Pɛɛi ë Dhorou 29–Pɛɛi ë Bɛ̈t 4
DIƐT 69
Dit 13 ku Lɔ̈ŋ | Wël Jɔɔk Amat (Degiŋ 1)
1. Ye käŋö ë ke cïï buŋ ë Diɛt 69 ke lueel ka bï röt luɔ̈i Yecu?
(Degiik 10)
Yecu ee cï maan ke cïn kërɛɛc cï looi (Di 69:4; Jɔn 15:24, 25; w11-E 8/15 awer. 11 abër 17)
Nhiëër ë ɣön ë Yekoba ee ye dëp ë Yecu puɔ̈u cït man ë mac (Di 69:9; Jɔn 2:13-17; w10-E 12/15 awer. 8 abër 7-8)
Yecu ee cï reem wään nɛ̈k ë yen ku ee cï gäm mɔ̈n cï liääp ke wɛl kec (Di 69:20, 21; Mat 27:34; Luk 22:44; Jɔn 19:34; g95-E 10/22 awer. 31 abër 4; it-2-E awer. 650)
KË BÏ TAKIC: Ye wɛ̈tŋö ë looi ë Yekoba yen bï kä bï röt luɔ̈i Mathaya gät ë Cök ke Ɣeberuu yiic?
2. Yäp ë Käthiekiic Tɔ̈u ë Baibolic
(Degiik 10)
-
Di 69:30, 31—Ye këdï lëu bïï ye cökkä ɣo kuɔny, buk të ye ɣok lɔ̈ŋ thïn ŋiɛc cɔ̈kpiny? (w99-E 1/15 awer. 18 abër 11)
-
Ye käthiekiic kou ca keek yök ë kuɛ̈ndun ë Baibolic ë yithbuɔ kënë yic, nhiaar ba ke rɔm ke ɣook?
3. Kuɛ̈n ë Baibol
(Degiik 4) Di 69:1-25 (th piööc 2)
4. Liɛr ë Puɔ̈u—Kën ë Cïï Yecu Looi
(Degiik 7) Kë Jiëëmë Yic. Puɔlë BIDEO, ku jälkë lmd piööc 8 abër 1-2 jäämic.
5. Liɛr ë Puɔ̈u—Kiɛ̈ɛ̈të Yecu
(Degiik 8) Kë jiëëmë yic tɔ̈u lmd piööc 8 abër 3-5 ku jɔl ya “Tïŋ Aya.”
Dit 134
6. Kä Wïc Akutnɔm Keek
(Degiik 5)
7. Kä Lëu Bïk Duɔ̈ɔ̈r ë Thëi Baai Looi bï Tiam
(Degiik 10) Kë Jiëëmë Yic.
Ë Pɛɛi ë Tök ë 2009, amɛtmɛɛt ë ke ye looi ë yithbuɔ yic karou aacï bɛ̈n matiic bïk ya amat töŋ ye looi ë yithbuɔ ciɛlic. Ku kën acï kɔc ke baai bɛ̈n gäm dhaman bïï kek Duɔ̈ɔ̈rden ë Thëi Baai ya looi ë yithbuɔ thok ëbën. Ku wɛ̈t aguiɛɛr kënë, kɔc juëc aacï puɔ̈th bɛ̈n miɛt apɛi ë wɛ̈t cïï aguiɛɛr kënë ke kuɔny bïk röt cuöt Yekoba ku looi mänhden bï riɛl ë kamken aya.—Nyö 6:6, 7.
Ye käŋö lëu bïk raan wat baai nɔm kuɔny bï Duɔ̈ɔ̈r ë Thëi Baai ya looi bï tiam?
-
Duk kööl ë duɔ̈ɔ̈r ee lïïr nɔm. Ku të lëu en rot, ke yï kuɛ̈nyë kööl tök bei ë yithbuɔ yic bïï wek duɔ̈ɔ̈rdun baai ya looi thïn. Ku kuany kööl dɛ̈t lëu bï wek duɔ̈ɔ̈rdun looi thïn të nɔŋ en kë cï rot tɛ̈ɛ̈m bï kööl tueŋ racic.
-
Ye rot guiir. Ye tiiŋdu dac thiëëc, ku ye mïthku thiëëc aya ë dhaman dɛ̈t, nɔn nɔŋ en kä nhiarkë keek bï ke jäämiic. Duk aguiɛɛr ben thiɔ̈ɔ̈ŋ nɔm të nhiɛɛr kɔc baai käken yekë ke dac looi ë yithbuɔ thok ëbën.
-
Ye kuany ë kä wën lëu bïk kɔc ke paandu kuɔny. Të le mïth ë ke diët, ke kä yekë tak ku kä nhiarkë keek aa lɔ ë ke ja röt waar. Ka yen, ye kuany ë kä wën lëu bïk kɔc baai ëbën kuɔny bïk dït ë käken ke wëi yiic.
-
Ye dhaman ë duɔ̈ɔ̈r looi bï kɔc baai ya miëët puɔ̈th. Yakë piööcdun looi të wën lëu bï we päl gup piny. Ku yakë dhaman thiin koor lööm bïï wek bɛn lɔ̈ŋ të ca wek gup thiaai. Yïn lëu ba kɔc ke paandu kuɔny ë kä dhal keekiic, ku duk duɔ̈ɔ̈r ë thëï baai ee looi ke ye të yïn ke nyieny ku gäk keek thïn.
-
Ye kä bäk ke jäämiic kuany ke wääciic. Cït man, wek aa lëu bäk kä bï ke piɔ̈ɔ̈c amat bɔ̈ ë wenïïm tueŋ jäämiic, awu bäk bideo töŋ tɔ̈u jw.org ɣoi ku jäämkë yic, ku wek aa lëu bäk röt guiir aya ë käk ë lon ë piööc. Cɔk anɔn lëu bïï wek dhamandït ya looi ke we jiëëm käŋiic ë duɔ̈ɔ̈r ë thëi baai yic, wek aa lëu bäk dhaman thiin koor puɔ̈l bïï ŋɛk kuɛ̈nden ë Baibol ya looi thïn.
Jäämkë thiëc kënë yic:
-
Ye këdï cïï yïn ë kuɛɛrkä them ba ke luɔ̈ɔ̈i ë duɔ̈ɔ̈rdun ë thëi baai yic?
8. Piööc ë Baibol Akutnɔm
(Degiik 30) bt Cöökdïït 13 abër 8-16, thanduŋ tɔ̈u awer. 105
