SHIRONGWA 40
Weni tu kara tuna kushuka kuuto waKarunga?
Ghayara ko nyokwa ana kuwapaiko kana kendi kakamati kayende kushure. Uye kwa yivilita ashi monendi navyuma vyendi vina wapa nakukena. Evi kumuvatera a kare wakukanguka ntani kuvinegheda kuvantu vapeke ashi vakondi vendi kumupakera mbili. Mukukufana, Shetu washihoro Jehova ana shana tu kare vakukushuka parutu namunkalito yetu. Ntjene atu kushuka atwe kuwanena mo uwa ntani kumuyitira mfumwa.
1. Weni tu kushuka parutu?
Jehova kututantera ashi: “Muna hepa kupongoka.” (1 Petrus 1:16) Kupongoka kutanta ashi kukushuka pankalito naparutu. Atwe kukushuka parutu pakukuyoghana kehe pano ntani kukenita nakuwapeka vyuma, mandi namahauto ghetu. Kuvhura nka tu vatere kukenita Shinyanga shetu shaUhompa. Pakukushuka parutu atwe kuyitira Jehova mfumwa.—2 Korinte 6:3, 4.
2. Nkalito munke tu shwenena po mposhi tu kushuke?
Bibeli kutukorangeda ashi “tu kukenitenu naumwetu kwa kehe vino vya tu nyatekango parutu napampepo.” (2 Korinte 7:1) Mpongolishi tuna hepa kukondja kushwenena po kehe vino vi vhuro kudjonaura marutu nandunge detu. Ovyo twa ghayaranga vya hepa kuhafita Jehova mpongolishi tuna hepa kushwenena po maghayaro ghamadona. (Pisalme 104:34) Tuna hepa kukondja kurughanita nkango dadiwa.—Varura Kolose 3:8.
Vinke nka vi tu nyateko parutu napankalito? Vininke vimwe kuvhura kunyateka nakudjonaura marutu ghetu. Mpongolishi, tuna hepa kushwenena po makanya, lipangwe ndi kurughanita mutondo mulipuko mukukuhafita. Pakuvishwenena po vino, ngatu kara vakukanguka ntani ngatu negheda ashi twa fumadeka ushwi waliparu. Atwe kukondja kukushuka pankalito pakushwenena po virughana vyakunyata yira kukudanita kuvilyo vyantjoni ntani kupira kukengera mafano ndi vininke vyarushonda. (Pisalme 119:37; Efesi 5:5) Udito kushagheka virughana vino ngoli Jehova kuvhura a tu vatere tu shagheke.—Varura Jesaja 41:13.
TEDA KO
Kona-kona omo kukushuka parutu vya yitiranga Jehova mfumwa, ntani kenga omo u shagheka virughana vyakunyata.
3. Kukushuka parutu kuyitira Jehova mfumwa
Kuvhura tu mone omo Jehova a kenganga ukushuki pakukona-kona veta a pire Vaisrael va kare. Varura Exodus 19:10 ntani 30:17-19, makura timwitirenu mapuro ghano:
-
Weni velise dino dina kunegheda omo Jehova a kenganga ukushuki waparutu?
-
Nke u rughana kehe pano mposhi u kare una kushuka parutu?
Kukara una kushuka parutu vina hepa shirugho nalikuturomo. Ngoli kuvhura tu kushuke vikareshi kuni twa tunga ndi vikareshi tu vahepwe ndi vangawo. Kengera VIDIYO, makura timwitirenu lipuro lino.
-
Weni kukenita nakuwapeka viweka vyetu vi yitira mfumwa shirughana shetu shakuyuvhita?
4. Funda po virughana vyakunyata
Jehova kuvhura a tu vatere tu funde po kehe vino virughana vyakunyata
Ntjeneshi ove kukoka ndi kurughanita mutondo mulipuko mukukuhafita, ove wa yiva ashi udito kushagheka virughana ovyo. Nke vi kuvatero? Kona-kona omo vyakukundamanga virughana ovyo. Varura Matheus 22:37-39, makura timwitirenu omo makanya ndi kurughanita mutondo mulipuko mukukuhafita vi kundama . . .
-
likukwatakano lyogho muntu naJehova
-
lipata lyogho muntu ntani nava vapeke
Tura po mawapaiko ghakuvatero u funde po virughana vyakunyata. a Kengera VIDIYO.
Varura Filipi 4:13, makura timwitirenu lipuro lino:
-
Weni kuraperera, kukushonga Bibeli, ntani kuyenda kumapongo kehe pano vi pa muntu nkondo dakufunda po virughana vyakunyata?
5. Shwenena po maghayaro navirughana vyakunyata
Varura Kolose 3:5, makura timwitirenu mapuro ghano:
-
Weni tuna yiva ashi mafano gharushonda, kukutumina mbudi ndi mafano gharushonda kuselfon ntani kukudanita kuvilyo vyantjoni kuna kara virughana vyakunyata kuuto waJehova?
-
Una kughayara vya wapa kwevi Jehova a tu shungidanga tu kushuke munkalito yetu ndi? Morwanke?
Kenga omo u vhura kushwenena po maghayaro ghakunyata. Kengera VIDIYO.
Jesus kwa tapire shifanikito sha neghedo ashi tuna hepa kurughana ko shintu mposhi tu kare tuna kushuka munkalito yetu. Varura Matheus 5:29, 30, makura timwitirenu lipuro lino:
-
Jesus kapi a tambire ashi tu kuremeke ngoli uye kwa tambire ashi tuna hepa kurughana ko shintu. Nke a vhura kurughana ko umwe wangu-wangu mposhi a shwenene po maghayaro ghakunyata? b
Ntjeneshi ove kuna kukondja kushwenena po maghayaro ghamadona, Jehova kumona ovyo una kurughana ashi mulyo. Varura Pisalme 103:13, 14, makura timwitirenu lipuro lino:
-
Ntjeneshi ove kuna kukondja mukushagheka nkalito yakunyata, weni litjangwa lino lina kukukorangeda u twikire kukondja?
Kondja ngoli mpiri una kupuka!
Vyavyo ureru kughayara ashi, ‘nakupuka, walye nishayeke tupu kukondja.’ Ghayara ko kuhamena muduki ogho ana karo mulikurombero, ntjene a punduka nakuwa, kapi vina kutanta ashi ana kombanita, ndi ashi a kavarekere ko nka. Mukukufana, ntjeneshi una kupuka pakuvyukira kunkalito yoye yakunyata kapi vina kutanta ashi kapi vi kutompoka mukukondja u shayeke nkalito oyo. Ndi ashi walye ovyo wa kondja kuna kara mawoko-woko. Ntjene una kupuka, vyasha kudompita. Kondja ngoli! Ngau funda nkalito oyo yakunyata nalivatero lyaJehova.
VAMWE KUGHAMBA ASHI: “Kare navivareka. Kapi ni vhura kushagheka.”
-
Litjangwa munke umu negheda a mone ashi Jehova kuvhura a mu vatere a shagheke nkalito yakunyata?
LIKAMO
Kuvhura tu hafite Jehova pakukushuka parutu, pamaghayaro napankalito yetu.
Livyukuruko
-
Nke vya karera mulyo kukushuka?
-
Weni u kushuka parutu?
-
Weni u kushuka pamaghayaro namuvirughana vyoye?
YIVAKO VYAVINGI
Vininke munke vimwe u vhura kurughana mposhi u kushuke ntjeneshi ove ruhepo?
Kona-kona ovyo u vhura kurughana mposhi u shagheke kukoka.
Kona-kona omo mafano gharushonda a kundama nga muntu.
“Pornography —Harmless or Toxic?” (The Watchtower, August 1, 2013)
Kona-kona omo murume umwe vyamutompokire kushagheka kukengera mafano gharushonda.
“Kwa kondjere yikando yoyinzi, ntani yina kutompoka nge” (Ruhungu No. 4 2016)
a “How to Quit Smoking,” kuna kara shirongwa shina karo muruha “Yivako vyavingi” mushirongwa shino, sha fatururo ovyo u vhura kurughana mposhi vi kutompoke kufunda po nawa-nawa virughana vyakunyata.
b Mukuwana mbatero omo u funda po nkalito yakukudanita kuvilyo vyantjoni, kenga shirongwa “How Can I Conquer the Habit of Masturbation?” (Questions Young People Ask—Answers That Work, Volume 1, chapter 25).
