Yekoba ee “Nhialic ë rëër ke mit puɔ̈u.” (1 Timotheo 1:11) Ku akɔɔr ɣook buk ya rëër ke ɣo mit piɔ̈ɔ̈th ë pïïrda yic ëbën. Ee puɔ̈u miɛt të ye ɣook dhaman bɛ̈ibei bïï ɣook ya lɔ̈ŋ. Në ye piööc kënë yic, abuk tïŋ të bïï ɣook dhamandan ë lɔ̈ŋ ya luɔ̈ɔ̈i thïn ë kuɛɛr piɛth ku yekë ɣok miɛɛt piɔ̈ɔ̈th​—ku yekë Yekoba miɛɛt puɔ̈u aya.

1. Yeŋö kɔɔrku buk ya muk ë ɣonïïm të kuɛ̈ny ɣook ë gɛ̈ɛ̈t ë nyin?

Yeŋö nhiar ba ya looi ë dhamandun ë lɔ̈ŋic? Kɔc kɔ̈k anhiarkë bïk dhamanden ë lɔ̈ŋ ya nɔ̈k këke rëër baai​—këke kuën athöör, ku pïïŋkë ë diɛt, ku dɛɛikë awu luuikë ë netic. Kɔc kɔ̈k aa piɔ̈ɔ̈th miɛt bïk rëër baai ku luuikë ke mäthken​—bïk la yith ë kuurnɔm, ku le kë kuaŋ, awu le kë pol. Kuat ë këdan cuk kuany ëbën, awïcku buk tääu ë ɣonïïm nɔn nadɛ̈ gɛ̈ɛ̈t ë nyindan nhiarku buk kuany ee kë “mit ë Nhialic piɔ̈u.” (Epethiei 5:10)) Ee kë thiekic apɛi buk deetic yen kënë ë wɛ̈tŋö gɛ̈ɛ̈t nyin juëc ŋic keek ë pinynɔm ëbën aa nɔŋiic kä mɛɛn Yekoba keek cït man tɔŋ, bal, awu luɔi ë käk jak. (Kuen Diɛt 11:5.) Yeŋö lëu bï ɣook kuɔny buk ŋiɛc ya kuany ë käkuɔn ke gɛ̈ɛ̈t ë nyin?

Na yeku ŋiɛc kuany ë mäth nhiar Yekoba, ka lëu bïk ɣook kuɔny buk ŋiɛc ya kuany ë käkuɔn ke gɛ̈ɛ̈t ë nyin. Cït man wään cïï ɣook ye piɔ̈ɔ̈c ë piööc cï lɔ yic, “raan ë cath ke raan ŋic käŋ abï käŋ ŋic.” Ku ee yen tëde aya, na yeku cool ke ɣo cath ke kɔc cïï lööŋke Nhialic nhiar, ka bï ɣok “aabï käŋ kuc aya.”​—Kɛ̈ŋ 13:20.

2. Ye wɛ̈tŋö thiek en yic buk dhamandan yeku nɔ̈k ë gɛ̈ɛ̈t ë nyinic ŋiɛc ya luöi?

Cɔk anɔn piɛɛth ë gɛ̈ɛ̈t ë nyin cuk kuany, ka wïcku buk tääu ë ɣonïïm cuk dhaman bäär arëët bï ya nɔ̈k thïn. Na cuk looi këya, ke ɣook bï nïïm ciën dhaman bïï ɣook kɔ̈k thiekiic ya looi. Baibol ee ɣook dɛɛt piɔ̈ɔ̈th “buk [dhamanda] ŋiɛc ya luöi.”​—Kuen Epethiei 5:15, 16, NWT.

 4. Ye dhamandu ŋiɛc luöi

5. Kuany gɛ̈ɛ̈t ë nyin piɛth

Cɔk anɔn ye gɛ̈ɛ̈t ë nyin kɔ̈k Yekoba rac puɔ̈u, ke gɛ̈ɛ̈t ë nyin kɔ̈k piɛth aacie yen ë rac puɔ̈u. Kuen Wɛ̈ɛ̈t cï Määtic 8:15 ku Pilipoi 4:8, ku jälkë thiëc kënë jäämic:

• Ye gɛ̈ɛ̈t ë nyin piɛɛth no yen nhiar?

 JAM CIEKIC

Yekoba akɔɔr ɣook buk ya kuany ë gɛ̈ɛ̈t ë nyin ë ɣo miɛɛt piɔ̈ɔ̈th.

Bëër Yic

• Ye gɛ̈ɛ̈t ë nyin no lëu bïï Kërithanoi jai?

• Ye wɛ̈tŋö lëu bïï ɣok ɣonïïm tääu piny ë biäk të ye ɣok dhamanda luɔ̈ɔ̈i thïn ë gɛ̈ɛ̈t ë nyinic?

• Ye wɛ̈tŋö ye yïn ye kɔɔr ba kuany ë gɛ̈ɛ̈t ë nyin ë Yekoba miɛɛt puɔ̈u?