SHIRONGWA 15
Are Jesus?
Jesus kuna kara umwe a yiviko po muhistoli yavantu. Enengoli, kughupa ko tupu kuyiva lidina lyendi, shingi shavantu kapi va mu yiva nawa-nawa. Shingi shavo kwa kara namaghano ghakukushuvashuva kuhamena Jesus. Nke ya ghamba ko Bibeli kumuhamena?
1. Are Jesus?
Jesus kuna kara muengeli wankondo muliwiru. Ghuye kwa mu shitire Jehova Karunga kumeho a shite vininke navintje. Mbyo ngoli vamutwenyenanga ashi “mbeli kuvishitwa navintje.” (Kolose 1:15) Bibeli kutwenya Jesus ashi ‘MonaKarunga a huru’ mbyovyoshi Jesus pantjendi a shitire Jehova panaumwendi. (Johannes 3:16) Jesus ka rughananga kumwe naVashe, pakuvavatera va shite vininke navintje vyapeke. (Varura Vishegho 8:30.) Jesus shimpe kuna kutwikira kuhafera makukwatakano kumwe naJehova. Ghuye “Nkango” ndi mughambeli po ogho a rughanitanga Karunga a tware mbudi namashongero ghendi.—Johannes 1:14.
2. Nke Jesus a yelire palivhu?
Kunyara mwaka 2 000 da ka pito, Jehova kwa rughanine shitetu kupitira mumpepo yendi yakupongoka a rundurure liparu lyaJesus lyamuliwiru mumukogha wamukadona walidina Maria. Munkedi oyo, Jesus kwa mu shampurukire a kare muntu. (Varura Lukas 1:34, 35.) Jesus kwa yelilire palivhu a ya kare Mesias ndi Kristus walitwenyidiro ntani a ya yovore vantu. Mauporofete naghantje ghamuBibeli kuhamena Mesias gha ya tikilire mo mwendi. a Vantu va vhulire kunongonona Jesus ashi ndje “Kristus, MonaKarunga waMuyumi.”—Matheus 16:16.
3. Kuni ana kara weno Jesus?
Muruku rwamfa daJesus, ghuye kwa mu vhumbwire kuliparu lyapampepo muliwiru. Makura, “Karunga a mu yerura kulipuna lyalinene.” (Filipi 2:9) Weno Jesus a kara nalipuna lyakuyeruka. Ndje a kwamo Jehova munkondo.
TEDA KO
Konakona u yive kuhamena Jesus novyo vya karera mulyo kukushonga kumuhamena.
4. Jesus kapishi Karunga Munankondo nadintje
Bibeli kushonga ashi mpiri momo Jesus a kara muengeli wankondo muliwiru, uye shimpe kwa kara kuntji yaVashe, Jehova Karunga. Nke tuna kughambera ngoli? Kengera VIDIYO u yive ovyo ya shonganga Bibeli kuhamena nkondo odo a kara nado Jesus pakumushetakanita naKarunga munankondo nadintje.
Matjangwa ghana kukwamo ko ku tu vatera tu kwate lighano omo va kutundakana va Jehova naJesus. Varura kehe litjangwa makura timwitirenu mapuro ghano.
Varura Lukas 1:30-32.
-
Weni muengeli a shingonine likutundakano pakatji kaJesus naJehova Karunga “Munankondo nadintje”?
Varura Matheus 3:16, 17.
-
Opo vamuyoghire Jesus, nke lya ghambire liywi lyamuliwiru?
-
Weni una kughayara, liywi lyare lya kaliro?
Varura Johannes 14:28.
-
Are mukurona ntani a karo nankondo ngudu? Sha ndi mona?
-
Vinke a tambire Jesus opo a twenyine Jehova ashi Vashe?
Varura Johannes 12:49.
-
Jesus kughayara ashi naye naVashe va shetakana ndi? Weni una kughayara?
5. Jesus ndje Mesias
MuBibeli kwa kara mo mauporofete ogho a vatiliro vantu va dimburure Mesias, ogho a tovolire Karunga a yovore vantu. Kengera VIDIYO kuhamena litwaromo lyalifupi kumauporofete ghamwe ogho a ya tikitire mo Jesus palivhu.
Varura mauporofete ghano ghaBibeli, makura timwitirenu mapuro ghano:
Varura Miga 5:2 u yive oko va pumbire ashi ngava shampurukira Mesias. b
-
Uporofete ogho wa tikire mo palishampuruko lyaJesus ndi?—Matheus 2:1.
Varura Pisalme 34:20 ntani Sagaria 12:10 u yive maukenu va pumbire kuhamena mfa daMesias.
-
Mauporofete ogho a tikire mo ndi? —Johannes 19:33-37.
-
Omo una kughayara Jesus mwene a yenditiro mauporofete ghano a tike mo ndi?
-
Nke vina kukunegheda ovyo kuhamena Jesus?
6. Atwe kuwanena mo mauwa pakukushonga kuhamena Jesus
Bibeli ya nkondopeka mulyo wakukushonga kuhamena Jesus nashitumbukira shendi. Varura Johannes 14:6 ntani 17:3, makura timwitirenu lipuro lino:
-
Nke vya karera mulyo kukushonga kuhamena Jesus?
VAMWE KUGHAMBA ASHI: “Mbangi daJehova kapi da pura mwaJesus.”
-
Weni u limburura?
LIKAMO
Jesus muengeli wankondo. Guhye MonaKarunga ntani ndje Mesias.
Livyukuruko
-
Morwanke Jesus va mu twenyenanga ashi “mbeli muhovo kuvishintwa navintje”?
-
Nke ka rughananga Jesus kumeho yakuya palivhu?
-
Weni tuna vi yiva ashi Jesus ndje Mesias?
YIVAKO VYAVINGI
Kushonge vyavingi kuhamena shirughana shaJesus pa kukara Mesias.
“Mauporofete kuhamena Mesias gha negheda ashi Jesus ndje Mesias ndi?” (Shirongwa kuintanet)
Kushonge u yive ntjeneshi Bibeli kushonga ashi Karunga kwa yitire Jesus yira momo vantu va kuvaranga.
“Nke Jesus va mu twenyenanga ashi MonaKarunga?” (Shirongwa kuintanet)
Konakona u yive ashi lishongo Karunga Mutatu umwe kapishi lyamuBibeli.
Varura u yive omo liparu lyamukadi umwe lya kutjindjire opo a kushongire ovyo ya ghambako Bibeli kuhamena Jesus.
“Mukadi waMujuda a tontonona ovyo a konakonine lipuliro lyendi” (Awake!, May 2013)
a Mushirongwa 26 ntani 27 ngatu ka konakona ovyo vantu va hepera liyovoro ntani omo Jesus atu yovora.