Bääny ë Nhialic abï akumat ke mɛnh ë raan nyaai ëbën ku ee yen bï pinynɔm kuum ëbën yetök. (Danyel 2:44; Nyuuth 16:14) Të cïï kënë rot looi, kë Bääny ë Nhialic . . .

•   Abï Kɔc rac ee ɣook luöi kärɛc nyaai nyïïn ëbën. Aye Baibol lueel “Nhialic abï kɔc ee karɛc looi gap wei [awu nyaai nyïïn ëbën] në pinyic, ”—Kɛ̈ŋ 2:22

•   Abï tɔŋtɔɔŋ nyaai ëbën. ‘[Nhialic] abï tɔŋtɔɔŋ dɔ̈m kɔ̈ɔ̈c ë pinynɔm ëbën.’—Diεt 46:9

•   Abï pïïr piɛɛth nɔŋic dɔ̈ɔ̈r bɛ̈ɛ̈i ë pinynɔm ëbën. “Raan ëbɛ̈n, abï ya rëër ë dïu në dom de ŋaapde thar acïn raandɛn bï ye bɛ aa riääc.” — Maika 4:4

•   Abï pinynɔm looi ke ye paraditho. “Jɔ̈ɔ̈r abï piɔ̈u miɛt, ku wal abïk gaak [awu yɔ̈ɔ̈k] moc ë jɔ̈ɔ̈ric.”—Yithaya 35:1.

•   Abï raan ëbën yiëk luɔi nɔŋic miɛt ë puɔ̈u. “[Kɔc ke Nhialic] abïk kuɛth de kakɛn cïk looi cam në miɛtëpiɔ̈u. Kë bïk aa looi abï ya tiam.”—Yithaya 65:21-23.

•   Abï tuɛnytuɛɛny nyaai ëbën. “Acïn raan bï bɛ dok [awu lueel] an de guöp juäi.”—Yithaya 33:24.

•   Abï dhiööp ye ɣok dhiɔp nyaai ëbën. “Guöpde abï looi bï cït guöp ë dhɔ̈ŋ thiin koor, ku abï bɛ nɔŋ riɛl.”—Jop 33:25, New World Translation.

•   Abï kɔc cï thou jɔt ë thuɔɔu yic bïk bɛn pïïr. “Kööl abɔ̈, kööl bï kɔc nu ë rɛ̈ŋ yiic rölde [Yecu] piŋ kɔc kedhie, agokï bɛ̈n biic.”—Jɔn 5:28, 29.