Të këc yïn piööc ë Baibol guɔ jɔɔk cöök

1. 1. Kɔŋ rot guiir apiɛth ë kë ba lɔ piɔ̈ɔ̈c. Ë dhaman guiir ë yïn rot yic, them ba yïnɔm tak ë kä nhiɛɛr raandun ye piɔ̈ɔ̈c keek, ku kä dhal en, ku jɔl ya kä ye ke gam. Them ba yïnɔm tak aya kä lëu bïk yiic riɛl bï ke deetiic awu bï ke tääu ë pïïrde yic. Tïŋ nɔn lëu bïï wël cï ke gɔ̈t ë baŋ “Yɔ̈p Wël Juëc Kɔ̈k” raandun ye piɔ̈ɔ̈c kuɔny, ku them ba ke ya luɔ̈ɔ̈i, ë dhaman looi week piööc.

Dhaman looi week piööc

1. 2. Të ye raandun ye piɔ̈ɔ̈c ye gam, ke them ba piööc ya liepthok ku thiɔ̈k cöök ë lɔ̈ŋ.

2. 3. Them ba cïï ya jam arëët. Tääu yïnɔm ë kë jäämkë yicic, ku ye raandun ye piɔ̈ɔ̈c puɔ̈l bï këden tɔ̈u yepuɔ̈u ya lueel.

3. 4. Të jɔɔk week baŋ däŋ thiekic cöök, ke we kuen kë ya baŋ kënë piɔ̈ɔ̈c ku luel piööc liik tɔ̈u ye baŋ kënë yic.

4.  5. Të cïï week ë baŋ thiekic kënë thöl, ke yï luɔ̈ɔ̈i baŋ ë bër ë yic bïï yïn raandun ye piɔ̈ɔ̈c kuɔny bïï yen yith cï kë piɔ̈ɔ̈c muk ë yenɔm.

5. 6. Të looi week piööc ëbën wek raandun ye piɔ̈ɔ̈c:

   1. Kuɛnkë wël cï ke gɔ̈t.

   2. Kuɛnkë cök ëbën cï ke lueel “Kuen.”

   3. Kuɛnkë cök kɔ̈k cï ke gɔ̈t thïn aya të kɔɔr week en.

   4. Puɔɔlkë bideoth cï ke lueel “Puɔɔlë” (të tɔ̈u keek).

   5. Thiëc raan ye piɔ̈ɔ̈c ë thiëëc ëbën.

   6. Nyuɔ̈th ë raan thura tɔ̈u ë baŋ ë “Yäpdït,” ku thiëc bï kë cï tïŋ laaric.

   7. Luɔ̈ɔ̈i ë baŋ “Kë ca tääu Yïnɔm ba Looi” bïï yïn raandun ye piɔ̈ɔ̈c kuɔny bï ŋic le tueŋ këdï ë käk ë wëi yiic. Alëu ba dɛɛt puɔ̈u bï kä cï ke nyuɔɔth keke ye kä lëu bïï raan ke kuany bï ke looi, luɔ̈ɔ̈i bïk yen kuɔny bɛn kä lëu bï ke looi kuany.

   8. Thiëc raandun ye piɔ̈ɔ̈c nɔn nhiɛɛr en awereek cï ke kueen awu bideoth cï ke ɣoi tɔ̈u ë baŋ “Yɔ̈p Wël Juëc kɔ̈k” ë dhaman ë guiir en rot.

   9. Them bäk piööc tök ya thöl ë dhaman tökic.

Të cïï piööc thök

1. 7. Ye lɔ tueŋ ke yï tak yïnɔm ë të bïï yïn raandun ye piɔ̈ɔ̈c ë Baibol kuɔny thïn. Läŋë tënë Yekoba bï raandun ye piɔ̈ɔ̈c thieei bï lɔ tueŋ ë piööcde yic ku gɛ̈m yïn ŋïny ë käŋ ba ŋic yen të lëu bïï yïn yen kuɔny thïn.