1. Ayiëkyiëëk ë Piny

“Ayiɛ̈ɛ̈kyiɛ̈ɛ̈k piny juëc aabï röt looi bɛ̈ɛ̈i juëc yiic.”—LUK 21:11. .LËK JAM

● Winni, mɛnh thiin nɔŋ ruɔ̈ɔ̈n ku pɛ̈i kaŋuan acï poth wään cïï ɣöt wïïk paan Ɣaiti. Akut kɔc wël caal aa cï bɛ̈n ku yök kë mɛnh thiin kënë ke dhiau wɛ̈t arɛɛm, gokë jäl caal. Yen mɛnh thiin kënë acï bɛ̈n poth yetök ku kɔc ke dhiëth en aa cï thou ëbën

YEŊÖ YE KÄ CÏ RÖT LOOI KÄ NYUƆƆTH? Wään cïï ayiëkyiëëk rot looi paan Ɣaiti ë pɛɛi tök, ruɔ̈ɔ̈n tiim karou ku thiëër [2010], ayiëkyiëëkdït kënë, acï të cït raan tim buɔt kadiäk nɔ̈k ëbën bïk thou. Ku raan malliön ku buɔt kadiäk [1000,300] aa cïï ɣöötken ke riääk ëbën. Cɔk aa nɔn dït ayiëkyiëëk kënë apɛi, ka cie paan Ɣaiti yen cïï yen rot looi thïn yetök. Ayiëkyiëëkdït kathiëër ku bɛ̈t [18] aa cï röt looi pinynɔm ëbën ë kaam pɛɛi ŋuan, ruɔ̈ɔ̈n tiim karou ku dhoŋuan [2009] ku pɛɛi ŋuan, ruɔ̈ɔ̈n tiim karou ku thiëër [2010].

YEŊÖ YE KƆC JUËC LUEEL? Ayiëkyiëëkdït aa cie röt dac bɛn looi yeköölë wɛ̈tŋö, piöc mɛnh ë raan acï ye nyin juak, aa yeku ke dac piŋ ɣɔ̈n cïï keek röt looi thïn awär dhaman thɛɛr cïï ɣok keek ë dac piŋ.

NADƐ̈ KË YE KƆC LUEEL YE YIC? Tïŋ këye Baibol lueel: Baibol acie ɣok lɛ̈k ye ayiëkyiëëk kadë keek bï rot looi ë dhaman thök ë nïn ke pinynɔm. Ku yen, aye lueel “ayiɛ̈ɛ̈kyiɛ̈ɛ̈k piny juëc aabï röt looi bɛ̈ɛ̈i juëc yiic,” ku kënë, ee yen wɛ̈t lëu bïï raan ëbën ke guɔ ŋic ee dhamandan kënë yic.—Mak 13:8; Luk 21:11.LËK JAM

YEŊÖ YE TAKIC? Nadɛ yeku ayiëkyiëëkdït apɛi tïŋ ke loi röt yeköölë, cït man wään cïï Baibol ye lueel?

Ayiëkyiëëk kapɛ̈c aa cie keek ye nyuɔɔth nɔn tɔ̈u ɣok dhaman ë thök ë nïn ke pinynɔm. Ku yen, ee töŋ kä wën cïï Baibol ke lueel bï röt tiɛŋ tëden. Tïŋku dɛ̈t ye keek rou.

 [Blurb on page 4]

“Acïï KEN HUDNUT lueel, “aa yeku ke cɔɔl ayiëkyiëëkdït ke piny.” Ku aa ye kuat ë raan ëbën ke tïŋ keke ye kärɛc apɛi.”—KƆC CÏ PIÖC WËN ŊIC KÄK RÖT LOOI PIINY.

[Picture Credit Line on page 4]

© William Daniels/Panos Pictures