SHIRONGWA 27
Weni mfa daJesus di vhura kutuparura?
Atwe kudjona, kuhepa ntani kufa morwa vantu vakuhova vaAdam naEva, kwa dinine Karunga. a Mpiri ngoli, twa kara nalihuguvaro. Jehova kupitira mwaMonendi Jesus Kristus, a tu wapaikira ndjira nga tu yovoke mundjo namfa. Bibeli kutushonga ashi Jesus kwa tapire shiyovolito pakutufera. Shiyovolito kuna kara mfuto va futanga va yovore muntu. Mfuto oyo a futire Jesus, kuna kara mulyo waliparu lyendi lyakutikilira mo lyashintu. (Varura Matheus 20:28.) Opo Jesus a tapire liparu lyendi, ghuye a tu gharwira mpito ngatu ka wane nka navintje ovyo va kombanitire vaAdam naEva. Pakurughano ovyo, Jesus a neghedire ashi a tu hora ntani Jehova naye a tu hora. Shirongwa shino ngashi kuvatera u kare narupandu rwa runene kumfa daJesus.
1. Weni tu wanena mo weno uwa mumfa daJesus?
Atwe kurughana vininke vyavingi ovyo a dira kuhora Jehova mbyovoshi atwe tuvanandjo. Mpiri ngoli, tuna hepa kukushighura kutundilira kumushima nakushungida Jehova kupitira mwaJesus Kristus a tu ghupire po ndjo detu nakukondja ngudu tu pire kuvyukuruka mapuko ghetu. Ntjeneshi atu virughana ovyo, ngatu kara vaholi vavanene vaKarunga. (1 Johannes 2:1) Bibeli kwa ghamba ashi: “Kristus kwa fire rumwe morwa ndjo detu. Uye muntu wamuhungami a fero vakupira kuhungama mposhi a tu kwatakanite naKarunga.”—1 Petrus 3:18.
2. Weni ngatu ka wanena mo uwa mumfa daJesus kumeho?
Jehova kwa tumine Jesus a ya tape liparu lyendi lyakutikilira mo “ashi kehe uno wakumupura [Jesus] a dire kudjonauka, nani ngoli a kare naliparu lyanaruntje.” (Johannes 3:16) Mukonda oyo, Jehova ntantani nga ka ghupepo maudona naghantje a yita Adam morwa kupira kulimburukwa. Kutanta ashi, ntjene atu pura mundjambo yaJesus, ngatu ka wana mpito yakukahafera liparu naruntje muparadisa palivhu!—Jesaja 65:21-23.
TEDA KO
Konakona u kwate lighano ovyo Jesus a tapire liparu lyendi ntani omo u wanena mo uwa.
3. Mfa daJesus ku tu yovora kundjo namfa
Kengera VIDIYO, makura timwitirenu lipuro lino.
-
Nke a kombanitire Adam opo a djonine kwaKarunga?
Varura Roma 5:12, makura timwitirenu lipuro lino:
-
Weni ndjo yaAdam ya kundama liparu lyoye?
Varura Johannes 3:16, makura timwitirenu lipuro lino:
-
Morwanke Jehova a tuminine Monendi palivhu?
-
Adam kwa kalire muntu wakutilira mo ogho a dinino Karunga nakuyitira vantu ndjo namfa
-
Jesus kwa kalire muntu wakutikilira mo ogho a limburukwiro Karunga nakupa vantu mpito ngava ka wane liparu lyanaruntje lyakutikilira mo
4. Vantu navantje kuvhura kuwanena mo uwa mumfa daJesus
Kengera VIDIYO, makura timwitirenu lipuro lino.
-
Weni vantu navantje va vhura kuwanena mo uwa mumfa damuntu umwe tupu?
Varura 1 Timotheus 2:5, 6, makura timwitirenu lipuro lino:
-
Adam kwa kalire muntu wakutikilira mo ogho a yitiro vantu ndjo namfa. Jesus naye kwa kalire muntu wakutikilira mo. Nke a rughanine Jesus mukutapa “shiyovolito shakushetakana” naliparu olyo a kombanitire Adam?
5. Shiyovolito ushwi a ku pa Jehova
Vaholi vaJehova kwa tambura shiyovolito ashi ushwi ogho ava pa pamundinda. Pashihonenito, varura Galati 2:20, makura timwitirenu lipuro lino:
-
Weni mupostoli Paulus a neghedire ashi shiyovolito ushwi va mu pa pamundinda?
Opo Adam a djonine, naye naruvharo rwendi kwa va tominine mfa. Ngoli, Jehova a tumine Monendi aya fe mposhi u wane mpito yakukahafera liparu naruntje.
Opo u varura velise dino, ghayadara ko omo a kuyuvhire Jehova opo Monendi a nyandire. Varura Johannes 19:1-7, 16-18, makura timwitirenu lipuro lino:
-
Weni una kukuyuvha kovyo va kurughanena Jehova naJesus?
UMWE KUVHURA A KUPURE ASHI: “Weni muntu umwe tupu a fera vantu vavangi?”
-
Weni u limburura?
LIKAMO
Morwa Jesus a tu fera, Jehova kuvhura a tu ghupire po ndjo detu ntani vya tu pa mpito ngatu ka hafere liparu naruntje.
Livyukuruko
-
Nke a felilire Jesus?
-
Munkedi munke liparu lyaJesus lyakutikilira mo lya kalire shiyovolito shakukuwa naliparu a kombanitire Adam?
-
Weni di kuyitira uwa mfa daJesus?
YIVAKO VYAVINGI
Varura u yive ovyo liparu lyaJesus lyakutikilira mo va litwenyenanga ashi shiyovolito.
“Weni ndjambo yaJesus ‘ya kara shiyovolito shanavantje’?” (Shirongwa kuintanet)
Varura u yive ovyo twa hepa kurughana ngava tu yovore kundjo namfa.
Jehova kughupira po maundjoni ghamanene ndi?
“Mapuro yalimburura Bibeli” (Ruhungu, Kudumonkuru-Pembagona 2013)
Varura u kenge omo kukushonga kuhamena ndjambo yaKristus vya vatelire murume a rundurure nkalito yendi.
a Ndjo kapi vya tanta tupu ashi kurughana shininke shashidona. Waro nka, kutanta ashi ukaro waudona ogho twa pinga.