Ɣook ëbën ɣok aa nɔŋ kä nhiaarku keek ë bïak të ye ɣok ye kɔɔr buk aläthkuɔ ya ciɛŋ thïn ku të ye ɣok röt guiɛɛr thïn. Na luiku lööŋke Baibol ë kɔc kuɔny ë pïïric, ke ɣok lëu buk ŋiɛc ya kuany ë kä nhiarku keek ku yeku Yekoba miɛɛt puɔ̈u aya. Tïŋ lööŋ kɔ̈k ë kɔc kuɔny ë pïïric kä.

1. Ye lööŋke Baibol kou lëu bïk ɣok kony ë kuënyda yic, të ye ɣook cieŋ thïn, ku të ye ɣok röt guiɛɛr thïn?

Yeku ŋiɛc kuany “alɛ̈th piɛth, lëu bïï kɔc ke nhiaar ku ye nyuɔɔth nɔn piɛth ɣook nïïm,” ku yeku rëër ke ɣok cïn gup acuɔl ago alɛɛc bɛ̈i “tënë Nhialic yeku door.” (1 Timotheo 2:9, 10) NWT. Tïŋ lööŋ ë kɔc kuɔny ë pïïric kä kaŋuan: (1) Alɛ̈thkuɔ aa dhil ya “piath.” Cït man cïï yïn ye tïŋ amɛtmɛɛt akutnïïmiic, kɔcke Yekoba anhiar alɛ̈th wääc, ku alɛ̈thkuɔ ku të ye ɣok nhïïmda luɔɔi thïn alɛɛc bɛ̈i tënë Nhialic yeku door. (2) Ciëŋ “alɛ̈th piɛth aa thɛɛk nyuɔɔth” ee ɣok lɛ̈k cuk bï ya cieŋ alɛ̈th koriic ë gupkuɔ nyuɔɔth, awu bï kɔc ya daai ë ɣook apɛi. (3) Ɣook “piath ë nɔm nyuɔɔth” të cïï ɣok të ye kɔc kɔ̈k alɛ̈thken ciɛŋ thïn ku të ye keek nhïmken guiɛɛr thïn ë kiɛ̈ɛ̈t ë yeköölë. (4) Të ye ɣook ruk thïn ë thaathok ëbën adhil ya nyuɔɔth nɔn ye ɣok “kɔc ë Nhialic door,” ku bï ya nyuöth kɔc kɔ̈k nɔn ye ɣook Nhialic yic door.​—1 Korinthoi 10:31.

2. Yeŋö lëu bïï tëdan ye ɣook ruk thïn luöi kɔc kuɔn cï gam?

Ke ɣo lääu nïïm buk ya kuany ë këdan buk ya cieŋ, alëuku buk ɣonïïm ya tak ë kë lëu bïï kë cuk kuany luöi kɔc kɔ̈k. Ayeku them apɛi bï ciën raan rɛcku puɔ̈u, “wook wodhie ë ŋɛk ë ye raan rëër kek kony abï piɔ̈u miɛt, ë këde piathde.”​—Kuen Romai 15: 1, 2.

3. Lëu bï tëdan ye ɣook ruk thïn kɔc kɔ̈k bɛ̈i ë duɔ̈ɔ̈r yicic?

Ayeku them buk ya cieŋ alɛ̈th piɛth ë kuat ë kë loi rotic ëbën, ɣook aa ɣonïïm tääu piny apiɛth alɛ̈thkuɔn yeku keek cieŋ të le ɣook amɛtmɛɛt akutnïïmiic, ku të le ɣook ë lon ë piööcic. Acukku kɔɔr buk kɔc gël bïk cïï pïïŋ ë wël piɛɛth thiekiic yeku keek lɛɛr tënë keek. Ka yen, awïcku bï tëdan ye ɣook ruk thïn kɔc kɔ̈k ya puɔ̈l bïk yic nhiaar ku ‘bï piöc de Nhialic Duluɛ̈ŋda ya dhëëŋ në käŋ yiic kedhia.’​—Tito 2:10.

 YÄP DÏT

4. Ŋiɛc ruk athɛɛk nyuɔɔth tënë Yekoba

Ye kë thiekic no tɔ̈u ke ɣook ye ɣok nyïïn tïït ë biäk të ye ɣook ruk thïn? Kuen Diɛt 47:2, ku jälkë thiëc kä jäämiic:

• Ye këdï bïï yiny kɛ̈ɛ̈c ɣook ë nyin ë Yekoba yic kueerdan ye ɣook ruk thïn waaric?

• Nadɛ̈ ye takic ke ye yic ba diɛɛr ë biäk të ye ɣook ruk thïn të le ɣok amɛtmɛɛtiic ku të le ɣook ë lon ë piööcic? Ye wɛ̈tŋo, awu ye wɛ̈tŋö cien yen?

 5. Të bïï yïn ŋiɛc ya kuany ë biäk alɛ̈th ye ke cieŋ ku të bïï yïn rot ya guiɛɛr thïn

Puɔl ë BIDEO.

Të cɔk alɛ̈thkuɔ ya ɣɔɔc ë wëu juëc awu wëu liik, ka lëu bïk gup ciën acuɔl ku yekë piath ke ɣɔ̈n ye ɣook ke lɔ thïn ëbën. Kuen 1 Korinthoi 10:24 ku 1 Timotheo 2:9, 10. Ku jälkë, jäämic kë lëu bïï ɣook jai ë ciëŋ alɛ̈th wën . . .

• nɔŋ gup acuɔl ku cïkkë athɛɛk ë nyuɔɔth.

• alɛ̈th koriic arëët, ë gupkuɔ nyuɔɔth awu yekë bal jat nhial ë kɔc piɔ̈ɔ̈th.

Cɔk anɔn cïï Kërithanoi tɔ̈u ë lööŋke Mothith yiic, ka tɛ̈ktɛ̈k ë Yekoba nyuɔɔth. Kuen Nyön de Löŋic 22:5, ku jälkë thiëc kënë jäämic:

• Ye wɛ̈tŋö cïï ɣook bï ya ruk alɛ̈th ë ɣok looi buk ciët diäär awu looi diäär bïk ciët röör?

Kuen 1 Korinthoi 10:32, 33 ku 1 Jɔn 2:15, 16, ku jälkë thiëc kä jäämiic:

• Ye wɛ̈tŋö lëu bïï ɣook ya diɛɛr ë wɛ̈t bïï alɛ̈thkuɔn yeku keek cieŋ kɔc kɔ̈k rac piɔ̈ɔ̈th tëdan rëër ɣook thïn awu akutnɔmic?

• Ye alɛ̈th yïndï ku të ye kɔc röt guiɛɛr thïn keek tɔ̈u tëdun rëër yïn thïn?

• Nadɛ̈ ye takic ke kuɛɛr kɔ̈k ë ciëŋ alɛ̈th kä aa lëu bïk cïï piɛth tënë Kërithano? Ye wɛ̈tŋö, awu ye wɛ̈tŋö cien yen?

 JAM CIEKIC

Të ye ɣook ŋiɛc kuany ë biäk të ye ɣook ruk thïn, ke ɣook athɛɛk nyuɔɔth tënë Yekoba ku kɔc kɔ̈k.

Bëër Yic

• Ye wɛ̈tŋö ye ruk pinyda ku të ye ɣook röt guiɛɛr thïn yic thiek tënë Yekoba?

• Ye lööŋ kɔ̈k ke Baibol kɔc kuɔny ë pïïric kou lëu bïk ɣook kony ë kuënyda yic ë bïak të bïï ɣok ya ruk thïn?

• Ye këdï ye të ye ɣook ruk thïn të ye kɔc kɔ̈k duɔ̈ɔ̈r ë yic tiɛ̈ŋ thïn waaric?