SHIRONGWA 33
Ovyo ngau tompora Uhompa waKarunga
Uhompa waKarunga wa vareka kare kupangera muliwiru. Ntantani ngau ture po makutjindjo ghamanene palivhu. Tukonakone vininke vimwe vyaviwa u vhura kutaterera mulipangero lyaUhompa.
1. Weni ngau yita po Uhompa waKarunga mbiri nauhunga palivhu?
Jesus, Hompa waUhompa waKarunga nga ya djonaghura po vantu vavadona namapangero pavita vyaArmagedon. (Lishorwero 16:14, 16) Makura ngali tika mo litwenyidiro lino lyamuBibeli ashi: “Karuvedeghona tupu, makura mudona kapi nga kara po nka.” (Pisalme 37:10) Kupitira muUhompa, Jesus nga ka tulita po mpora nauhungiki pa livhu nalintje.—Varura Jesaja 11:4.
2. Weni ngali fana liparu opo kupanga kwaKarunga ngaku tikamo palivhu?
Mulipangero lyaUhompa waKarunga, “vahungami ngava pinga livhu ntani ngava tunga po naruntje.” (Pisalme 37:29) Ghayadara tupu udjuni omo vantu navantje ngava kara vahungami, va kuhora Jehova ntani va kukuhora-hora! Naumweshi ogho nga vero ntani navantje ngava ka paruka naruntje.
3. Nke ngau ka tompora Uhompa waKarunga muruku rwakudjonaghura po vantu vavadona?
Muruku rwakudjonaghura po vantu vavadona, Jesus nga pangera ure wamwaka 1 000. Opo nga pangera kumwe navantu 144 000, ngava ka vatera vantu palivhu va ka tikilire mo. Kulishaghero lyamwaka odo, livhu nalintje ngali ka kara paradisa omo ngamu ka karo vantu va ruhafo ovo ngava ka wano mauwa pakulimburukwa veta daJehova. Makura Jesus nga ka vyuta upangeli kuVashe Jehova. Kutunda opo ‘lidina lyaJehova ngava lipongora.’ (Matheus 6:9, 10) Ngavi kushorora ashi, Jehova Mupangeli wamuwa ogho a horo vantu vendi. Makura Jehova nga ka djonaghura po Satana, vaengeli vendi ntani kehe uno nga rwanito upangeli Wendi. (Lishorwero 20:7-10) Maukaro ghamawa ngagha yita Uhompa waKarunga ngagha ka karerera po naruntje.
TEDA KO
Konakona ovyo tu huguvarera ashi Karunga nga ka rughanita Uhompa mukukatikita mo matwenyidiro naghantje ghamuBibeli kuhamena meho yetu.
4. Uhompa waKarunga ngau shaghikita po mapangero ghavantu
“Muntu ku hepekera mo ghunyendi.” (Muuditi 8:9) Jehova nga ka rughanita Uhompa wendi mukushaghikita po kupira uhungiki.
Varura Daniel 2:44 ntani 2 Tesalonika 1:6-8, makura timwitirenu mapuro ghano:
-
Nke Jehova naMonendi Jesus nga va rughana mapangero ghavantu novo va gha kwatitangoko?
-
Weni ovyo una kushongo kuhamena Jehova naJesus vya negheda ashi ovyo ngava ka rughana uhunga ntani vya wapa?
5. Jesus a wapera kukara Hompa
Jesus Hompa waUhompa waKarunga nga ka rughana vyavingi mukuyitira vantu palivhu mauwa. Kengera VIDIYO u mone omo Jesus a neghidire ashi a kara nashihoro nankondo dakutunda kwaKarunga mukuvatera vantu.
Opo Jesus a kalire palivhu, a neghidire ovyo ngau tompora Uhompa waKarunga. Mauwa munke vana tura pano una kutaterera nankondo? Varura matjangwa ana kukwama ko ogho a kugho namauwa ogho.
|
OPO JESUS A KALIRE PALIVHU . . . |
KUTUNDILIRA MULIWIRU JESUS NGA KA . . . |
|---|---|
|
|
|
|
|
|
|
|
6. Uhompa waKarunga ngau ka yita meho yayiwa
Uhompa ngau ka tikita mo shitambo shakutanga shaJehova kuvantu. Vavo ngava paruka naruntje muparadisa palivhu. Kengera VIDIYO u mone omo Jehova ana kurughanita Monendi Jesus a tikite mo shitambo shendi.
Varura Pisalme 145:16, makura timwitirenu lipuro lino:
-
Weni una kukuyuvha pakuyiva ashi Jehova nga ka “tikita mo shihoro shavinamwenyo navintje”?
VAMWE KUGHAMBA ASHI: “Ntjene atu rughanene kumwe, kuvhura tu koshonone po maudito ghamuudjuni.”
-
Maudito munke ngau ka koshonona po Uhompa waKarunga, gha pira kughupa po mapangero ghavantu?
LIKAMO
Uhompa waKarunga ngau tikita mo shitambo shagho. Ngau ka wapukurura livhu nalintje li kare paradisa omo ngava ka kara vantu va vawa ovo ngava ka rughaneno Jehova naruntje.
Livyukuruko
-
Weni Uhompa waKarunga ngau ka pongora lidina lyaJehova?
-
Morwanke tu vi pulira ashi Uhompa waKarunga ngau ka tikita mo matwenyidiro ghamuBibeli?
-
Nke ngau ka tikita mo Uhompa ovyo una kutaterera nankondo?
YIVAKO VYAVINGI
Varura u yive ovyo ya tanta Armagedon.
Konakona vishorokwa ngavi shoroko paruvede napalishaghero lya lipangero lyaJesus lyamwaka 1 000.
“Nke ngavi shoroko paLiyuva lyaMpanguro?” (Ruhungu, Sikukutu-Sindimba 2012)
Kengera omo mapata a teda kumwe kuhamena mauwa ngagha ka yita Uhompa.
Varura shirongwa ashi, “Mapuro mangi gha ndungiro kumushima,” u yive omo murume ka rwanitango lipangero a wanine likoshonono olyo a shanine.
“Bibeli kurundurura liparu” (The Watchtower, January 1, 2012)
