SHIRONGWA 06
Weni lya valikire liparu?
“Koye [Karunga] nko lya tundilira liparu.” (Pisalme 36:9) Wa vi pura ovyo ndi? Vantu vamwe kughayara ashi, liparu ndi vininke kwato ogho a vi shito ngoli kwaya po tupu pavyene. Ntjeneshi ngoli, kunegheda ashi kapi pa kara konda yovyo twa karera po. Ngoli ntjeneshi Karunga a tu shito, pa kara konda yovyo a tu shitira. a Kona-kona ovyo ya ghamba Bibeli kuhamena omo lya valikire liparu ntani konda yovyo tuvipulira ovyo.
1. Weni vininke navintje vya ya po?
Bibeli kwa ghamba ashi: “Pamutango Karunga kwa shititre liwiru nalivhu.” (Genesis 1:1) Shingi shavakona-koni untjitwe kuvikwatitako ashi navintje kwa kara nalitamekero. Weni Karunga a vi shitire? Uye kwa rughanitire “nkondo” dendi mpepo yakupongoka mukushita navintje.—Genesis 1:2.
2. Morwanke Karunga a shitilire livhu?
Jehova ‘kapi a shitire livhu likare nyara-nyara ngoli pa kare vintu.’ (Jesaya 45:18) Uye kwa tendire livhu li kare livango lyaliwa kutunga vantu ntani likare nanavintje vana hepa mposhi va parukire po naruntje. (Varura Jesaya 40:28; 42:5.) Vakona-koni untjitwe vawana ashi, livhu kwa kukarera. Mpantjalyo livango lya karo nanavintje va hepa vantu mposhi va paruke.
3. Panke vakushuvira vantu navikorama?
Opo Jehova a manine kutenda livhu makura a turapo vimenwa navikorama. Makura, “Karunga a ungu muntu kushishwi shamwene.” (Varura Genesis 1:27.) Morwanke vantu va kushuvira kuvinamwenyo vyapeke? Atwe kwatushita mushishwi shaKarunga kutanta ashi kuvhura kunegheda nkedi dendi yira shihoro nauhungiki. Uye kwatu unga nalivhuliko lyakukushonga maraka nakuhafera ngaro navininke vyaviwa. Mukukushuva navikorama, atwe kuvhura kukarera Karunga nakutulitapo uholi naye.
TEDA KO
Kona-kona maumbangi a neghedo ashi navintje kwaviunga ntani litimwititi lyamuBibeli kuhamena lishito ushiri. Kushonge evi di tu shonga nkedi davantu kuhamena Karunga.
4. Navintje kwa vi unga
Vantu kuvakanganga kuvininke vatendanga evi va temwininanga kuuntjitwe. Are ngoli tu kanganga ogho a tendo untjitwe? Kengera VIDIYO makura timwitirenu lipuro lino.
-
Vinke va tenda vantu ovyo va temwinina kuuntjitwe?
Kehe ndjugho muntu a rughanango mafanaiko ghayo nakuyitunga. Are ngoli a rughano mafanaiko nakutenda untjitwe? Varura Heberi 3:4 makura timwitirenu mapuro ghano:
-
Vininke munke vyauntjitwe vyakutetukitango?
-
Kuvhura tu vi pure shiri ashi udjuni nanavintje vya karomo kwa vi unga ndi? Morwanke?
5. Litimo kuhamena lishito ushiri
MuGenesis 1, kwa shingonona omo vashitire livhu navinamwenyo. Kuvhura tu pure litimo olyo ndi walye ngano tupu? Kengera VIDIYO makura timwitirenu mapuro ghano.
-
Ngoli Bibeli kwa tamba ashi Karunga kwa shitire livhu navinamwenyo mumayuva ntayimwe ndi?
-
Una kughayara litimo kuhamena lishito ushiri ndi? Nke una kughararera ngoweyo?
Varura Genesis 1:1 makura timwitirenu lipuro lino:
-
Vakona-koni untjitwe kwa ghamba ashi udjuni wa kara nalitameko. Weni maghano ghavo gha kuwa nevi una varura muBibeli?
Vamwe kughayara ashi walye Karunga kwa tendire vininke kupitira mulikutjindjo. Varura Genesis 1:21, 25, 27 makura timwitirenu mapuro ghano:
-
Bibeli kushonga ashi Karunga kwa shitire shininke shimwe makura ashi shuvhu shikutjindje shikare ntjwi, vikorama namuntu? Ndi walye mwene a shitiro kehe vino kurudi rwavyo? b
6. Vantu kuna kara vishitwa vyaKarunga vya kukukarera
Atwe kwa kushuva navikorama a unga Jehova. Varura Genesis 1:26 makura timwitirenu lipuro lina kukwamo ko:
-
Atwe kwa tu unga mushishwi shaKarunga, mbyo twa karera nashihoro nankenda. Nke ngoli vina kutushonga ovyo kuhamena omo a kara Karunga?
VAMWE KUGHAMBA ASHI: “Litimo lyamuBibeli kuhamena lishito kuna kara ngano tupu.”
-
Weni una kughayara ko? Nke una kughambera ngoli?
LIKAMO
Jehova kwa shita udjuni ntani navinamwenyo navintje.
Livyukuruko
-
Nke ya shonga Bibeli kuhamena ntundiliro yaudjuni?
-
Karunga kwa shita navintje kurudi vyavyo ndi kwa shitire shininke shimwe osho shakutjindjiro shikare marudi ghakukushuva-shuva?
-
Morwanke vantu vakushuvira navinamwenyo navintje?
YIVAKO VYAVINGI
Kenga vihonena vyauntjitwe vya neghedango ashi pa kara Mushiti.
Kengera omo sha ana kutontwena monendi wamumati kuhamena untjitwe.
Kona-kona nangeshi lishongo kuhamena likutjindjo lyakuwa novyo ya ghamba Bibeli.
Kona-kona ashi weni vifupa vya kare vavhumbura vakona-koni untjitwe vya negheda ashi liparu kwa lishita ntani kapi lya ya po tupu palyene.
a Mushirongwa 25 ngatu katimwitira shitambo shaKarunga kuvantu.
b “Kehe ndjugho muntu ayi tungo, ngoli Karunga ndje mutungi wanavintje”
