JƆ̈K Ë JAM CÖÖK
PIÖÖC 4
Koor ë Rot Piny
Wëët ë Baibol: “Yak rɔ̈t kuɔɔr piny, ye ŋɛk ye ŋɛk riëëu (theek), awär riëëu riëëu en rɔt.”—Pili. 2:3.
Kën ë Cïï Paulo Looi
1. Ɣoi BIDEO, awu kuen Luɔi de Tuuc 26:2, 3. Ku jälkë thiëc bɔ̈ jäämiic:
-
Ye këdï ë cïï Paulo koor ë rotpiny nyuɔɔth ë dhöl cïï yen jiɛɛm thïn ke Bɛ̈ny Agrippa?
-
Ye këdï ë cïï Paulo ŋïny ë käŋ Yekoba tɔ̈u ë Baibolic luɔ̈ɔ̈i ku acie ŋïny ë käŋde?—Tïŋ Luɔi de Tuuc 26:22 aya.
Yeŋö Buk Piɔ̈ɔ̈c Tënë Paulo?
2. Wɛ̈tda alëu bï dac gam të ye ɣok ye lueel ke ɣo cï röt kuɔɔr piny ë dhöl athɛ̈ɛ̈k.
Kiɛ̈ɛ̈të Paulo
3. Ye jam ë dhöl nɔŋic athɛ̈ɛ̈k. Ku duk rot ë nyuɔɔth ke yï ŋic këriëëc ëbën ku ye raan dɛ̈t tïŋ ke cïn kë ŋic. Jam ke yen ë dhöl athɛ̈ɛ̈k.
4. Nyuɔ̈thë raan bï ŋic nɔn nadɛ̈ ke yith ye ke lueel ëbën abɔ̈ bei ë Baibolic. Wɛ̈t ë Nhialic anɔŋ riɛl yen pïïr ë kɔc waaric. Të luui ɣok en, ka yeku ke kuɔny bï gäämden riɛl.
5. Duk puɔ̈u ë dac riääk. Duk ë lɔ tueŋ ke yï tɛɛr ba nyuɔɔth nɔn nɔŋ yïn nɔm yic. Acuk wïc buk ya teer. Ye koor ë rotpiny nyuɔɔth ë kueer bïï yïn ya jam ke yï cï yïpuɔ̈u pälpiny ku ye jai ë teer. (Kɛ̈ŋ 17:14; Tito 3:2) Të jiɛm yïn ke raan ke yï cï yïpuɔ̈u pälpiny, ka lëu bï yic pial ba bɛn jam ke yen të dhuk yïn ciëën.
