SHIRONGWA 41
Nke yaghamba ko Bibeli kuhamena kukugwanekera panyama?
Shingi shavantu ntjoni kutimwitira kuhamena likugwanekero panyama. Ngoli Bibeli ya twenya kuhamena kukugwanekera panyama munkedi yakuvyukilira nalifumadeko. Ovyo ya ghamba kutuyitira uwa. Mbyovyoshi Bibeli kwaJehova ya tunda ntani uye ndje a tu shito. Kunegheda ashi ndje a yivo vya kutuyitira uwa. Uye kututantera ovyo tu rughana tu mu hafite ntani ovyo vi tu vatero ngatu hafere liparu naruntje.
1. Nke a ghamba ko Jehova kuhamena likugwanekero panyama?
Likugwanekero panyama ushwi wakutunda kwaJehova. Uye kwa shana va u hafere mukadi namurume vakukwaro. Ushwi uno kuvatera ovo vakukwaro va vhure kuyita vana ntani va kuneghede shihoro nakukuhafita munkedi yayiwa. Mbyo ngoli da ghambera nkango daKarunga ashi: “Wana ruhafo mumukadona ogho wakwara.” (Vishegho 5:18, 19) Jehova kwa shana ashi, Vakriste va kwaro vakuhuguvare, kutanta ashi nakuvhurashi va shondere.—Varura Heberi 13:4.
2. Vinke rushonda?
Bibeli kututantera ashi “ovo va shonderango . . . kapi ngava pinga untungi waKarunga.” (1 Korinte 6:9, 10) Ovo va tjangiro Bibeli muruGereka kwa rughanitire nkango por·neiʹa mukutamba kurushonda. Nkango oyo kwa tamba (1) kukugwanekera panyama a vantu ovo va piro kukukwara, (2) kukugwanekera panyama mukadi namukadi ndi murume namurume, ntani (3) kukugwanekera panyama navikorama. Ngatu hafita Jehova nakuwanena mo uwa ‘pakukupora ko kurushonda.’—1 Tesalonika 4:3.
TEDA KO
Kona-kona omo tu shwenena po rushonda ntani omo u wanena mo uwa pakukara una kushuka munkalito.
3. Tjwayukenu rushonda
Murume wamulimburukwi Josef a shwenine mukadi ogho a shanino kukugwanekera naye panyama. Varura Genesis 39:1-12, makura timwitirenu mapuro ghano:
-
Nke vya tumangidiro Josef a duke? —Kenga velise 9.
-
Una kughayara Josef a tulire po litokoro lyaliwa ndi? Morwanke?
Weni vadinkantu va vhura kuhonena Josef pakutjwayuka rushonda namuntji? Kengera VIDIYO.
Jehova ana shana natuvantje tu shwenene po rushonda. Varura 1 Korinte 6:18, makura timwitirenu mapuro ghano:
-
Maukaro munke ghamwe gha twalidito umwe dogoro a kashondere?
-
Weni u tjwayuka rushonda?
4. Kuvhura u shwenene po masheteko
Nke vi ditopito kushwenena po masheteko ghakushondera? Kengera VIDIYO, makura timwitirenu mapuro ghano.
-
Nke monanyokweturume muvidiyo ana rughana opo ana dimburura ashi maghayaro navirughana vyendi kuvhura vi mu twalidite aka shondere?
Mpiri Vakriste vavalimburukwi kukondja pavirugho vimwe va kare namaghayaro ghakukushuka. Weni u shwenena po kutwikira kukara namaghayaro gharushonda? Varura Filipi 4:8, makura timwitirenu mapuro ghano:
-
Vininke vyakufana weni tu ghayara?
-
Weni kuvarura Bibeli nakukutura mo unene mushirughana shaJehova, vi tu vatera tu pire kutura ndjo?
5. Mpangera daJehova kutuyitira uwa
Jehova a yiva vya kutuyitira uwa. Uye kututantera omo tu kushuka pankalito namauwa tu wanena mo pakuvirughana. Varura Vishegho 7:7-27 ndi kengera VIDIYO, makura timwitirenu mapuro ghano.
-
Weni mumati a kutulire mwene muukaro wamasheteko? —Kenga Vishegho 7:8, 9.
-
Vishegho 7:23, 26 kunegheda ashi, rushonda kuvhura kuyita vitundwamo vyavidona unene. Ntjene tu shwenena po rushonda, maudito munke ngatu shenduka?
-
Weni kukushuka pankalito ngavi tu vatera tu hafere liparu naruntje?
Vamwe kughamba ashi ovyo ya shweneka Bibeli kuhamena kukurara murume namurume ndi mukadi namukadi kuna kara ukenya. Ngoli Jehova Karunga washihoro, ana shana navantje va hafere liparu naruntje. Mukukawana liparu olyo nkwandi tu paruke kukuwa nampango dendi. Varura 1 Korinte 6:9-11, makura timwitirenu lipuro lino:
-
KwaKarunga, kukurara murume namurume ndi mukadi namukadi mpantjavyo a shweneka ndi?
Mukuhafita Karunga, natuvantje tuna hepa kutura po marunduruko. Vyavyo viwa kuvirughana ndi? Varura Pisalme 19:8, 11, makura timwitirenu mapuro ghano:
-
Una kughayara mpango daJehova dakuhamena kukushuka pankalito diwa ndi? Morwanke?
Jehova a vatera vavangi va limburukwe mpango dendi kuhamena kukushuka pankalito. Nove kuvhura a kuvatere
VAMWE KUGHAMBA ASHI: “Kehe vano kuvhura tupu va kugwanekere panyama ntjene tupushi vakuhora.”
-
Weni u mu limburura?
LIKAMO
Likugwanekero panyama kuna kara ushwi a tapa Jehova va u hafere murume namukadi ovo vakukwaro.
Livyukuruko
-
Nke vya hameno mo murushonda?
-
Nke vi tu vatero tu shwenene po rushonda?
-
Mauwa munke tu wanena mo ntjene atu kwama mpango daJehova dakukushuka pankalito?
YIVAKO VYAVINGI
Kona-kona ovyo Karunga a shanena murume namukadi ovo va shano kutunga kumwe va kukware.
“Nke yaghamaba ko Bibeli kuhamena kutunga kumwe mwa hana kukukwara?” (Shirongwa kuintanet)
Kona-kona ovyo ya shweneka Bibeli kuhamena kukurara murume namurume ndi mukadi namukadi vya piliranga kutanta ashi tu nyenge vantu ovo.
“Lipuko kukurara murume namurume ndi mukadi namukadi ndi?” (Shirongwa kuintanet)
Kushonge omo veta daKarunga kuhamena virughana navintje vyakukugwanekera panyama da tu poperanga.
“Kukurara kupitira mukanwa navyo likugwanekero panyama ndi?” (Shirongwa kuintanet)
Mushishorokwa ashi, “Vavo kwa ntekulire nalifumadeko,” mona ovyo vya renkitiro umwe a kaliro muukaro wakukurara murume namurume ndi mukadi namukadi a rundurure nkalito yendi mposhi a hafite Karunga.
a Likugwanekero panyama va shweneka kwa hamena mo virughana vyakukushuva-shuva yira, kukugwanekera panyama mukanwa, kukugwanekera panyama kunyima ntani kudanita vilyo vyaumwe vyantjoni.
