Yira momo katuvitimwitire mushirongwa pita, kapishi maukareli naghantje a hafitango Karunga. Enengoli, kuvhura tu rughanene Mushiti wetu munkedi oyo ya mu hafitango. ‘Ukareli’ munke wa mu hafitango? (Jakobus 1:27) Kenga ovyo ya shonganga Bibeli.

1. Kuni wa hepa kutundilira ukareli wetu?

Ukareli wetu wa hepa kutunda muBibeli. Jesus kwa tantilire Karunga ashi: “Nkango doye ushiri.” (Johannes 17:17) Maukareli ghamwe kapi a kwamanga ushiri wa karo muNkango daKarunga Bibeli. Ngoli vavo kupinganitira po ushiri wamuBibeli namashongo nampo davantu. Jehova kapi a haferanga vantu ovo va ‘tulirango ntere nkango dendi.’ (Varura Markus 7:9.) Ngoli atwe kuhafita Jehova opo twa kwamanga Bibeli namapukururo ghamo.

2. Weni omo tu mu karera Jehova?

Mushiti wetu Jehova, vyamuwapera tu mu karere pantjendi thi. (Lishorwero 4:11) Kutantashi twa hepa kumuhora nakumukarera pantjendi, twa hana kurughanita vintjwantjo ndi mafano.—Varura Jesaja 42:8.

Ukareli wetu wa hepa “kupongoka nakuwapera” kughuto waJehova. (Roma 12:1) Kutanta ngoli ashi, tuna hepa kuparuka kukuwa nadimuragho dendi. Pashihonenito, ovo va horo Jehova, va hepa kuhora nakutikitamo dimuragho dendi kuhamena nkwara. Vavo nka kushwenena po nkalito dakunyata yira kukoka makanya nalipangwe ndi kukara nkorwi. a

3. Morwanke tu karera Jehova kumwe navaunyetu?

Mapongo ghetu kehe shivike kutupa mpito ‘yakushamberera Jehova mumbunga.’ (Pisalme 111:1, 2) Nkedi yimwe twa vi rughananga, pakutanga Karunga muntjumo. (Varura Pisalme 104:33.) Jehova kutushungida tu kare mumapongo mbyovyoshi a tu hora ntani a yiva ashi mapongo ngagha tu vatera tu hafere liparu naruntje. Opo twa ponganga tukukorangede, atwe kuwanena mo mauwa.

 TEDA KO

4. Kapishi tu rughanite mafano ndi vintjwantjo muukareli wetu

5. Kukarera Jehova pantjendi kutushutura mo mumashongo ghavimpempa

 6. Atwe kukarera Karunga kumapongo

Atwe kutanga Jehova nakukukorangeda-korangeda pakuyimba ntjumo nakutapa malimbururo kumapongo. Varura Pisalme 22:22, makura timwitirenu mapuro ghano:

• Ove kuhafera malimbururo wa yuvhanga kumapongo ndi?

• Nove una shana kukuwapaikira u ka tape lilimbururo ndi?

7. Jehova kumuhafita opo twa tanteranga ko vapeke ovyo tuna kukushonga

Pa kara ndjira dadingi omo tu tantera ko vapeke ushiri wamuBibeli. Varura Pisalme 9:1 ntani 34:1, makura timwitirenu lipuro lino:

• Shininke munke wa kushonga muBibeli una shana kutantera ko wapeke?

 LIKAMO

Atwe kuhafita Mushiti wetu opo twa mu kareranga pantjendi thi, nakumutanga kumapongo ntani pakutantera ko vapeke ovyo tuna kukushonga.

Livyukuruko

• Weni tu kushonga kukarera Karunga munkedi a tamburanga?

• Morwanke tu mu karera Jehova pantjendi thi?

• Morwanke tu mu karera Karunga kumwe novo va shano kumuhafita?