Ɣok ëbën ɣok ee riɔ̈ɔ̈c ë thuɔɔu ë wɛ̈t cïï ɣok ye wïc buk thou ku ayeku them apɛi buk pïïrda ya tiit. (1 Korinthoi 15:26) Ka yen, riɔ̈ɔ̈cdïït ye kɔc riɔ̈ɔ̈c ë wɛ̈t lueth yeke lueel ë biäk ë thuɔɔu ee keek cɔl aye “lïïm [awu aluɛɛk] në pïïrdenic ëbɛ̈n.” (Ɣeberuu 2:15 2:15) Ŋïny bïï yïn yic ŋic ë biäk thuɔɔu abï yïn kony bä cïï ye riɔ̈ɔ̈c ë riɔ̈ɔ̈cdïït wën lëu bï yïn pɛ̈n miɛt ë puɔ̈u ë pïïrdu yic.—Jɔn 8:32.

Yeŋö yen ë yic ë biäk ë thuɔɔu?

•   Kɔc cï thou acïn kë ŋickë. (Diɛt 146:4) Baibol ee thuɔɔu thɔ̈ɔ̈ŋ ke nïn, ka yen, duk ë bɛn riɔ̈ɔ̈c ë wɛ̈t cïn en arɛɛm ba bɛn yök të cïï yïn thou.—Diɛt 13:3; Jɔn 11:11-14.

•   Kɔc cï thou acïn kërɛɛc lëukë bïk luöi ɣook. Agut cï kɔc rac wään nhiaar tɔŋ cï thou aa cïn nïïm “Riɛl dɛ̈t tɔ̈u ke keek.” (Kɛ̈ŋ 21:16, New World Translation) Aye Baibol lueel “mänden ku tiɛɛlden, acïk riäär [awu riääk] në keek ëtök.”—Wɛ̈ɛ̈t cï Määtic 9:6

•   Thuɔɔu acie yen ë thök ë pïïr ë mɛnh raan ëbën. Ë dhaman ë jönërot, Nhialic abï kɔc cï thou ëbën jɔt ë thuɔɔu yic bïk bɛn pïïr.— Jɔn 5:28, 29; Luɔi de Tuuc 24:15.

•   Aye Nhialic thɔn ë dhaman bï bɛ̈n nɔn nadɛ̈ ke “thuɔɔu acïï bï be nu [awu tɔ̈u].” (Nyuuth 21:4) Aye Baibol lueel, të le kööl kënë bɛ̈n, kë “kɔc piɛthpiɔ̈ɔ̈th abïk piny lɔ̈ɔ̈k lak, ku abïk rëër thïn aɣet athɛɛr,” ku keek aabï rëër ke lääu nïïm, ke cie bɛn riɔ̈ɔ̈c ë thuɔɔu.—Diɛt 37:29.