Të bïï yïn wël ke piööc ë Baibol ŋiɛc dɛɛtiic thïn
Tueŋ, kɔŋ kë buk jäämic kënë tïŋ, ku puɔl ë BIDEO.
BAŊ TUEŊ
Ku ba rot guiir ë piööc tökic, kuen baŋ tueŋ. Thiëc cï ke giit nyïïn ë këcol (A) ku cök (B) aa kä thiekiic nyuɔɔth. Muk ë yïnɔm aya anɔŋ cök kɔ̈k cï ke lɛ̈k yïn “kuen.”
BAŊ CIƐL
Kë cï gɔ̈t tueŋ (C) ë lɔŋ ë Yäp Dït wën ë jam kë bï bɛ̈n ë ye cöök. Wël tueŋ (D) aa nyooth kë bï jäämic. Wek ë raandun ë yï piɔ̈ɔ̈c, kuɛnkë cök ë Baibol, dhuk thiëc nïïm, ku ɣoi bideoth.
Thanduuk ë BIDEOTH aa yï lɛɛr të wën tɔ̈u bideoth ku kɔ̈k yeke kueen thïn. Bideoth kɔ̈k aa jam ë yiith cï röt looi ë pïïr ë kɔc yic yeköölë. Ku Bideoth kɔ̈k yeke nyuɔɔth aa jam ë yiith lëu bïk röt looi ë pïïric.
Tïŋ kä cï thuur ku jɔl aa kä ye kë piɔ̈ɔ̈c ɣok (E), ku tak yïnɔm ye këdï bïï yïn kë ye Kɔc Kɔ̈k Lueel dhuknɔm (F).
BAŊ CIËËN
Jam Ciekic ku Bëër yic (G) aa kä thiekiic cï ke piɔ̈ɔ̈c beeriic. Gät kööl ë thöl yïn ee piööc kënë piny. Ke ca tääu yïnɔm ba looi (H) ee yïn gäm kë ba looi. Yɔ̈p Wël Juëc Kɔ̈k (I) anɔŋic käjuëc kɔ̈k lëu ba keek kueen awu ɣoi keek.
Wël bï ke Jäämiic
|
|
|
|
Të bïï cök ë Baibol ya yɔ̈k thïn
Baibol anɔŋ athöörthii ka thiërdhetem ku dhetem (66). Acï tekic ë rou: awereek ke Ɣeberuu-Aramaiyik (“Lëk Thɛɛr”) ku awereek ë Kërithanoi ë Girïk (“Lëk Yam/Jöt”).
Të cïï cöök nyuɔɔth ee piööc ë Baibol kënë yic, ka ye nyuɔɔth ë rin athörë (A), ku bɔ̈ cöökdït (B), ku bɔ̈ cöökthiinë awu cökthii (C).
Cïtmën, Jɔn 17:3 anyooth athör ë Jɔn, cöökdït 17, cöökthiin 3.
