PIÖÖC 57

Ku na cï Raan Awänydït Looi?

PLAY

Na cɔk anɔn nhiɛɛr yïn Yekoba apɛi ë piɔ̈ndu ëbën ku ye them ba cïï ye rac puɔ̈u, ka nɔŋ dhaman däŋ lëu bïï yïn awäc looi. Ku yen, awɛ̈ɛ̈c kɔ̈k aa dït tënë awɛ̈ɛ̈c kɔ̈k. (1 Korinthoi 6:9, 10) Na ca awänydït looi, ke muk ë yïnɔm Yekoba aŋot ke nhiar yïn; anhiɛɛr bïï päl awäc ku kony yïn.

1. Yeŋö dhilku looi bï Yekoba ɣok ya päl awɛ̈ɛ̈ckuɔ?

Kɔc nhiar Yekoba aa piɔ̈ɔ̈th riääk apɛi tɛ̈ cïï keek ye ŋic nɔn cïï keek awänydït looi. Ku kë cïï Yekoba thɔn tënë kɔcke ee ke duut piɔ̈ɔ̈th: “Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath.” (Yithaya 1:18) Tɛ̈ cïï ɣok ɣopiɔ̈ɔ̈th wel ëbën, ke Yekoba abï ɣok päl awɛ̈ɛ̈ckua ëbën. Ye këdï ye ɣok ɣopiɔ̈ɔ̈th wel? Ee wɛ̈t bïï ɣok piɔ̈ɔ̈th ya riääk ë kärɛɛc cuk ke looi ëbën, ku mɛ̈lku ë luɔi ë kärɛc ku läŋku Yekoba bï ɣok päl awɛ̈ɛ̈ckua. Ku jɔlku them apɛi buk tɛ̈ktɛ̈k awu ciɛɛŋ rɛɛc ë cɔl ɣok aloi awäc waaric, ku jɔlku them aya buk ya ceŋ ë lööŋke Yekoba cïniic acuɔl.—Kuen Yithaya 55:6, 7.

2. Ye këdï ye Yekoba röördït luöi bïk ɣo kuɔny tɛ̈ cïï ɣok luui awäc?

Tɛ̈ cïï ɣok awänydït looi, aye Yekoba lɛ̈k ɣok buk ‘röördït ke ɣön ë Nhialic ya cɔɔl.’ (Kuen Jakop 5:14, 15) Kɔc cï ke kuanykä aa nhiar Yekoba ku amɛ̈lke. Keek aacï ke piɔ̈ɔ̈c bïk ɣo ya kuɔny bï mänhda ke Yekoba piath.—Galatai 6:1.

Ye këdï ye röördït ɣok kuɔny tɛ̈ cïï ɣok awänydït looi? Röördït karou awu diäk aabï ɣo cɔ̈knïïm piny, ë kueer cök ë Baibol. Keek aya aabï ɣo kuɔny buk këpiɛth looi ku yiën kë ɣo deet ë puɔ̈u bï ɣo kuɔny buk awäc cïï be beeric. Aalëu bïk ɣok pëën ë loi looi kɔ̈k ë wëi yiic agut tɛ̈ bïï ɣok pial ë käk ë wëi yiic. Ku bïk akutnɔm gël ë kärɛɛc bï ye riɔ̈ɔ̈k, röördït aa kɔc cä awänydït looi ku kueckë bïk ke piɔ̈ɔ̈th wel bɛ̈ibei akutnɔmic.

YÄP DÏT

Juak alɛɛcdu yic ë tɛ̈ ye Yekoba ɣo kuɔny thïn tɛ̈ cïï ɣok awänydït looi.

3. Lëŋ awäc ë ɣo kuɔny buk piɔ̈ɔ̈th dɛɛm

Kuat awäny yeku looi ëbën ee Yekoba mat thïn, ee yen nɔŋ en yic buk awäc ya lek tënë yen. Kuen Diɛt 32:1-5, ku jälkë thiëc kënë jäämic:

Ye wɛ̈tŋö piɛɛth en buk awɛ̈ɛ̈ckua ya gam tënë Yekoba ku cukku keek ë thiaan tënë yen?

Ku kë buk mat ë lëŋ awɛ̈ɛ̈ckua yiic tënë Yekoba, ɣok aa piɔ̈ɔ̈th dhuk piny tɛ̈ cïï ɣok kuɔɔny thiëëc tënë röördït. Puɔl ë BIDEO, ku jälkë thiëc bɔ̈ jäämic.

BIDEO: “Kɔc Nhiɛɛr Yekoba Keek aa Yeke Wɛ̈ɛ̈t” (3:01)

Ë bideo yic, ye këdï cïï röördït Kanon kuɔny bï dhuk tënë Yekoba?

Awïcku buk ɣopiɔ̈ɔ̈th ya liep ku lɛ̈kku röördït këriëëc cuk looi ëbën; keek atɔ̈u ë tɛ̈ɛ̈n bïk ɣo ya kuɔny. Kuen Jakop 5:16, ku jälkë thiëc kënë jäämic:

Ye këdï ye gäm ye ɣok yic lɛ̈k röördït ye cɔl apuɔlic tënë keek bïk ɣo kuɔny?

Lek awɛ̈ɛ̈cku, luel yic tënë röördït, ku gam kuɔɔny tënë Yekoba

4. Këpiɛɛth ye bïï bei akutnɔmic looi

Tɛ̈ cïï raan cä awänydït looi jai bï lööŋke Yekoba buɔɔthiic, ka cïï lëu bï bɛ ya raan töŋ akutnɔmic. Aye bɛ̈ibei akutnɔmic, ke ɣok aacie bɛ cath awu jiɛɛmku ke yen. Kuen 1 Korinthoi 5:6, 11 ku 2 Jɔn 9-11, ku jälkë thiëc kënë jäämic:

Cït man ye luɔɔu awac looi bï puɔɔr, ye këdï ye raan cä awänydït looi ku cïï nyiɛi akutnɔmic akutnɔm rac?

Kɔc juëc ye ke bɛ̈ibei akutnmmic aacï dhuk ciëën akutnɔmic wɛ̈t ë wëët cï gäm keek, na cɔk anɔn ë reem yen ke piɔ̈ɔ̈th, ka cï keek bën cɔ̈k nïïm piny. (Diɛt 141:5) Puɔl ë BIDEO, ku jälkë thiëc bɔ̈ jäämic.

BIDEO: Ye Kuum Cïï Yekoba Looi Theekic (9:28)

Ë bideo cï nyuɔɔth kënë yic, ye këdï cïï bïï cïï Thonja bɛ̈ibei akutnɔmic yen kuɔny?

Ye këdï ye aguiɛɛr ë bïï bei akutnɔmic . . .

alɛɛc bɛ̈i tënë rin ë Yekoba?
ye nyuɔɔth nɔn këye Yekoba looi ee ya yic ku anɔŋic nhiëër?

5. Yekoba awɛ̈ɛ̈ckua pälpiny tɛ̈ cïï ɣok ɣopiɔ̈ɔ̈th wel

Yecu ee cï kääŋ luöi bïï yen ɣok kuɔny buk deetic tɛ̈ ye Yekoba ye yök thïn ye puɔ̈u tɛ̈ cïï raan yepuɔ̈u wel. Kuen Luk 15:1-7, ku jälkë kënë jäämic: