Dhaman Piɛɛth Bï Bɛ̈n Tueŋ!

“Kɔc rac abïk dap riäär ëthiäu [nyai nyïïn pinynɔm ëbën] . . . Ku kɔc ee röt kuɔɔr piny, abïk piny lɔ̈ɔ̈k lak [löök], ku abïk kuɛth ku rëërkï ë mät.”—DIƐT 37:10, 11.

NADƐ̈ nhiar cöök ë Baibol kënë bï rot tiɛŋ tëde? Kë cïn dak ë puɔ̈u, alëu ba nhiaar bï rot tiɛŋ tëde. Anɔŋ käjuëc ye ɣok ye gam nɔn bïï kë cïï Baibol lueel kënë rot tiɛŋ tëde.

Awereek cuk ke jäämiic tueŋ wään, aa ye nyuɔɔth nɔn tɔ̈u ɣok “dhaman ë thök ë nïn ë pinynɔm.” (2 Timotheo 3:1-5) Nhialic acï kɔc ke gɛ̈t ë Baibol gäm wëikendït ɣer bïï keek wëlkä gɔ̈t bïk ɣo gäm ŋɔ̈th. (Romai 15:4) Tiiŋ cïï cökke Baibol kä röt tiɛŋ tëden, aye nyuɔɔth nɔn nadɛ̈ kë käriliic dhal ɣook kä, aa bï guɔ thök.

Të cïï thök ë pinynɔm bɛ̈n, ke yeŋö bï rot bɛn looi? Bääny ë Nhialic abï pinynɔm kuum ëbën. (Mathayo 6:9) Tïŋku kä cïï Baibol ke lueel ka bï röt looi të le Bääny ë Nhialic pinynɔm kuum:

● Cɔ̈k abï liu. “Tɔ pinynɔm de rɛɛp juëc ëbɛ̈n, tɔ kur nïïm thiäŋ në rap.”—Diɛt 72:16.

● Ku tuɛnytuɛɛny abï ke nyaai. ‘Acïn raan bï bɛ jam: ‘de guöp juäi’ awu tuaany’—Yithaya 33:24.

● Pinynɔm abï bɛn guiir bï ya yam awu bï ya jöt. ‘Jɔ̈ɔ̈r awu roor abï piɔ̈u miɛt, ku wal abïk gaak moc awu aa bï yɔ̈ɔ̈k ë rooric.’—Yithaya 35:1.

Käkë aa keek wël lik cïï Baibol ke lueel ke bï röt tiɛŋ tëden dhaman thiɔ̈ɔ̈k bï bɛ̈n ɣonïïm tueŋ. Ye wɛ̈tŋö cïï yïn Ciëëtke Yekoba thiëc bïk nyuɔ̈th yïn yen wɛ̈t ye kek ye gam ë piänden ëbën nɔn bïï käkë röt tiɛŋ tëden ë dhaman bï bɛ̈n tueŋ?