YE KƆC PIƆ̈Ɔ̈C
PIÖÖC 10
Gɛm ë Rot
Wëët ë Baibol: “En aaye wok piɔ̈ɔ̈th miɛt, luɔi yïn wo week wëlpiɛth ke Kërtho, ku acie keek kapäc, ee wëikuɔ ayadäŋ, në nhiëër cï wo nhiaar aläl.”—1 Theth. 2:8.
Kën ë Cïï Yecu Looi
1. Ɣoi BIDEO, awu kuen Jɔn 3:1, 2. Ku jälkë thiëc bɔ̈ jäämiic:
-
Ye wɛ̈tŋö ë ye Nikodemo ye lɔc bï ya lɔ tënë ë Yecu wakɔ̈u?—Tïŋ Jɔn 12:42, 43.
-
Ye këdï ë ye piööc ë ye Yecu Nikodemo piɔ̈ɔ̈c wakɔ̈u ye nyuɔɔth nɔn ë cïï yen rot gaam bï kɔc aa piɔ̈ɔ̈c?
Yeŋö Buk Piɔ̈ɔ̈c Tënë Yecu?
2. Ayeku nyuɔɔth nɔn nhiɛɛr ɣok kɔc ë kueer ye ɣok röt gaam buk ke ya piɔ̈ɔ̈c.
Kiɛ̈ɛ̈të Yecu
3. Ye piööc ë Baibol looi ke raan të wën nhiɛɛr ku dhaman cï lɔc. Tɛkdäŋ ke nɔŋ aköl töŋ lëu bï kuɛ̈ny bei ë yithbuɔ yic awu thaa töŋ lëu bï kuany akäl tökic. Lëu bï nhiaar bï ya piööc tëden ë luɔi, baai, awu jäŋic? Të lëu yen rot, ke yï cɔ̈k käkun ye ke looi piny ba ya piɔ̈ɔ̈c tëwën nhiɛɛr ku dhaman cï lɔc yic.
4. Ye piööc looi ke yen ë dhaman thok ëbën. Të nɔŋ en të bïï yïn lɔ thïn, ke yï duk piööc tem kɔ̈u. Kɔŋ yïnɔm tak:
5. Läŋë ba këpiɛth ŋiɛc kuany. Thiëc Yekoba bï yï kuɔny ba rot gaam, ba raandun ye piɔ̈ɔ̈c kuɔny cɔk anɔn cïï wek ë piööc ë dhaman thok ëbën awu ee yic riɛl bï lööŋke Baibol tääu pïïrde yic. (Pili. 2:13) Tɛkdäŋ ke raandun ye piɔ̈ɔ̈c ë Baibol adhil nɛŋ kït piɛɛth tɔ̈u ke yen; läŋë bï Yekoba yï kuɔny ba yïnɔm ya tääu ee kïtkä yiic.
