ̈ŋ 19:11, ku jälkë thiëc kënë jäämic:

• Të cïï raan yï rac puɔ̈u, yeŋö ba looi bï ciɛɛŋ piath?

 Ë thɛɛkɔ̈k ɣook kɔc kɔ̈k rac piɔ̈ɔ̈th. Të looi kënë rot, yeŋö lëuku buk looi? Puɔl ë BIDEO, ku jälkë thiëc bɔ̈ jäämic.

• Ë bideo yic, yeŋö cïï nyankäi kënë looi bï dɔ̈ɔ̈r bɛ̈i?

 JAM CIEKIC

Yïn lëu ba akutnɔm kuɔny bï rëër ke cï mat ë kueer bïï yïn awäc ya pälpiny ku nyuɔɔthë nhiëër tënë wɛ̈tamäthkuɔ ku nyïïrakäckuɔ ëbën.

Bëër Yic

• Ye këdï lëu bïï yïn tëŋ ë thok tiaam?

• Yeŋö ba looi të nɔŋ en kë cï we wääc thook we Kërithano däŋ?

• Ye wɛ̈tŋö wïc bïï yïn Yekoba ya kiɛ̈ɛ̈t ë pɛ̈lpiny awäc tënë kɔc kɔ̈k?