3. Tuɛnytuɛɛny

“Ku jɔɔk [awu tuɛntuɛɛny] ee kɔc thöl.”—LUK 21:11.

● Bondhali, ke ye raan lui matäm ë pial ë guöpic tɔ̈u paan töŋ Apirika ë ye tɔŋtɔɔŋ rot looi thïn, ee cï them apɛi bï kɔc cï tuany kony bïk dɛm ë tuany ye cɔɔl Marburg virus. Acï them apɛi bï kɔc ë bɛ̈ɛ̈i kɔ̈k thiëëc bïk ye kuɔny, ku yen, kɔc ë bɛ̈ɛ̈i kä, aa këc ye dac bɛ̈n kony. Wään cïï pɛ̈i kaŋuan lɔ, kɔcke bɛ̈ɛ̈i wään cï ke cɔɔl bïk ye bɛ̈n kony, aacï jä bɛ̈nbɛ̈n ke kuɔɔny, ku yök kë Bondhali ke cï thou. Ee yök tuany cɔl Marburg tënë kɔc wään yekë kuɔny bïk dɛm. Kën ye bɛ̈ɛ̈i yen tuany kën athöŋ ke kën tuany cɔl Ebola bɛ̈ɛ̈i.

YEŊÖ YE KÄ CÏ RÖT LOOI KÄ NYUƆƆTH? Tuɛnytuɛny wën mɛnh ë raan dɔm ëbën aa nɔŋiic tuɛnytuɛny ë puɔ̈u (cït man yitiääbat awu wɛth), ku jɔl aa tuɛnytuɛny kɔ̈k cït man yäc, ɣeet , jɔŋ ë ɣɔɔl, ku jɔl aa malaria. Ruɔ̈ɔ̈n tiim karou ku ŋuan, tuɛnytuɛny kä kadhïc, aa cï të cït raan malliön kathiëër ku buɔt kadhorou [1,000,700] nɔ̈k. Tuɛnytuɛny kä aa raan tök nɔ̈k ë yuul kadiäkiic ë dhaman thok ëbën.

YEŊÖ YE KƆC JUËC LUEEL? Aye kɔc juëc lueel, ë wɛ̈t le kɔc tueŋ ke juak ke nyïïn ë pinynɔm, ke tuɛnytuɛny kɔc dɔm aa lɔtueŋ ke juak ke nyïïn aya. Kɔc juëc apɛi alëu bïï tuaany ke dɔm.

NADƐ̈ KË YE KƆC LUEEL YE YIC? Ee yic! Kɔc acï ke nyin juak apɛi pinynɔm ëbën. Ku riɛl ë mɛnh raan yen kɔc kony bïk dɛm ku gël tuɛnytuɛny ee jäl lɔ ke juak e nyin aya. Nadɛ̈ cïï kënë nyuɔɔth nɔn nadɛ̈ ke mɛnh ë raan alëu bï tuɛnytuɛny ë kɔc dɔm gël ëbën? Ee yic, aa lëu bï ke nyaai, ku ye wɛ̈tŋö cïï keek en lëu bïk tuɛnytuɛny nyaai yeköölë?

YEŊÖ YE TAKIC? Nadɛ̈ ye kë cïï Baibol lueel alɔŋ mɛɛm ku tuɛnytuɛny tïŋ ke tiiŋ rot tëde yeköölë?

Ayiëkyiëëk ë piny, cɔŋdït, ku tuɛnytuɛny aa keek käriliic kɔc juëc yök yeköölë. Kɔc juëc apɛi aye ke yɔŋ ë kɔc wën lëu bïk keek ya tiit. Tïŋ kë cïï Baibol lueel ke bï rot looi.

 [Blurb on page 6]

Acïï MAIKEL OSTERHOLM lueel, “tuany ë raan nɔ̈k amääth arac apɛi ka thöŋ ke cäm bïï köör raan caam.”—RAAN CÏ KUEN Ë TË YE TUƐNYTUƐNY KƆC DAM THÏN

[Picture Credit Line on page 6]

© William Daniels/Panos Pictures