PIÖÖC 55

Kuɔny Akutnɔmdun Tɔ̈u Yïn Thïn

PLAY

Ë pinynɔm ëbën, kɔc juëc apɛi aa Yekoba door ke mit piɔ̈ɔ̈th akutnïïm juëc arëëtiic. Aa piɔ̈ɔ̈th miɛt ë wɛ̈t ë wëët ku nyuuth piɛɛth ye yiën keek, ku ayekë nhiaar bïk akutnɔm kuɔny ë kuɛɛr juëc apɛi. Nadɛ̈ yen të ye yïn ye yɔ̈k thïn ë yïpuɔ̈u ba akutnɔmdu ya kuɔny?

1. Ye kuɛɛr kɔ̈k kou lëu bïï yïn ke dhamandu ku riɛldu ya luöi bïï yïn akutnɔm tɔ̈u yïn thïn ya kuɔny?

Ɣook lëu buk ɣocin mat ëbën buk akutnɔmdan tɔ̈u ɣook thïn kuɔny. Cït man, nadɛ̈ cï kɔc kɔ̈k tɔ̈u akutnɔmduön yic dhiɔp awu cïk niɔ̈ɔ̈p? Lëu ba keek kuɔny bïk lɔ amɛtmɛɛtiic? Awu lëu ba keek kuɔny ë loi looi kɔ̈k yiic, cït man ɣɔɔc ë käŋ thuuk awu loi looi baai? (Kuen Jakop 1:27.) Ɣok lëu buk röt gaam aya buk acuɔl nyaai ë Luaŋ ë Bääny de Nhialic yic. Acïn raan ë ɣo mac thïn buk käkë looi. Ee nhiëërda tënë Nhialic ku wɛ̈tmäthkuɔ yen ɣo puɔ̈l “buk [röt gaam] ë piɔ̈nda ëbën.”—Diɛt 110:3.

Wɛ̈tamäthkuɔ cï keek luöi Baptith aa lëu bïk kë akutnɔm kuɔny ë kuɛɛr juëc kɔ̈k. Wɛ̈tamäthkuɔ cï ŋuɛ̈ɛ̈n ë käk ë wëi yiic alëu bïk luui ke ye kɔc ë röördït kuɔny, ku alëu bïk ya röördït aya, të cïï dhaman lɔ. Wɛ̈tamäthkuɔ ku nyïïrakäckuɔ aa röt mat thïn ku konykë lon ë piööc bïk luui ke ye dulëëk. Ciëët kɔ̈k alëu bïk kony ë kueer ye keek ɣɔ̈n ke duɔ̈ɔ̈r buth awu le kë të wïc akutnɔm kuɔnydït thïn ë kuɛɛr juëc kɔ̈k.

2. Ye këdï lëu bïï ɣok käkuɔn tɔ̈u ke ɣook luöi bïï ɣook akutnɔm kuɔny?

Ɣok lëu buk ‘Bɛ̈nydït [Yekoba] dhuɛ̈ŋ ë këriëëcdan piɛth ëbën.’ (Kɛ̈ŋ 3:9) Ayeku lööm ke ye këdïït athiɛɛi buk wëu juaar ku käkuɔn tɔ̈u ke ɣook bïï ɣook akutnɔmdan tɔ̈u ɣok thïn kuɔny ku lon ë piööc ë pinynɔm ëbën. (Kuen 2 Korinthoi 9:7.) Käkuɔn yeku keek juaar aa ye ke kɔc cïï riääk ke yök kuɔny aya. Kɔc juëc acïk kuany bïk “këthiin koor ya tɔ̈ɔ̈u” keye kë cïk juaar ë nïn thook ëbën. (Kuen 1 Korinthoi 16:2.) Ɣok lëu buk juar ë kueer ë thanduuk tɔ̈u ë ɣɔ̈n kuɔn ke duɔ̈ɔ̈r yiic awu ë kueerdan ë net ë donate.pr418.com. Yekoba acï ɣook yiën dhaman buk nhiëërda nyuɔ̈th yen ë kueer ye ɣook ye kuany buk käkuɔn tɔ̈u ke ɣook ya luöi.

YÄP DÏT

Tïŋ kuɛɛr kɔ̈k lëu bïï yïn akutnɔm kuɔny.

3. Ɣook lëu buk käkuɔn tɔ̈u ke ɣook luööi

Yekoba anhiar raan ë miɔ̈ɔ̈c ke mit puɔ̈u, ku ee yen tän ë Yecu aya. Cït man, Yecu aa cï ajuëër ë tiiŋ cïï monyde thou gam ku jɔl ya wɛ̈t cïï yen en kuany bï juar. Kuen Luk 21:1-4, ku jälkë thiëc kä jäämiic:

Nadɛ̈ kɔɔr ɣook buk ya gɛɛm ajuëërdït apɛi agoku Yekoba miɛɛt puɔ̈u?
Ye Yekoba ku Yecu ajuëërda yök këdï ke piɔ̈ɔ̈th?

Ku ba ŋic të ye käkuɔn yeku ke juaar luɔɔi thïn, puɔl ë BIDEO. Ku jälkë thiëc bɔ̈ jäämiic.

BIDEO: ‘Miɔ̈c cï Tääu ë Yekoba Ciin’ (4:47)

Ye këdï ye käkuɔn cuk keek juaar luööi bïï ke akutnïïm kuɔny ë pinynɔm ëbën?

4. Ɣook lëu buk kuɔɔnyda gaam

Ë dhaman thɛɛr ë Baibol, kɔc ë Yekoba door aa yekë them apɛi bïk nyïïn ya tïït ë ɣɔ̈n ken ke duɔ̈ɔ̈r. Ku kënë anɔŋic londït apɛi ku aacie juëër ë wëu yetök. Kuen 2 Lëk de Akööl 34:9-11, ku jälkë thiëc kënë jäämic:

Ye këdï ë ye kɔcke Yithrɛɛl ëbën nyïïn tïït ë Luaŋ de Yekoba, awu tëden ë duɔ̈ɔ̈r?

Ku ba të ye Ciëëtke Yekoba kueer thɛɛr kënë kuanyic thïn tïŋ, puɔl ë BIDEO. Ku jälkë thiëc bɔ̈ jäämiic.

BIDEO: Të ye Ɣook Nyïïn Tïït Thïn ë Ɣɔ̈n Kuɔn ke Duɔ̈ɔ̈r (3:31)

Ye wɛ̈tŋö thiek en yic buk acuɔl ya nyaai ë Luaŋ ë Baäny de Nhialic yic ku yeku nyïïn tïït yen bï cïï riääk?
Ye kuɛɛr kɔ̈k kou lëu bïï yïn ke kony?

5. Wɛ̈tamäthkuɔ aalëu bïk lɔ tueŋ bïk nɔŋ loi looi kɔ̈k akutnɔmic

Cök ke Baibol aa röör tɔ̈u ke ye Kërithanoi dɛɛt piɔ̈ɔ̈th bïk lɔ tueŋ keke loi këriëëc ëbën bïk akutnɔm kuɔny. Ku ba kën ye nyuɔɔth tïŋ, puɔl ë BIDEO. Ku jälkë thiëc bɔ̈ jäämic.

BIDEO: Week Wɛ̈tamäthkuɔ—Lakë Tueŋ ke we Juak Londuön ë Käpiɛth Yiic (5:19)

Ë bideo yic, ye këdï cïï Ryan londe juakic bä akutnɔm kuɔny ë riɛlde ëbën?

Baibol ee kä bïï wɛ̈tamäthkuɔ ke looi laariic agokï ya kɔc ë röördït kuɔny ku bïk ya röördït aya. Kuen 1 Timotheo 3:1-13, ku jälkë thiëc kä jäämiic:

Yeŋö ye ŋɔ̈ɔ̈th tënë wɛ̈tamäthkuɔn bï lɔ tueŋ bïk ya kɔc ë röördït kuɔny ku yekë röördït aya?
Yeŋö ye ŋɔ̈ɔ̈th tënë kɔcke bɛ̈ɛ̈iken?—Tïŋ cöök 4 ku 11.
Të ye wɛ̈tamäthkuɔ ye them bïk käkë ya looi, ye kuɔɔny no bïï raan ëbën akutnɔmic yök?