SHIRONGWA 19

Mbangi daJehova vavo Vakriste vaushiri ndi?

PLAY

Atwe Mbangi daJehova twa vi purashi atwe Vakriste vaushiri. Morwanke? Konakona ntundiliro yamapuliro ghetu nalidina olyo lya tu hanguru kuvantu vapeke ntani shihoro osho twa kuneghedanga.

1. Kuni a tundilira mapuliro ghaMbangi daJehova?

Jesus kwa ghambire ashi: “Nkango [daKarunga] ushiri.” (Johannes 17:17) Yira Jesus, mashongo ghaMbangi daJehova kwa tundanga muNkango daKarunga. Konakona lihistoli lyetu. Kuviha vyamwaka 1870, kambunga kavakushongi Bibeli kwa konakonine nawa Bibeli va yive ovyo ya shonganga. Vavo ka va shonganga vyamuBibeli, mpiri momo mapuliro ghavo gha kushuvire namashongo ghankirishe. Makura mpo va tamekire kutantera ko vapeke ushiri ogho va wanine muBibeli. a

2. Nke twa kutwenyenangashi Mbangi daJehova?

Jehova kutwenya vakareli vendi ashi mbangi dendi mbyovyoshi vavo kushonga ushiri kumuhamena. (Heberi 11:4–12:1) Pashihonenito, pa kare, Karunga kwa tantilire vantu vendi ashi: “Anwe mbangi dande.” (Varura Jesaja 43:10.) Jesus kwa mu twenyanga ashi “Mbangi yakulimburukwa.” (Lishorwero 1:5) Makura, mu 1931 mpongoli twa ghupire lidina Mbangi daJehova. Atwe kukuyuvha mfumwa kurughanita lidina olyo.

3. Weni Mbangi daJehova da temwininanga shihoro shaJesus?

Jesus kwa holire ngudu varongwa vendi yira liro lyendi. (Varura Markus 3:35.) Mushikwavo, Mbangi daJehova vavo lipata limwe udjuni mudima. Mbyo ngoli twa kutwenyenanga ashi vanavanyokwetu. (Filemon 1, 2) Atwe nka kulimburukwa mpangera yino ashi: “Horangenu likupakerero nalintje lyavanavanyokwetu.” (1 Petrus 2:17) Mbangi daJehova kuneghenda shihoro osho munkedi dakukushuvashuva, yira pakutapa mbatero kuvapuli vaunyetu udjuni mudima pamaruvede ghaudito.

TEDA KO

Konakona lihistoli lyaMbangi daJehova ntani kenga nka maumbangi ghamwe a neghedo ashi atwe Vakriste vaushiri.

Vakriste vaushiri mapuliro ghavo kwa tunda muBibeli ntani kutantera ko vaunyavo ovyo vakushonga nga

4. Lipuliro lyetu kwa tunda muBibeli

Jehova kwa pumbire ashi ushiri waBibeli ngava u shorora. Varura Daniel 12:4, makura timwitirenu lipuro lino:

Vinke ngavi ‘vhuko’ muvantu vaKarunga momo vana kutwikira kukonakona Bibeli?

Kenga omo kambunga kavakushongi Bibeli rambanga ko Charles Russell va kushongire Nkango daKarunga. Kengera VIDIYO, makura timwitirenu lipuro lino.

VIDIYO : Kuwana nka ushiri waBibeli (7:45)

Muvidiyo, weni Charles Russell naVakushongi Bibeli vaunyendi va konakonine Bibeli?

Maukenu nka ghamweya

Pamaruvede ghamwe, atwe kwa wapukurura mapuliro ghetu ghamwe. Morwanke? Yira opo lya kyanga liyuva kadidi-kadidi kushorora omo lya fana livango, Karunga naye kutapa ndunge kadidi-kadidi kuvantu vendi va kwate lighano Nkango dendi. (Varura Vishegho 4:18.) Mpiri momo mbudi yamuBibeli ya piranga kurunduruka, atwe kuwapukurura lipuliro lyetu momo tuna kuyakwata lighano Bibeli.

5. Atwe kuparuka kukuwa nalidina lyetu

Morwanke twa kutwenyenanga ashi Mbangi daJehova? Kengera VIDIYO, makura timwitirenu lipuro lino.

VIDIYO: Lidina olyo lya tu shingononango (2:40)

Morwanke lidina Mbangi daJehova lya tu wapera?

Morwanke Jehova a tovorera vantu va kare mbangi dendi? Mbyovyoshi vavo ngava mu dimburura ashi ghuye Karunga washiri, morwa pa kara mashongo ghavimpempa ghamangi kumuhamena. Tukenge shihonenito shavimpempa viviri.

Maukareli ghamwe kushonga vantu vavo ashi Karunga ana va shanene va rughanite mafano ndi vintjwantjo muukareli wavo. Ovyo ushiri ndi? Varura Levitikus 26:1 makura timwitirenu lipuro lino:

Kukuwa noyo velise, weni Jehova a kuyuvhanga kuhamena mafano ndi vintjwantjo?

Maukareli ghamwe kushonga ashi Jesus Karunga. Varura Johannes 20:17, makura timwitirenu mapuro ghano:

Kukuwa noyo velise, Karunga naJesus muntu umwe tupu ndi?
Weni una kukuyuvha pakuyiva ashi Jehova a tuma Mbangi dendi di yuvhite ushiri kumuhamena naMonendi?

6. Atwe kwa kuhora-hora

Bibeli kwa ghamba ashi Vakriste va hepa kurughanena kumwe yira momo maruha gharutu gha rughanenanga kumwe. Varura 1 Korinte 12:25, 26, makura timwitirenu mapuro ghano:

Nke va hepa kurughana Vakriste vaushiri ntjene Vakriste vaunyavo kuna kuhepa?
Vinke wa mona kuhamena shihoro va kara nasho Mbangi daJehova?

Opo Mbangi daJehova da nyandanga kushirongo shimwe, Mbangi dapeke udjuni mudima kurughana ko wangu shintu. Mukumona shihonenito shimwe, kengera VIDIYO. Makura timwitirenu lipuro lino.

VIDIYO: Mukunda waHaiti kuna kukudimikira shiponga shalikundungu (5:29)

Weni mbatero va tapanga Mbangi daJehova ya neghedanga shihoro va kara nasho?

Vakriste vaushiri kunegheda shihoro kovo va nyandango

VAMWE KUGHAMBA ASHI: “Mbangi daJehova ukareli waupe.”

Ruvede munke Jehova a tamikire kutwenya vakareli vendi ashi mbangi?

LIKAMO

Mbangi daJehova kuna kara Vakriste vaushiri. Atwe lipata lyaudjuni mudima lyavakareli ovo va shongango vyamuBibeli ntani kuyivhita ushiri kuhamena Jehova.