SHIRONGWA 31

Nke Uhompa waKarunga?

PLAY

Ntjima-ntjima yambudi yamuBibeli kuna kara Uhompa waKarunga. Jehova nga rughanita Uhompa a tikitemo shitambo shendi shakutanga shakurenka livhu li kare paradisa. Nke Uhompa? Weni tuna viyiva ashi wagho kuna kupangera? Nke wa tikita mo dogoro weno? Ntani nke ngau ka rughana kughuto? Ngatu wana malimbururo mushirongwa shino neshi shakukwama ko.

1. Nke Uhompa waKarunga ntani are Hompa wamo?

Uhompa kuna kara lipangero a tura po Jehova Karunga. Jesus ndje Hompa waUhompa waKarunga ntani ghuye kupangera kutundilira muliwiru. (Matheus 4:17; Johannes 18:36) Bibeli kwa ghamba kumbinga yaJesus ashi: “Uye nga kara Hompa. . . dogoro kunaruntje.” (Lukas 1:32, 33) Jesus nga pangera livhu nalintje muUhompa waKarunga.

2. Vare ngava pangero naJesus?

Jesus kapi nga pangera mpantjendi. Vantu va kutunda “mumarudi namumaraka namudimuhoko nadintje . . . ngava kara vahompa va pangere livhu.” (Lishorwero 5:9, 10) Kutunda tupu opo Jesus a yire palivhu, limumbunga lyaVakriste kwa ya kara vakwami vendi. Ngoli navantje ngava yendo muliwiru va kapangere naye ndi? Hawe. Vantu vakutika pa 144 000 tupu ngava yendo muliwiru va kapangere naJesus. (Varura Lishorwero 14:1-4.) Vakriste navantje va kuhupa ko ngava kara pano palivhu.—Pisalme 37:29.

3. Morwanke Uhompa waKarunga wa pitakanena mapangero ghavantu?

Mpiri momo mapangero ghavantu kushetekera ko kurughana vyaviwa, ngoli kapi va kara nankondo dakurughana navintje va shana kurughana. Mwayendo ruvede, vavo kuvapinganitira po vapangeli vapeke ovo va piro kukara nawa nashinka kuvihepwa vyavantu. Enengoli, Jesus Mupangeli waUhompa waKarunga, kapi ngamu pinganena po muntu wapeke. Karunga a tura po “uhompa ogho ngava pira kudjonaghura mpiri kadidi.” (Daniel 2:44) Jesus nga pangera livhu nalintje ntani kapi nga paka mpongo. Ghuye muntu washihoro, wankenda ntani a hungama. Nga ka shonga vantu omo ngava vhura kukutekura mushihoro, munkenda namuuhunga.—Varura Jesaja 11:9.

TEDA KO

Konakona u kenge ovyo Uhompa waKarunga wa pitakanena mapangero naghantje ghavantu.

4. Uhompa wankondo ngudu ngau pangera livhu nalintje

Jesus Kristus a kara nankondo ngudu dakupangera kupitakana kehe mupangeli. Varura Matheus 28:18, makura timwitirenu lipuro lino:

Weni nkondo daupangeli daJesus da pitakana dakehe mupangeli?

Morwanke vya karera uwa ashi ngau pangera livhu nalintje Varura Daniel 7:14, makura timwitirenu mapuro ghano:

Morwanke vya karera uwa ashi Uhompa waKarunga “kapi ngava u djonaghura po”?
Why is it good that it will rule over the whole earth?

5. Mapangero ghavantu va hepa kughapinganena po

Morwanke Uhompa waKarunga wa hepa kupinganena po mapangero ghavantu? Kengera VIDIYO, makura timwitirenu lipuro lino.

VIDIYO : Vinke Untungi ndi Uhompa waKarunga?—Karuha (1:41)

Vinke a yita mapangero ghavantu?

Varura Muuditi 8:9, makura timwitirenu mapuro ghano:

Weni una kughayara, Uhompa waKarunga wa hepa kupinganena po mapangero ghavantu ndi? Morwanke?

6. Uhompa waKarunga wa kara navapangeli va kutukwata lighano

Hompa wetu Jesus a kalire muntu palivhu, mbyo ngoli ashi uye kuvhura “kukwata lighano maupirankondo ghetu.” (Heberi 4:15) Varume navakadi vavalimburukwi va kutika pa 144 000 ovo ngava ka pangero kumwe naJesus kwa va tovorora Jehova “mumarudi namumaraka namuvantu nadimuhoko nadintje.”—Lishorwero 5:9.

Vina kushengawida pakuyiva ashi Jesus ntani ovo ngava pangero naye va yiva liparu lyavantu ndi? Morwanke?

Jehova a tovorora varume navakadi mudimuhoko nadintje ngava pangere naJesus

7. Uhompa waKarunga wa kara naveta dadiwa kupitakana mapangero ghavantu

Mapangero kutulita po veta ashi vantu va wanene mo uwa ntani di va popere. Uhompa waKarunga nagho wa kara naveta odo va kwama ovo vau kwatitango ko. Varura 1 Korinte 6:9-11, makura timwitirenu mapuro ghano:

Weni una kughayara ngau fana udjuni opo vantu navantje ngava kwama veta daKarunga? a
Weni una kughayara, vya wapa ashi Jehova a pure ovo va kwatitango ko Uhompa va fumadeke veta odo ndi? Morwanke?
Nke vina kuneghedo ashi vantu ovo va pirango kufumadeka veta dino kuvhura shimpe va ture po makutjindjo?—Kenge velise 11.

Mapangero kutulita po veta ashi vantu va wanene mo uwa ntani di va popere. Ngoli Uhompa waKarunga wa kara naveta dadiwa kupitakana damapangero ghavantu odo da poperango nakuyitira uwa ovo vau kwatitango ko

UMWE KUVHURA A KUPURE ASHI: “Nke Uhompa waKarunga?”