Në ye piööcdun ë Baibol kënë yic ëbën, yïn cï käjuëc ŋic ë biäkde Yekoba. Kä ca keek piɔ̈ɔ̈c ëbën aacï yïn cɔl anhiar Yekoba apɛi ku ee yen wɛ̈t cïï yïn pïïrdu gäm en ku luui yï baptith. Ku të kën yïn ee kënë looi, ka ye dhiɛl takic nɔn bïï yïn ye looi ë dhaman thiɔ̈ɔ̈k bï bën tueŋ. Ku lɔdu tueŋ ë ŋïny ë käk wëi yiic acie kɔ̈ɔ̈c të cïï yï luöi baptith. Yïn lëu ba lɔ tueŋ ke yï cut rot Yekoba agut cä athɛɛr. Ye këdï?

1. Ye wɛ̈tŋö dhil yïn lɔ tueŋ ke yï loi mänhdu bï riɛl we Yekoba?

Adhilku them buk luui apɛi buk lɔ tueŋ ke mänhda ril ke Yekoba. Ye wɛ̈tŋö? “Ke wo cï bï jäl në yicic ke kucku röt.” (Ɣeberuu 2:1) Yeŋö lëu bï ɣo kuɔny buk lɔ tueŋ ke ɣo luui Yekoba ë gämda yic? Ɣook lëu buk rëër ke ɣo lui ë londan ë piööcic ku tïŋku kuɛɛr kɔ̈k bïï ɣook Nhialic ya luöi ë dhamanda yic ëbën. (Kuen Pilipoi 3:16.) Luui ye ɣook Yekoba luöi acïn kë thöŋ ke yen ë pïïric!​—Diɛt 84:10.

2. Ye kë däŋ no bïï yïn lɔ tueŋ ke ye looi?

Cɔk anɔn thök piööc ë Baibol kënë, ke pïïrdu ke yï ye Kërithano abï ŋot ke lɔ tueŋ. Aye Baibol lueel akɔɔrku buk “raan cï piac [ciɛɛŋ yam] cak dɔm.” (Epethiei 4:23, 24) Ke yï piööc wɛ̈tde Nhialic ku ye lɔ amɛtmɛɛt akutnɔmic, yïn bï käjuëc piɛth ŋic ë biäkde Yekoba ku kïtke. Tïŋ dhɔ̈l kɔ̈k bïï yïn ke kïtke ŋiɛc ya kiɛ̈ɛ̈t ë pïïrdu yic. Lɔ tueŋ ke yï waar ciɛɛŋdu yic ku ba Yekoba miɛɛt puɔ̈u.

3. Ye këdï bïï Yekoba yïn kuɔny ba lɔ tueŋ ë käk ë wëi yiic?

Aye Baibol lueel: “Nhialic . . . abï këriëëc ëbën cök tënë we. Ku abï we looi bäk gamdun cïï war ku cɔl we aa ril puɔ̈th akölaköl.” (1 Petero 5:10) LËKYAM. Ɣok lëu buk lööny ë thëmic ɣodhie. Ku Yekoba ee ɣok yiëk ke wïcku ëbën agoku thëm tiaam. (Diɛt 139:23, 24) Aye thɔn bï tääu ë yïpuɔ̈u ku bï yï yiëk riɛl bïï yïn ye luöi ë gäämdu yic ëbën.​—Kuen Pilipoi 2:13.

 YÄP DÏT

4. Lɔ tueŋ ke yï ye jam we mäthdun piɛɛth cïn raan thöŋ ke yen

Lɔ̈ŋ ku piööc ë Baibol aacï yïn kuɔny ba ya mäth ë Yekoba. Ye këdï lëu bïï loi looi kä yïn kuɔny ba ŋot ke yï cut rot yen?

Kuen Diɛt 62:8, ku jälkë thiëc kënë jäämic:

• Ku ba mänhdu we Yekoba looi bï riɛl, ye këdï lëu bïï yïn kuëndun ë Baibol looi bï ya kë dik apɛi?

Kuen Diɛt 1:2, ku jälkë thiëc kënë jäämic:

• Ku ba mänhdu we Yekoba looi bï riɛl, ye këdï lëu bïï yïn kuëndun ë Baibol looi bï ya kë dik apɛi?

Ye këdï bïï yïn piööcdun ë Baibol looi bï ya kë dik apɛi? Ku ba wël bï yï kuɔny tïŋ, puɔl ë BIDEO, ku jälkë thiëc bɔ̈ jäämiic.

• Ye kä kou cï keek lueel ë bideo yic lëu ba keek luööi?

• Ye käŋö nhiaar keek ba ke piɔ̈ɔ̈c?

 JAM CIEKIC

Lɔ tueŋ ke yï loi mänhdun bï riɛl we Yekoba ku kuany käk ë wëi ba keek looi. Ke yïn lëu ba jä pïïr ke yï mit puɔ̈u athɛɛr!

Bëër Yic

• Ye wɛ̈tŋö lëu bïï yïn ye gam ë piɔ̈ndu ëbën nɔn nadɛ̈ ke Yekoba abï yïn kuɔny ba luöi ë gäämdu yic ëbën?

• Ye këdï lëu bïï yïn mänhdu we Yekoba looi bï riɛl?

• Ye këdï lëu bïï käk ë wëi ca keek kuany ba keek looi yïn kuɔny ba lɔ tueŋ ë ŋïnydun ë käk wëi yiic?