JƆ̈K Ë JAM CÖÖK
PIÖÖC 5
Jam Nɔŋic Athɛ̈ɛ̈k
Wëët ë Baibol: “Yak jamdun tɔ cath ke dhuëëŋdepiɔ̈u.”—Kol. 4:6.
Kën ë Cïï Paulo Looi
1. Ɣoi BIDEO, awu kuen Luɔi de Tuuc 17:22, 23. Ku jälkë thiëc bɔ̈ jäämiic:
-
Ye këdï ë cïï Paulo duɔ̈ɔ̈r ë lueth ë ye kɔcke paan Athen looi tiɛ̈ŋ thïn?—Luɔi de Tuuc 17:16.
-
Ye këdï cïï Paulo athɛ̈ɛ̈k nyuɔ̈th kɔcke paan Athen ë kueer cïï yen gäämden luɔ̈ɔ̈i bï ke lɛ̈k wël piɛth keke cïï ke lukwei?
Yeŋö Buk Piɔ̈ɔ̈c Tënë Paulo?
2. Kɔc aa lëu bïk dac piŋ tënë ɣok të ye ɣok wël ŋiɛc luɔ̈ɔ̈i ku luelku keek apiɛth ë dhaman piɛthic.
Kiɛ̈ɛ̈të Paulo
3. Kuany wël lëu bïï kɔc ke nhiaar. Cït man, të jiɛɛm ë yïn we raan cie kërthian, ke yï luɔ̈ɔ̈i ë kueer wën lëu bï nhiaar bïï yïn wëlke Baibol awu Yecu lɛ̈k en.
4. Duk kë cïï raan lueel ë guɔ jɔ̈ɔ̈ny. Päl bï këden tɔ̈u ë yepuɔ̈u ëbën kaŋ lueel. Na lueel kë wën wääc ke piööc ë Baibol, ke them ba cïï tɛɛr ke yen. (Jak. 1:19) Të pɛ̈l yïn rotpiny ba piŋ tënë yen, ka ba jä deetic apiɛth yen kë ye takic.—Kɛ̈ŋ 20:5
5. Na nɔŋ këpiɛɛth cïï raan lueel, ke gam ku lec të lëu yen rot. Tɛdäŋ aye dhiɛl gam ë piände ëbën nɔn ye duɔ̈ɔ̈rde yic. Them ba jam ë kë lëu bï gam tueŋ, ku ëtɛ̈ɛ̈n, aba jä kuɔny amääth ba lɛ̈k kë ye Baibol lueel.
