5. Kɔc ë Piny Nɔm Riɔ̈ɔ̈k

Nhialic abï “kɔc ee piny riɔ̈ɔ̈k nɔm,” rac kedhie.—NYUUTH 11:18.

● Mr. Pirri ee raan ë luui mɔ̈u paan thiin ye cɔɔl Kpor, rɛ̈ɛ̈r ë Nigeria. Tajirde ë cï bɛn riääk wën cïï jaath wɛt wïïr paan Niger Delta të wën ye yen luui thïn. “Acïï Mr. Pirri bɛ̈n lueel, acï rɛckuɔ bɛ̈n nɔ̈k ëbën, acï dɛ̈l ë gupkuɔ bɛ̈n rac, ku acï tëdan ye pïu yeku ke dek bɛ̈n thïn bɛ̈n rac aya. Acïn tëdan däŋ cï bɛ bɛ̈n döŋ bïï ɣok bɛn rëër thïn.”

YEŊÖ YE KÄ CÏ RÖT LOOI KÄ NYUƆƆTH? Acïï kɔc cï piöc lueel, barmiil juëc ke jaath aa wɛt ë wärdït ë pinynɔmic ë ruɔ̈ɔ̈n thok ëbën. Të cït barmiil kathiërdhïc ë buɔɔtic [50%], aa wat të cït ruɔ̈ɔ̈n buɔɔt le tueŋ agut të bïï keek jäl dïïr piny. Mɛnh ë raan acï pinynɔm riɔ̈ɔ̈k ku acï kä cïï Nhialic ke cak kuɔ̈c luɔ̈ɔ̈i. Acïï kɔc cï piöc lueel, pinynɔm awïc ruɔ̈ɔ̈n tök [1] ku pɛ̈i kadhïc [5] bïï yen kä cïï mɛnh ë raan ke rac bɛn guiir. Acïï awereŋ ye wël caal ye cɔɔl Sydney Morning Herald paan Australia lueel, “Të le kɔc tueŋ keke juak ke nyïïn ku kä cam keek aa cï lïk, pinynɔm kënë acïï kɔc bï lëu, ka ɣok abï pinynɔm dɛ̈t ye keek rou wïc ë ruɔ̈ɔ̈n tiim karou ku thiërdiäk ku dhïc [2035].”

YEŊÖ YE KƆC JUËC LUEEL? Kɔc aa ŋic käŋ ku alëukë bïk kärɛc wën ë röt looi ë pinynɔm geer ku cök kë ke piny bïk piath.

NADƐ̈ KË YE KƆC LUEEL YE YIC? Kɔc juëc aa lui apɛi bïk kɔc ya wɛ̈ɛ̈t të bïï pinynɔm ŋiɛc ya guiɛɛr thïn bï cïï riääk. Ku yen akëc rot lëu, pinynɔm ajɔ lɔtueŋ ke jɔ riääk.

YEŊÖ YE TAKIC? Nadɛ̈ kɔrku bï Nhialic ɣok kuɔny bï pinynɔm guiir bï bɛn piath cït man wään cïï Yen ye thɔn?

Cït man cïï ɣok wël kadhïc cïï Baibol ke lueel jäämiic, Baibol ee jam aya ë käpiɛth bï röt looi të cïï thök ë pinynɔm thiɔ̈k bï bɛ̈n. Tïŋ töŋ ë käŋ kadhetemiic cïï ke lueel bïk röt tiɛŋ tëden.

 [Blurb on page 8]

Acïï ERIN TAMBER lueel, “paan thiindiën wään ya tïŋ ke cït paraditho, acï riääk ka cï thöŋ ke tɛ̈ ye acuɔl awu anyuɔɔn cuat thïn.”—EE RAAN RƐ̈Ɛ̈R Ë GULF COAST, UNITED STATES, KU YEN AJAM Ë KARƐC CÏ RÖT LOOI WÄÄN CÏÏ JAATH WƐT WÏÏR PAAN Ë MEXICO.

[Box on page 8]

Nadɛ̈ ye Nhialic Yen ë Kärɛc ɣo Yök Bɛ̈ɛ̈i?

Cït man cïï Baibol jam ë biäk kärɛc yeku ke tïŋ keke loi röt yeköölë, nadɛ̈ ye Nhialic yen ke bɛ̈ɛ̈i? Nadɛ̈ ee Yen ë mɛɛmda bɛ̈ɛ̈i? Yïn lëu ba dhuŋ ë nɔm ee thiëc kä lɔ yök ë buŋ ye cɔɔl What Does the Bible Really Teach? Ë piööc thiëër ku tökic. [11] Buŋ kënë, ee buŋ ë Ciëëtke Yekoba.

[Picture Credit Line on page 8]

U.S. Coast Guard photo