Mɛnh ë raan acï löny bï dɔ̈ɔ̈r bɛ̈ɛ̈i ë pinynɔm ku aabï ŋoot ke lɔ tueŋ ke cïï tiëm wɛ̈t ë käjuëc kä:

•   “Mɛnh ë raan acïï lëu bï rot caath, acïn nɔm riɛl bï rot nyuɔ̈ɔ̈th ë kueerde yic yetök.” (Jeremia 10:23, New World Translation) Mɛnh ë raan akëc ë cak ke riɛl awu pɛlënɔm bïï kek röt ya kuum ë röt, ë wɛt ë kënë, acïkë lëu bïk dɔ̈ɔ̈r bɛ̈ɛ̈i ë pinynɔm ëbën.

•   “Duökï bäny ke pinynɔm ee ŋɔ̈ɔ̈th, acïn mɛnh ë raan duëër yï kony ë pinynɔm. Të thou kek ayek röt pɔ̈k në abuui (tiɔp) yic, në ee kööl manë yen aye kë cïk kiëët ëbɛ̈n thök.” Diɛt 146:3, 4) Agut cï Bäny akumat kɔ̈k wën nɔŋ puɔ̈th bïk käpiɛth luɔ̈i mɛnh ë raan acïkë lëu bïk tɔŋtɔɔŋ nyaai ë pinynɔm ëbën.

•   “Të cï thök de piny thiɔ̈k, ke akööl rac bï kɔc dhal abik bɛ̈n. Kɔc abï ŋɛk ke rɔt aa nhiaar, ku nhiaar ŋɛk rɔt, ku bïk aa kɔc nhiaar wëu, . . . kɔc cïï këpiɛth ee nhiaar, kɔc ee kɔc nyiɛɛn [gaany], kɔc ril nïïm ëtör, kɔc ee röt tɔ dït.” (2 Timotheo 3:1-4) Ɣok aa rɛ̈ɛ̈r ë dhaman ë “thök de piny” yic, dhaman wën ye ciɛɛŋ rɛɛc ë kɔc dɔ̈ɔ̈r pëën bï bɛ̈n.

•   “Amawoou awu [dhiëëu abi tɔ̈u] ë piny nɔm ku wɛ̈ɛ̈r: ë luɔi cï jɔŋdït rac lɔ piny të nuö wek, ke cï gɔ̈th aläl, . . . [ë wɛ̈t] ŋic en en nɔn cï akööl liaakäŋ döŋ tëde yen.” (Nyuuth 12:12) Raan nɔŋ ater ke Nhialic, Jɔŋdït rac, acï cuɔ̈p ë piny nɔm ë tënë, ku yen acï kɔc thɛl ë ye cök bïk kärɛɛcken ye looi ya looi. Të ŋoot yen ke ye ‘bɛ̈ny mac ë pinyë nɔm,’ ka ɣok aacïï bï kaŋ rëër ë dɔ̈ɔ̈ric.—Jɔn 12:31.

•   “[Bääny ë Nhialic] abï ee meliikë [awu akumat yen rɛɛc thok nyaai nyïïn ëbën], . . . ku jɔ ceŋ aɣet athɛɛr.” (Danyel 2:44) Bääny ë Nhialic ee yen bï ɣok yiëk dɔ̈ɔ̈r ë pinynɔm ëbën, ku acie akumat ke mɛnh e raan.—Diɛt 145:16.