6. Londïït ë Piööc ë Pinynɔm Ëbën
6. Londïït ë Piööc ë Pinynɔm Ëbën
“Ku wëlpiɛthkë, wël ke Ciɛɛŋ [Bääny ë Nhialic] abï ke guiëër [lɛ̈k] kɔc ke piny nɔm ëbɛ̈n.”—MATHAYO 24:14.
● Baita arɛ̈ɛ̈r paan thiin ë cïï pïu gɔ̈ɔ̈l piny tɔ̈u paan Tamotu Arkipelago. Cɔk anɔn le Tamotu yic bɛ̈ɛ̈i kathiërbɛ̈t cïï pïu ke gɔ̈ɔ̈l piny, ku yen ë paanthiin kënë, adït yic apɛi, ku anɔŋic të cït raan tim thiëër ku dhetem kɔc ciëŋ thïn ë tɛ̈ɛ̈n. Ciëëtke Yekoba acï lɔ tënë Baita ke kɔcken thiääk ke yen. Ye wɛ̈tŋö? Ee wɛ̈t nhiɛɛr Ciëëtke Yekoba yen bïk wël piɛɛthke Bääny ë Nhialic lɛ̈k kuat ë raan ëbën, ɣɔ̈nken tɔ̈u keek thïn ëbën.
YEŊÖ YE KÄ CÏ RÖT LOOI KÄ NYUƆƆTH? Wël piɛɛthke Bääny ë Nhialic kä aa lëk ke kuat ë raan ëbën tɔ̈u pinynɔm. Ë ruɔ̈ɔ̈n tiim karou ku thiëër [2010], Ciëëtke Yekoba acï thäät juëc apɛi nɔ̈k lon ë piööcic keke piööc wël piɛɛthke Bääny ë Nhialic bɛ̈ɛ̈i buɔt karou ku thiërdiäk ku dhetem [236] yiic. Ë run kathiëër wään cï lɔ, Ciëëtke Yekoba acä athör juëc ku awereek juëc apɛi gätbei ë Baibolic ku wɛ̈lkë ke bei ku tekkë ke piny.
YEŊÖ YE KƆC JUËC LUEEL? Wël piɛɛth ke Bääny ë Nhialic aa cï ke piɔ̈ɔ̈c run juëc yiic apɛi.
NADƐ̈ KË YE KƆC LUEEL YE YIC? Ee yic, kɔc juëc ë pinynɔm aa cï kɔc piɔ̈ɔ̈c biäk ë Baibol. Ku kɔc kɔ̈k aa cï kɔc piɔ̈ɔ̈c ë Baibol dhaman thiin ciekic ë bɛ̈ɛ̈i likiic. Ku kë wääc ke kënë, Ciëëtke Yekoba aa cï röt guiir bïk kuat ë raan ëbën lɛ̈k wël piɛɛthke Bääny ë Nhialic pinynɔm ëbën. Ciëëtke Yekoba aa cï lɔtueŋ keke piööc wël piɛɛth ke Bääny ë Nhialic keke gum käriliic cɔk anɔn yɔŋ keek Bäny ë pinynɔm. a (Mak 13:13) Ku yen, Ciëëtke Yekoba aa cie riɔp wɛ̈t londen ë piööc yekë looi kënë. Keek, aa röt juaar bïk awereek la tɛk piny ku keek aa cïk kë keek ë ɣaac wei. Londen kënë aye kuɔny ciin wɛ̈t kä ye ke juaar.
YEŊÖ YE TAKIC? Nadɛ̈ piööc “wël piɛɛthke Bääny ë Nhialic” kä pinynɔm ëbën? Ee yic aa piööc keek. Nadɛ̈ ye kënë nyuɔɔth käpiɛth aa bï rot looi ë dhaman bï bɛ̈n tueŋ?
[Footnote]
a Ku ba käjuëc ŋic, tïŋ bideoth kadiëëŋ kä “Faithful Under Trials,” “Purple Triangles,” and “Jehovah’s Witnesses Stand Firm Against Nazi Assault,” Aa ke tek ke piny ë Ciëëtke Yekoba.
[Blurb on page 9]
“Na kony Yekoba ɣook, kë ɣook aa bï lɔtueŋ ke ɣo piööc wël piɛɛthke Bääny ë Nhialic ke ɣo tuc gup, buk kuat raan ëbën dööt pinynɔm ëbën.”—2010 YEARBOOK OF JEHOVAH’S WITNESSES.